ආණ්ඩුක්රම ව්යවස්ථාවේ 22 වැනි සංශෝධනයට එරෙහිව ඉදිරිපත් වූ ඇතැම් පෙත්සම් ශ්රේෂ්ඨාධිකරණය හමුවේ විවෘත අධිකරණයේ විභාගයට නොගැනීම සම්බන්ධයෙන් විපක්ෂ නායක සජිත් ප්රේමදාස මහතා අද (සැප්තැම්බර් 08) පාර්ලිමේන්තුවේදී සිය දැඩි කනස්සල්ල පළ කළේය.
මෙරට ප්රජාතන්ත්රවාදය, අධිකරණයේ ස්වාධීනත්වය සහ නීතියේ ආධිපත්යය ශීඝ්රයෙන් කඩාවැටීම හේතුවෙන් විදේශීය ඍජු ආයෝජන (FDI) සහ ආර්ථික වර්ධනය දැඩි ලෙස අඩපණ විය හැකි බව විපක්ෂ නායකවරයා අනතුරු ඇඟවීය. ආධාර සහ ආයෝජන ගෙන ඒමට උත්සාහ කරන අතරතුර ප්රජාතන්ත්රවාදය විනාශ කිරීමේ අධිවේගී ගමනක රජය නිරත වන බවට ඔහු චෝදනා කළේය. තවද, පොරොන්දු වූ පරිදි සෞඛ්ය ක්ෂේත්රයේ ඖෂධ හා උපකරණ හිඟයට විසඳුම් නොදී ප්රාථමික සෞඛ්ය පද්ධති සංශෝධනය කිරීමට යාම සහ ජීවන වියදම ඉහළ යාම සම්බන්ධයෙන් ද විපක්ෂ නායකවරයා වත්මන් රජය දැඩි ලෙස විවේචනය කළේය.
