සතුරාගේ පැමිණිම නිරන්තරයෙන්ම අපේක්ෂා කලයුතු අතර ඒ සඳහා අපගේ සුදානම ඉතා වැදගත්වන බව යුද්ධ හමුදාධිපති ලුතිනන් ජෙනරාල් මහේෂ් සේනානායක මහතා පවසයි.
යුධ හමුදාපතිවරයා මේ බව පැවසුවේ ශ්රී ලංකා යුද්ධ හමුදාව විසින් නවවන වරටත් සංවිධානය කරනු ලැබු ‘දියකාවා යුද අභ්යාසය අදියර IX – 2018’ (ඒකාබද්ධ ක්ෂේත්ර යුද අභ්යාසය) අවසන් ප්රහාරය ඊයේ (26) දින කුච්චවේලි හිදී පැවැති
අවස්ථාවට එක්වෙමින්.
මෙහිදි වැඩිදුරටත් අදහස් දක්වමින් යුද්ධ හමුදාධිපතිවරයා කියා සිටියේ අප සෑම විටම නැවත යුද්ධයක් ඇති නොවේ යැයි සිතා කටයුතු කරනවට වඩා අප ඕනම අවස්ථාවකට මුහුණදීම සඳහා සුදානම්ව සිටිම අපගේ පරම කාර්යය බවයි.
අප මාතෘ භූමියට ඇතිවන සියලුම ආකරයේ තර්ජන වලින් අපේ මාතෘ භූමිය ආරක්ෂා කිරීමට අප සියළුදෙනා දිවිහිමියෙන් කැපවී සිටිමු යන්න ද මෙහිදී යුධහමුදාපතිවරයා වැඩිදුරටත් කියා සිටියේය.
