fbpx

කොළඹ වරාය නගරයේ සංවර්ධන පාලන රෙගුලාසි නගර සංවර්ධනය සඳහා නව මිනුම් දණ්ඩක්

ශ්‍රී ලංකාව තුළ ස්ථාපනය කෙරුණු ප්‍රථම නගර සංවර්ධන පාලන රෙගුලාසි මාලාව, කොළඹ වරාය නගර ව්‍යාපෘති සමාගම විසින් මෑතක දී ගැසට් කෙරුණු අතර, එය මේ වන විට බලාත්මක වෙමින් පවතී.

මෙම නගර සංවර්ධන පාලන රෙගුලාසි පිළිබඳව දැනුවත් කිරීමේ වැඩසටහනක් කොළඹ වරාය නගර ආර්ථික කොමිෂන් සභාව විසින් සංවිධානය කෙරුණු වැඩසටහන පසුගිය 09 වන දින, කොලඹ වරාය නගර පරිශ්‍රයේ දී පැවැත්විණි.

මෙම සුවිශේෂී නගර සංවර්ධන පාලන රෙගුලාසි මාලාව 2018 වසරේ දී වරාය නගර ව්‍යාපෘති සමාගම වන CHEC Port City Colombo සමාගම විසින් හඳුන්වා දෙනු ලැබූ අතර, එය එක්සත් රාජධානියේ ප්‍රමුඛතම ඉංජිනේරු උපදේශන සමාගමක් වන Atkins හි තාක්ෂණික සහාය ඇතිව, ආසියාවේ විශාලතම නාගරික, කාර්මික හා යටිතල පහසුකම් පිළිබඳ උපදේශන සමාගමක් වන සිංගප්පූරුවේ, Surbana Jurong සමාගම විසින් සකස් කෙරිණි. ඉන් අනතුරුව එම නගර සංවර්ධන පාලන රෙගුලාසි මාලාව ස්වීඩනයේ සැලසුම් උපදේශන සමාගමක් වන SWECO විසින් නිර්මාණය කරන ලද වරාය නගර ප්‍රධාන සැලසුමට ඇතුළත් කෙරිණි. එමෙන් ම මෙම නගර සංවර්ධන පාලන රෙගුලාසි මාලාව ගැසට් කිරීමට පෙර නාගරික සංවර්ධන අධිකාරියේ හා අදාළ රාජ්‍ය ආයතනවල පූර්ණ අධීක්ෂණයට ලක් කෙරිණි.

කොළඹ වරාය නගර ආර්ථික කොමිසමේ වැඩබලන අධ්‍යක්ෂ ජනරාල්, ආචාර්ය ප්‍රියත් බන්දු වික්‍රම මහතා දැනුවත් කිරීමේ වැඩසටහනේ මුලසුන දරමින්, ශ්‍රී ලංකාවේ අනෙකුත් නගර සංවර්ධන ව්‍යාපෘති සඳහා මෙම නගර සංවර්ධන පාලන රෙගුලාසි මාලාවේ වැදගත්කම පිළිබඳව පැහැදිලි කළේය. එමෙන් ම මෙම නගර සංවර්ධන පාලන රෙගුලාසි මාලාව කොළඹ වරාය නගරය තුළ ක්‍රියාත්මක කිරීමේ දී අනෙකුත් රජයේ පාර්ශ්වකාර ආයතනවල කාර්යභාරය සහ වගකීම පිළිබඳව ද ආචාර්ය වික්‍රම මහතා පැහැදිලි කළේය.

වෙරළ සංරක්ෂණ සම්පත් කළමනාකරණ දෙපාර්තමේන්තුවේ අධ්‍යක්ෂ ජනරාල්, ඉංජිනේරු. රණවක, සිවිල් ගුවන් සේවා අධිකාරියේ අධ්‍යක්ෂ ජනරාල් කපිතාන් තේමිය සමන්ත, ගිනි නිවීමේ දෙපාර්තමේන්තුවේ ප්‍රධාන ගිනි නිවන නිලධාරී පී.ඩී.කේ.ඒ.විල්සන්, මාර්ග සංවර්ධන අධිකාරියේ අධ්‍යක්ෂ ජනරාල් එල්.වී.එස්. වීරකෝන්, නාගරික සංවර්ධන අධිකාරියේ සභාපති ලලිත් විජේරත්න, ජාතික ගොඩනැඟිලි පර්යේෂණ ආයතනයේ අධ්‍යක්ෂ ජනරාල් ආචාර්ය ආසිරි කරුණාවර්ධන, ජාතික ගොඩනැඟිලි පර්යේෂණ ආයතනයේ ජ්‍යෙෂ්ඨ විද්‍යාඥ චින්තක රත්නසිරි, මධ්‍යම පරිසර අධිකාරියේ පරිසර ආරක්ෂණ නියෝජ්‍ය අධ්‍යක්ෂ ජනරාල් ආචාර්ය සංජය රත්නායක, මධ්‍යම පරිසර අධිකාරියේ පරිසර කළමනාකරණ හා ඇගයීම් අංශයේ නියෝජ්‍ය අධ්‍යක්ෂ ජනරාල් එන්. එස්. ගමගේ, මධ්‍යම පරිසර අධිකාරියේ නීති අධ්‍යක්ෂිකා මංජුලා විමලසේන, CHEC Port City Colombo සමාගමේ නාගරික සැලසුම් කළමනාකරු අරුණ බණ්ඩාර සහ CHEC Port City Colombo සමාගමේ උපදේශක ඩබ්. ඒ. ඩී. ඩී. විජේසූරිය යන මහත්ම මහත්මීහු ද ඊට සහභාගි වූහ.

කොළඹ වරාය නගරය තුළ මෙම නගර සංවර්ධන පාලන රෙගුලාසි ක්‍රියාත්මක කිරීම මගින් එම ව්‍යාපෘතියේ සංවර්ධකයින්, පදිංචිකරුවන්, ආයෝජකයින්, එම ව්‍යාපෘතිය අවට ජීවත්වන ජනතාව ඇතුළු අනෙකුත් සෑම පාර්ශ්වයකට ම ප්‍රතිලාභ ලබා දීම මූලික අරමුණක්ව පවතී.

කොළඹ වරාය නගරයේ සෑම බිම් කොටසක ම ඉදි වන ගොඩනැගිලිවල සංවර්ධන තීව්‍රතාව, එම ගොඩනැඟිල්ල පිහිටුවීම සහ එහි උස මෙම නව සංවර්ධන පාලන රෙගුලාසි මාලාව මගින් නියාමනය කෙරෙයි. එමෙන් ම මෙම නගර සංවර්ධන පාලන රෙගුලාසි මාලාව කොළඹ වරාය නගර ව්‍යාපෘතියේ සංවර්ධනය ක්‍රමවත්ව නියාමනය කිරීම සඳහා වඩාත් ඵලදායී සැලසුම් මෙවලමක් ලෙස භාවිත කළ හැකි වීම විශේෂ ලක්ෂණයක් ලෙස දැක්විය හැකි අතර, එ මගින් වරාය නගරය තුළ ඇති ඉඩම්වල සිදු කළ හැකි සංවර්ධන අවස්ථා පිළිබඳව අදාළ ඉඩම්වල හිමිකරුවන්‍ට හා එහි සංවර්ධකයින්ට පැහැදිලි අවබෝධයක් ලබා දෙන බව ද පැවසිය යුතු ම කරුණකි.

මෙම නගර සංවර්ධන පාලන රෙගුලාසි මාලාව මගින් කොළඹ වරාය නගර ව්‍යාපෘතිය නාගරික සැලසුම්, උපයෝගිතා, භූ දර්ශනය සහ තිරසාර බව ආදී වශයෙන් කොටස් 4කට වෙන් කර ඇත. එමෙන් ම මෙම සංවර්ධන පාලන රෙගුලාසි මගින් ගොඩනැගිලිවල ස්කන්ධය, ඉඩම් පරිහරණය, ගණ ශුන්‍ය අනුපාත, හරිත හා පොදු අවශ්‍යතා සඳහා වෙන්වන භූමි ප්‍රමාණය, ප්‍රාදේශීයකරණය වූ ලක්ෂණ, උපයෝගිතා ජාලය සහ භාවිතය හා තිරසාර පියවර ආදී අංශ ඇතුළත් සංවර්ධන රාමුවක් නිර්මාණය කරන අතර, ජල සංරක්ෂණ ක්‍රමවේදයන් හා විවිධ උපාංග භාවිතය තුළින් ජල පරිභෝජනය අවම කිරීම සඳහා තිරසාර විසඳුම් ක්‍රියාත්මක කිරීම, පුනර්ජනනීය බලශක්ති විසඳුම් භාවිතය, පාරිසරික තත්ත්වය ඉහළ නැංවීමේ ක්‍රමවේද ක්‍රියාත්මක කිරීම, අප ජලය නිසියාකාරව බැහැර කිරීම හා නැවත පිරිසිඳු කර භාවිතය, පොදු අවකාශයන් සංවර්ධනය කිරීම සහ තිරසාර ප්‍රවාහන පද්ධතියක් ස්ථාපනය ආදී පහසුකම් වැඩිදියුණු කිරීම සඳහා ද විසඳුම් ලබා දෙයි.

මුහුදේ ගොඩ කරන ලද හෙක්ටයාර 269 කට වැඩි භූමි ප්‍රමාණයකින් සමන්විත කොළඹ වරාය නගරය ශ්‍රී ලංකාව තුළ ඉදිවන ප්‍රථම, සැලසුම් කරනු ලැබූ නගරය වන අතර, එහි සියලු ම ගමනාන්තයන් වෙත පයින් හෝ පා පැදියක් මගින් ළඟාවීමේ හැකියාව ඇත. එමෙන් ම මෙම නගරය, ඒ සඳහා ම නිර්මාණය කෙරුණු මාර්ග, පා පැදි මං තීරු, ඇවිදීමේ මංතීරු ආදී පහසුකම් සහිතව සැලසුම් කර ඇත.

මෙම නගර සංවර්ධන පාලන රෙගුලාසි මාලාව, දකුණු ආසියාව තුළ ජාත්‍යන්තර මට්ටමේ ව්‍යාපාරික නගරයක් නිර්මාණය කිරීම සහ එමගින් නව ව්‍යාපාරික අවස්ථා උත්පාදනය, සංචාරක ව්‍යාපාරය නැංවීම හා උසස් ජීවන තත්ත්වයක් ගොඩනඟා ගැනීම සඳහා සහාය වීම ආදී අරමුණු සාක්ෂාත් කරගැනීම සඳහා කොලඹ වරාය නගර ව්‍යාපෘතියට සුවිශේෂී සහයෝගයක් ලබා දෙන බව ද පැවසිය යුතු ම කරුණකි.

 

 

පිටපත - PR 

Pin It

සබැඳි පුවත්

කොළඹ විශ්වවිද්‍යාලයේ කළමනාකරණ සහ මූල්‍ය පීඨයේ ව්‍යාපාර ආචාර්ය උපාධි (DBA) 2021/24 කණ්ඩායමේ හමුව සාර්...
කොළඹ විශ්වවිද්‍යාලයේ කළමනාකරණ සහ මූල්‍ය පීඨයේ ව්‍යාපාර ආචාර්ය උපාධි (DBA) 2021/24 කණ්ඩායමේ හමුව සාර්... කොළඹ විශ්වවිද්‍යාලයේ කළමනාකරණ සහ මූල්‍ය පීඨයේ 2021/24 ව්‍යාපාර කළමනාකරණ ආචාර්ය උපාධි (DBA) කණ්ඩායමේ හමුව පසුගියදා කොළඹ Jetwing හි Verticle උත්සව ශාලාවේ දී පැවැ...
අමානා තකාෆුල් ඉන්ෂුවරන්ස් සමාගම PIM සමඟ එක්ව නායකත්ව විශිෂ්ටතා පුහුණු වැඩසටහනක්
අමානා තකාෆුල් ඉන්ෂුවරන්ස් සමාගම PIM සමඟ එක්ව නායකත්ව විශිෂ්ටතා පුහුණු වැඩසටහනක් අමානා තකාෆුල් රක්ෂණ සමාගම සිය සේවකයින් අඛණ්ඩව ශක්තිමත් කිරීම සහ ඔවුන් වෙනුවෙන් ආයෝජනය කිරීමට ඇති සිය කැපවීම තහවුරු කරමින් ජ්‍යෙෂ්ඨ කළමනාකරුවන්ගේ කුසලතා සහ නිපුණ...
DFCC බැංකුව සහ Mastercard එක්ව ඉලෙක්ට්‍රොනික ගෙවීම් ක්‍රියාවලිය සඳහා පහසුකම් සලසා දෙයි
DFCC බැංකුව සහ Mastercard එක්ව ඉලෙක්ට්‍රොනික ගෙවීම් ක්‍රියාවලිය සඳහා පහසුකම් සලසා දෙයි ශ්‍රී ලංකාවේ ව්‍යාපාර වලට අත්වැලක් වීමේ උත්සාහයේ තවත් පියවරක් වශයෙන් DFCC බැංකුව, Mastercard ඉලෙක්ට්‍රොනික ගෙවීම් පහසුකම (Mastercard Payment Gateway) හරහා ඉලෙක්...
ශ්‍රී ලංකා ඔයිල් පාම් කර්මාන්තකරුවන්ගේ සංගමය මී පැල සහ දේශීය ශාක ලක්ෂයක් සිටුවීමේ වැඩසටහනක්
ශ්‍රී ලංකා ඔයිල් පාම් කර්මාන්තකරුවන්ගේ සංගමය මී පැල සහ දේශීය ශාක ලක්ෂයක් සිටුවීමේ වැඩසටහනක් ශ්‍රී ලංකා ඔයිල් පාම් කර්මාන්තකරුවන්ගේ සංගමය 2022 ලෝක පරිසර දිනයට සමගාමීව සිය වගා භුමි ආශ්‍රිතව මී පැල සහ දේශීය ශාක ලක්ෂයක් 100,000ක් සිටුවීමේ Together with Mee...
JAT මෙතෙක් වාර්තාගත හොඳම මූල්‍ය වර්ෂය ප්‍රකාශයට පත් කරයි
JAT මෙතෙක් වාර්තාගත හොඳම මූල්‍ය වර්ෂය ප්‍රකාශයට පත් කරයි ශ්‍රී ලාංකීය බහුජාතික සමූහ ව්‍යාපාරයක් මෙන්ම දැව ආලේපන වෙළෙඳපොළ ප්‍රමුඛයා වන JAT Holdings සමාගම, 2021/22 මූල්‍ය වර්ෂය තුළ බදු පසු ලාභය දෙගුණයක් දක්වා වර්ධනය කර ...
සර්වෝදය ඩිවලොප්මන්ට් ෆිනෑන්ස් සමාගම ආයතනික කාබන් පිය සටහන අවම කිරීමේ සැලසුමක්
සර්වෝදය ඩිවලොප්මන්ට් ෆිනෑන්ස් සමාගම ආයතනික කාබන් පිය සටහන අවම කිරීමේ සැලසුමක් ශ්‍රී ලංකාවේ සංවර්ධන මූල්‍ය ක්ෂේත්‍රයේ ප්‍රමුඛයෙකු වන සර්වෝදය ඩිවලොප්මන්ට් ෆිනෑන්ස් 2030 වර්ෂය වන විට පරිසරයට කාබන් මුදා හැරීම අවම කිරීමේ අභිලාෂය පෙරදැරි කොටගෙන...

Print   Email

Contact Us

TTVnews.lk
TTV Media Hub (pvt) Ltd 
5/34, Sulaiman Terrace, 
Jawatte Road, 
Colombo 05, 
Sri Lanka 
 
Tel: +94 11 2 585833/ 2593 416 
 Fax: +94 11 2 589 334  

Follow Us On Facebook