අමානා තකාෆුල් රක්ෂණ සමාගමෙන් සැමහට එක ලෙස දිරි දෙන වැඩසටහන් රැසක්

ශ්‍රී ලංකාවේ ප්‍රමුඛ දේශීය රක්ෂණ සැපයුම්කරුවකු වන අමානා තකාෆුල් රක්ෂණ සමාගම පසුගිය සති කිහිපය තුළ ශ්‍රී ලාංකික ප්‍රජාව වෙත සිය සහයෝගය ලබා දීමේ වැඩසටහන් කීපයක්ම දියත් කළේය.

දුෂ්කර කාලයන් හි දී එකිනෙකා හට සහයෝගය ලබා දීම සඳහා වූ වගකීම සම්පූර්ණ කිරීම අරමුණු කර ගනිමින් මෙම වැඩසටහන් ආරම්භ කෙරිණි.

දේශීය සමාගමක් වශයෙන්, ශ්‍රී ලාංකිකයන් ආරක්ෂා කිරීමේ සිය පොරොන්දුව ඉටු කරමින් අමානා තකාෆුල් රක්ෂණ සමාගම COVID-19 වසංගතයෙන් පීඩාවට පත් වූ පුද්ගලයින් සහ පවුල් වලට මෙන්ම පසුගිය මෝසම් වැසි හේතුවෙන් ඇති වූ ගංවතුරෙන් පීඩාවට පත් වූවන්ට ද සිය සහයෝගය ලබා දුන්නේය.

එහිදී සමාගම විසින් PPE Kits සහ Non-Rebreather Masks ඇතුළු අත්‍යවශ්‍ය වෛද්‍ය උපකරණ සහ සැපයුම්, මාවනැල්ල සහ කෑගල්ල රෝහල් සඳහා පිරිනමමින් මෙම ආයතනික සමාජ වගකීම් වැඩසටහන් මාලාව ආරම්භ කළේය.

සමාගම ඉන් අනතුරුව, සෑම වසරකම ජුනි 14 වන දින සැමරෙන ලෝක රුධිර පරිත්‍යාග දිනය සමරමින්ද වැඩසටහනක් ක්‍රියාත්මක කළේය.

එහිදී අමානා තකාෆුල් රක්ෂණ සමාගම, ජාතික රුධිර පාරවිලයන සේවාව (NBTS) සමඟ අත්වැල් බැඳගනිමින් වසංගත හා අහිතකර කාලගුණික තත්ත්වයන් නොතකා ජාතික රුධිර මධ්‍යස්ථානයට පැමිණි සියළුම රුධිර පරිත්‍යාගශීලීන්ට සිය කෘතඥතාවය පළකිරීමට කටයුතු කළේය.

සංචරණ සීමාවන් සහ ධාරානිපාත වර්ෂාව හේතුවෙන් ඇතිවූ ගංවතුර තත්ත්වයෙන් අපහසුතාවයට පත් දෛනික වැටුප් උපයන්නන් ඉලක්ක කර ගනිමින් වැල්ලම්පිටිය ප්‍රදේශයේ පවුල් 200කට අධික පිරිසකට අමානා තකාෆුල් රක්ෂණ සමාගම මුල්‍යාධාර ලබා දුන්නේය. මෙම අවස්ථාවට වැල්ලම්පිටිය ප්‍රදේශවාසීන් සහ ප්‍රජාවේ ආගමික නායකයින් ද සහභාගී විය. මීට අමතරව, අමානා තකාෆුල් රක්ෂණ සමාගම විසින් ගංවතුරින් අසරණභාවයට පත්වූ වත්තල, පල්ලියවත්ත ඇතුළු ඒ ආශ්‍රිත ජනතාව වෙත අත්‍යවශ්‍ය ආහාර ද්‍රව්‍ය සහ වියළි සලාක බෙදා දීමද සිදු කෙරිණි.

ඒ අනුව සමස්ථයක් ලෙස අමානා තකාෆුල් රක්ෂණ සමාගමට ජුනි මාසය තුළ පවුල් 500 කට අධික සංඛ්‍යාවකගේ ජීවිත වෙත ළඟා වීමටත් ඔවුන්ට දායකත්වය ලබා දීමටත් හැකියාව ලැබී තිබේ.

සමාගමේ මෑත කාලීන සමාජ ප්‍රයත්නයන් පිළිබඳව අදහස් දක්වමින් අමානා තකාෆුල් රක්ෂණ සමාගමේ ප්‍රධාන විකුණුම් නිලධාරි සුරේෂ් බස්නායක මහතා මෙසේ පැවසීය. “අමානා තකාෆුල් රක්ෂණයේ මූලික අරමුණ ගත් කල එහි ඇත්තේ සෑම ශ්‍රී ලාංකිකයෙකු සඳහාම සමාන සහයෝගිතාවය දැක්වීමයි. සමාගමක් වශයෙන් අප ක්‍රියාත්මක වන මූලධර්මය එයයි. අප සෑමවිටම අපගේ ප්‍රජාවන් රැකබලා ගැනීම සිදු කරන අතර ඒ සඳහා ප්‍රමුඛතාවය ලබා දෙනවා. අසරණභාවයට පත්වූවන් නඟා සිටුවීමට සහ අවශ්‍යතා ඇති අපගේ ශ්‍රී ලාංකිකයන්ට උපකාර කිරීමට අපි නිරතුරුව උත්සාහ කරනු ලබනවා. ‘රටේ සැමහට එක ලෙස’ යන අපගේ නැවුම් සන්නාම අනන්‍යතාවය සහිතව මේ වසර මුලදී එකිනෙකා කෙරෙහි වූ සහයෝගිතාවයේ පොරොන්දුව ද අප ලබා දුන්නා.”

අමානා තකාෆුල් රක්ෂණ සමාගම ජාත්‍යන්තර මට්ටමේ රක්ෂණ විසඳුම් තුළින් සිතට සහනය ලබා දීමේ ශක්තිමත් දැක්මක් අඛණ්ඩව ඉදිරියට ගෙන යමින් දශක දෙකකට වැඩි කාලයක් ජාතියට සේවය කර ඇත.

එසේම පාරිභෝගික කේන්ද්‍රීයතාව, විවෘතභාවය, ගුණාත්මකභාවය සහ විවිධත්වය යන මූලික හරයන් තුළින් සියලු පාර්ශවකරුවන්ට වටිනාකමක් එක් කිරීමට අඛණ්ඩව කැපවී සිටී. අමානා තකාෆුල් රක්ෂණ සමාගම සෑම ශ්‍රී ලාංකික පුරවැසියකුටම ගැලපෙන පරිදි සකස් කළ සෞඛ්‍ය, ජීවිත හා සාමාන්‍ය රක්‍ෂණ විසඳුම් ලබා දෙයි.

සමාගමේ තොරතුරු, රක්ෂණ විසඳුම් සහ සේවාවන් පිළිබඳ වැඩි විස්තර සඳහා www.takaful.lk වෙත පිවිසෙන්න.

 

පිටපත - Communique PR

Pin It

සබැඳි පුවත්

DFCC Leasing Flash Promo නමින් පැය 24ක සුවිශේෂී ලීසිං ප්‍රවර්ධන වැඩසටහනක්
DFCC Leasing Flash Promo නමින් පැය 24ක සුවිශේෂී ලීසිං ප්‍රවර්ධන වැඩසටහනක් ශ්‍රී ලංකාවේ ප්‍රමුඛතම වාණිජ බැංකුවක් වන DFCC බැංකුව ‘DFCC Leasing Flash Promo’ නමින් සුවිශේෂී, මාර්ගගත (Online) ලීසිං ප්‍රවර්ධන වැඩසටහනක් 2021 ජූලි 30 දින පැවැ...
Vivo V ශ්‍රේණි පිළිබඳව ගැන විශේෂඥයින්ගෙන් හෙළි කිරීමක්
Vivo V ශ්‍රේණි පිළිබඳව ගැන විශේෂඥයින්ගෙන් හෙළි කිරීමක් ස්මාර්ට්ෆෝන් කැමරාව වසර ගණනාවක් තිස්සේ විශාල ලෙස පරිණාමය වී ඇති අතර දැන් වඩා මිල අධික වෘත්තීය උපාංග සමඟ සමාන්තරව තරඟකාරී බවක් ඇති කර තිබේ. විශේෂයෙන්ම බොහෝ ඡා...
මෙරට කුඩා හා මධ්‍ය පරිමාණ ව්‍යාපාර යහපත සැලසීමට ඇමරිකා එක්සත් ජනපදයෙන් DFCC බැංකුවට ඩොලර් මිලියන 150...
මෙරට කුඩා හා මධ්‍ය පරිමාණ ව්‍යාපාර යහපත සැලසීමට ඇමරිකා එක්සත් ජනපදයෙන් DFCC බැංකුවට ඩොලර් මිලියන 150... වර්තමාන ආර්ථික අභියෝග වලට මුහුණ දීමට අත්වැලක් වීම සඳහා ශ්‍රී ලංකාවට ඇමරිකානු ඩොලර් මිලියන 150 ක පරිත්‍යාගයක් සිදුකිරීමට ඇමරිකා එක්සත් ජනපදය තීරණය කර තිබේ. ඇම...
DFCC බැංකුවට එක්සත් රාජධානියේ Global Brands වෙතින් සම්මාන 2 ක්
DFCC බැංකුවට එක්සත් රාජධානියේ Global Brands වෙතින් සම්මාන 2 ක් ශ්‍රී ලංකාවේ ප්‍රමුඛතම වාණිජ බැංකුවක් වන DFCC බැංකුව, පසුගියදා 2021 Global Brands සම්මාන 2 කින් පිදුම් ලැබීමට සමත් විය. මෙම සම්මාන වැඩසටහන සංවිධානය කරන ලද්දේ...
“හොන්ඩා” ශ්‍රී ලංකාවේ අතිශය ආදරය දිනාගත් මෝටර්රථ සන්නාමය බවට පත්වේ
“හොන්ඩා” ශ්‍රී ලංකාවේ අතිශය ආදරය දිනාගත් මෝටර්රථ සන්නාමය බවට පත්වේ ගෝලීය COVID-19 වසංගතය අනෙකුත් සෑම කර්මාන්තයකටම මෙන්ම මෝටර් රථ කර්මාන්තයට ද දැඩි බලපෑමක් ඇති කර ඇති අතර ඊටත් වඩා, වාහන, යතුරුපැදි සහ ස්කූටර් ආනයනය සඳහා ඇති සීමාව...
සංචාරකයන්ට රට විවෘත කිරීමෙන් පසු සංචාරකයෝ 17,469 පැමිණි බව ඇමැති ප්‍රසන්න කියයි
සංචාරකයන්ට රට විවෘත කිරීමෙන් පසු සංචාරකයෝ 17,469 පැමිණි බව ඇමැති ප්‍රසන්න කියයි සංචාරකයන්ට රට විවෘත කිරීමෙන් පසු ඊයේ (04) දිනය දක්වා මෙරටට සංචාරකයන් 17,469 දෙනෙකු පැමිණ ඇති බව සංචාරක ඇමති ප්‍රසන්න රණතුංග මහතා පවසයි. අමාත්‍යවරයා පැවසුවේ එ...

Print   Email