යහ පාලනය තුල සිටි බැසිල්ගේ ඔත්තුකරුවෝ..?

යහ පාලන සමයේ එහි අභ්‍යන්තරික තත්ත්වයන් හා දේශපාලනික ගතිකයන් පිටත ට කාන්දු කිරීම උදෙසා, ශ්‍රී ලංකා පොදුජන පෙරමුණේ නිර්මාතෘ බැසිල් රාජපක්ෂ විසින් චරපුරුෂයන් යොදවා සිටි බව හෙළි වෙමින් පවතී. පසුගිය දා පැවැති ශ්‍රී ලංකා නිදහස් පක්ෂයේ ඉහළ නායකත්ව හමුවක දී හා අභ්‍යන්තර සාකච්ඡාවන්වල දී සහ වත්මන් විපක්ෂයේ ප්‍රබලයින් අතර මේ පිළිබඳව කතා බහ ට ලක්ව ඇත.

දෙස් විදෙස් දේශපාලන කුමන්ත්‍රණ රැසක් ශ්‍රී ලංකාව අභ්‍යන්තරයේ ක්‍රියාවට නැංවීම ට කැස කැවූ 2013 වසරේ සිට, මෛත්‍රීපාල සිරිසේන මහතා ශ්‍රී ලංකා නිදහස් පක්ෂයෙන් ඉවත්වීම දක්වා සිදු වූ බොහෝ දෑ මේ අනුව පැහැදිලිව හා නිරවුල්ව දැන් දැන් ප්‍රසිද්ධියේ කතා බහ ට ලක්වෙමින් තිබීම ද මෙම සාකච්ඡාවන් ට පාදක වී තිබේ.

ආරම්භක අවස්ථාවේ දී නිමල් සිරිපාල ද සිල්වා ඇමතිවරයා ට පොදු අපේක්ෂක භූමිකාව රඟ දැක්වීම ට අරාධනා හිමී වු බවත්, ඔහු පළමුව ඊට යම් කැමැත්තක් දක්වා, පසුව බියමුසු ස්වභාවයකින් ඒ ආරාධනාව ප්‍රතික්ෂේප කළ බවත් මේ වනවිට ප්‍රසිද්ධ රහසක්ව තිබේ.

කෙසේ හෝ අග්‍රාමාත්‍ය ධූරය නොලැබීම ආදී විවිධ හේතූන් මත රාජපක්ෂ රෙජීමය සමඟ මතවාදී තලයක සිටි, එවකට ශ්‍රී ලංකා නිදහස් පක්ෂයේ මහ ලේකම් මෛත්‍රීපාල සිරිසේන ඇමතිවරයා ආරාධනාව එකහෙළා පිළිගත්තේ ය. ඒ පිළිබඳව පළමුව සන්නිවේදය කිරීමට සමත්වූ පාර්ශවය ලෙස කිලී මහරාජා ඇතුළු කණ්ඩායමේ පූර්ණ සහාට ඔහු ට හිමිවන බවත් ඒ වෙනුවෙන් යම් යම් එකඟතා ඇති වූ ආකාරයත් මේ වනවිට ප්‍රසිද්ධ රහස් බව ට පත්ව තිබේ.

ඉන් අනතුරුව සිට ශ්‍රී ලංකා පොදු ජන පෙරමුණ නිර්මාණය කළ අවස්ථාව දක්වා, යහ පාලනය අභ්‍යන්තරයේ තත්ත්වයන් නිරීක්ෂණය කිරීම ට මෙන්ම ඒ තුල යම් අදෘෂ්‍යමාන පාලනයක් ඇතිකිරීම උදෙසා තම පාර්ශවය ට හිතවාදී කිහිපදෙනෙක් හෝ ස්ථානගතකිරීම ට බැසිල් රාජපක්ෂ මහතා පියවර ගෙන තිබූ බව දැන් පැහැදිලි යැයි මේ සම්බන්ධයෙන් මත පලකරන වත්මන් විරුද්ධ පක්ෂයේ ප්‍රබලයින්ගේ මතය වී තිබේ.

මෙසේ ක්‍රියාත්මක වූ චරපුරුෂ දේශපාලන චරිත හඳුනාගත යුතු බවත්, ඔවුන් රට ට හෙළි කළ යුතු බවත් මේ විපක්ෂ ප්‍රබලයින් අතර සාකච්ඡා වී ඇත. එය ඉදිරි සංධානගතවීම් සඳහා පෙර සූදානමක් විය යුතු බවට ද ඇතැමුන් මත පල කළ බව ද අපගේ දේශපාලන ආරංචි මාර්ග කියයි.

සටහන : අකලූෂ විද්‍යාතිලක

Pin It

සබැඳි පුවත්

ස්වභාවික වායුව අස්වාභාවික විසඳුමක්ද? ( අරුණ පුවත්පත )
ස්වභාවික වායුව අස්වාභාවික විසඳුමක්ද? ( අරුණ පුවත්පත ) ජනාධිපතිවරයාගේ සෞභාග්‍යයේ දැක්ම ප්‍රතිපත්ති ප්‍රකාශනයෙහි කැලණිතිස්ස සහ කෙරවලපිටියේ දැනට පිහිටි ටර්බයින බලාගාර 2023 වන විට ස්වාභාවික වායුවෙන් (ස්වා) ක්‍රියා කරවන...
එහෙව් තාක්ෂණ ස්වර්ග රාජ්‍යයට මාගේ දේශය අවදි කරනු මැන
එහෙව් තාක්ෂණ ස්වර්ග රාජ්‍යයට මාගේ දේශය අවදි කරනු මැන කොවිඩ් වසංගතයේ අඳුරු අත්දැකීම් අතරින්, ගෝලීය සංකල්පවල ප්‍රායෝගික ගැටළු මතුවෙමින් තිබෙන අවධියකි මේ. අනෙකුන් මත යැපීමේ ආදිනව විඳිමින්, ස්වයංපෝෂිතබවේ අගය ගැන කියවෙ...
කෝවිඩි-19ට සම්බන්ධයැයි සැක බරපතළ රෝගී ලක්ෂණ දරුවන් අතර මතුවෙයි
කෝවිඩි-19ට සම්බන්ධයැයි සැක බරපතළ රෝගී ලක්ෂණ දරුවන් අතර මතුවෙයි කොරෝනාවෛරස ආසාදනයට සම්බන්ධ යැයි සැලකිය හැකි දුර්ලභ නමුත් භයානක රෝග ලක්ෂණ කීපයක් දරුවන් අතර නිරීක්ෂණය වී ඇති අතර, මේ පිළිබඳ අවධානයෙන් සිටින ලෙස එක්සත් රාජධානියේ ...
කොරෝනා චීනයෙන් තුරන් වෙද්දී ලෝ වටා තත්ත්වය
කොරෝනා චීනයෙන් තුරන් වෙද්දී ලෝ වටා තත්ත්වය කොරෝනා වෛරසයේ ව්‍යාප්තිය ඇරැඹි චීනයෙන් ඊයේ (අප්‍රේල් 07) එකම කොරෝනාවෛරස් රෝගී මරණයක් හෝ වාර්තා නොවිණි. පසුගිය ජනවාරියේ පටන් චීනය දෛනික සංඛ්‍යා ලේඛන ඉදිරිපත් කළ...
කොවිඩ්-19 වසංගත වක්‍රය පැතලි කිරීම: ප්‍රජා වෛද්‍ය ප්‍රතිචාරය
කොවිඩ්-19 වසංගත වක්‍රය පැතලි කිරීම: ප්‍රජා වෛද්‍ය ප්‍රතිචාරය ශ්‍රී ලංකා ප්‍රජා වෛද්‍ය විශේෂඥ වෛද්‍යවරුන්ගේ සංගමය යනු ශ්‍රී ලංකාව තුල මහජන සෞඛ්‍ය ක්‍රියාවට නැංවීම පිළිබද ප්‍රමුඛතම වෘත්තික සංවිධානයයි. එය ශ්‍රී ලාංකීය ජනතාවග...
උණුසුම් කාලගුණයට මුහුණ දීම !
උණුසුම් කාලගුණයට මුහුණ දීම ! පාරිසරික උෂ්ණත්වය සාමාන්‍ය තත්ත්වයන් ට වඩා බෙහෙවින් ඉහළ මට්ටමක මෙම දිනවල පවතින බව වාර්තා වේ. අධික උෂ්ණත්වය සහ එමගින් මිනිස් සිරුරට සිදුවිය හැකි අහිතකර තත්ත්වයන්...

Print   Email