මෙරට තුළ කිසිදු ඉන්ධන හිඟයක් නොමැති බවත්, පවතින තත්ත්වය කළු කඩකාරයින් විසින් මවාපාන ලද්දක් බවත් ලංකා ඛනිජ තෙල් බෙදුම්කරුවන්ගේ සංගමයේ සභාපති ෂෙල්ටන් ප්රනාන්දු මහතා අවධාරණය කරයි. මාසයකට අධික කාලයක් සඳහා අවශ්ය ඉන්ධන තොග සුරක්ෂිතව පවතින බැවින් අනවශ්ය ලෙස තොග රැස් කිරීමට උත්සාහ නොකරන ලෙස ඔහු ජනතාවගෙන් ඉල්ලා සිටී. මැදපෙරදිග අර්බුදය හමුවේ ඇති වූ බිය නිසා පාරිභෝගිකයන් එක්වරම ඉන්ධන ලබා ගැනීමට පැමිණීම හේතුවෙන් තාවකාලික තදබදයක් නිර්මාණය වී ඇති අතර, දින දෙකක් ඇතුළත බෙදාහැරීම් යථා තත්ත්වයට පත්වනු ඇත. කළු කඩකාරයින්ගෙන් වැඩි මිලට ලබාගන්නා ප්රමිතියෙන් තොර ඉන්ධන මගින් වාහනවලට හානි සිදුවිය හැකි බැවින්, පිරවුම්හල්වලින් පමණක් ආරක්ෂිතව ඉන්ධන ලබාගන්නා ලෙසත් මෙම මවාපෑමට හසු නොවන ලෙසත් සංගමය වැඩිදුරටත් දන්වා සිටියි.
