ආණමඩුව ජාතික නිවාස සංවර්ධන අධිකාරිය සතු ගොඩනැගිලි සහිත ඉඩම ලංකා ජර්මානු කාර්මික අභ්‍යාස ආයතනයට පවරයි

පුත්තලම දිස්ත්‍රික්කයේ ආණමඩුව ප්‍රදේශයේ ජාතික නිවාස සංවර්ධන අධිකාරිය සතු ගොඩනැගිලි සහිත ඉඩම ලංකා ජර්මානු කාර්මික අභ්‍යාස ආයතනය වෙත පැවරීමේ අවබෝධතා ගිවිසුම අත්සන් කිරිම ඊයේ (19)සිදු කෙරිණි.

ඒ නිවාස සංවර්ධන අධිකාරියේ සභාපති රේණුක දුෂ්ෂන්ත පෙරේරා මහතා සහ ලංකා ජර්මානු කාර්මික අභ්‍යාස ආයතනයේ සභාපති විනෝද් කුමාර් මුණසිංහ මහතා ඊට අත්සන් තැබුවේ නිපුණතා සංවර්ධන, වෘත්තීය අධ්‍යාපන, පර්යේෂණ හා නව නිපැයුම් රාජ්‍ය අමාත්‍ය විශේෂඥ වෛද්‍ය සීතා අරඹේපොල මහතාගේ ප්‍රධානත්වයෙනි.

ක්ෂේත්‍රවල තාක්ෂණික හා වෘත්තීය පුහුණු කිරීම් පවත්වා ගෙන යාම සහ අධ්‍යාපනය ලබා දිමේ කාර්යය සඳහා නිවාස සංවර්ධන අධිකාරිය සතු පුත්තලම දිස්ත්‍රික්කයේ ආණමඩුව, තම්මැන්නාගම ගම්උදා භූමියෙහි අක්කර 07 ක ඉඩම තුල පිහිටි ගොඩනැගිලි උපයෝගී කර ගෙන කලාපීය මධ්‍යස්ථානයක් පිහිටුවීමට සැළසුම් කර ඇත.

එම ගොඩනැගිලි ප්‍රතිසංස්කරණයෙන් පසු පළමු අදියර ලෙස 2021 ජනවාරි මාසයේදී කෘෂි යන්ත්‍ර උපකරණ කාර්මික ශිල්පි පාඨමාලාව ආරම්භ කිරීමටත් දෙවන අදියරේදී ධීවර බෝට්ටු එන්ජින් කාර්මික ශිල්පි පාඨමාලාව සහ විදුලි මෝටර් එතුම් කාර්මික ශිල්පි පාඨමාලාව ආරම්භ කිරීමටත් නියමිතය.

ජාතික නිවාස සංවර්ධන අධිකාරිය සතු ගොඩනැගිලි සහිත ඉඩම සේවා හුවමාරුවකට යටත්ව ලංකා ජර්මානු කාර්මික අභ්‍යාස ආයතනය වෙත පැවරීම මෙම අවබෝධතා ගිවිසුම මඟින් සිදු කරනු ලබන අතර, එමඟින් ජාතික නිවාස සංවර්ධන අධිකාරියේ සේවකයින්ගේ අධයාපන සුදුසුකම් සපුරා ඇති දූ දරුවන්ට සහන පදනම යටතේ පුහුණුව ලබා දීමත්, ජාතික නිවාස සංවර්ධන අධිකාරිය සතු වාහන අමතර කොටස් සපයා දීමෙන් පසු අළුත්වැඩියා කිරීමත් ආදී ද්වි පාර්ශික ප්‍රතිලාභ මෙම අවබෝධතා ගිවිසුම මඟින් අපේක්ෂිතය.

මෙම අවස්ථාව සඳහා අමාත්‍යංශයේ ලේකම් පද්මා රාජපක්ෂ මහත්මිය, නිවාස සංවර්ධන අධිකාරියේ සභාපති රේණුක දුෂ්ෂන්ත පෙරේරා මහතා සහ ලංකා ජර්මානු කාර්මික අභ්‍යාස ආයතනයේ සභාපති විනෝද් කුමාර් මුණසිංහ ඇතුලු රාජ්‍ය නිළධාරීන් රැසක් සහභාගී වූහ.

Pin It

සබැඳි පුවත්

2021 වසරේදී බලශක්ති ක්ෂේත්‍රය දැවැන්ත පරිවර්තනයක් සිදු වනවා - ඇමැති ඩලස්
2021 වසරේදී බලශක්ති ක්ෂේත්‍රය දැවැන්ත පරිවර්තනයක් සිදු වනවා - ඇමැති ඩලස් 2021 එළඹෙන වසර මේ රටේ බලශක්ති ක්ෂේත්‍රයේ දැවැන්තම පරිවර්තනයක් සිදුවන වසරක් මෙන්ම, මෙවැනි කර්තව්‍යයන් තුළින් ඒ වෙනස මේ රටේ ජනතාවගේ සෞභාග්‍යමත් වෙනසත් බවට පත්කරන ...
දේශීය කර්මාන්තකරුවන්ට ශක්තියක් වෙන්න -රාජ්‍ය අමාත්‍ය ප්‍රසන්න
දේශීය කර්මාන්තකරුවන්ට ශක්තියක් වෙන්න -රාජ්‍ය අමාත්‍ය ප්‍රසන්න ආනයන ආදේශක භාණ්ඩ නිෂ්පාදනය තුලින් විදේශයන් වෙත ඇදී යන අපේ මුදල් ටික ආරක්ෂා කිරීමට හැකි වනවා සේම දේශිය කර්මාන්තකරුවාද ශක්තිමත් කල යුතු බව වේවැල්, පිත්තල, මැටි, ල...
1929 ශ්‍රි ලංකා ළමා ආරක්ෂක යෙදවුම එළිදක්වයි
1929 ශ්‍රි ලංකා ළමා ආරක්ෂක යෙදවුම එළිදක්වයි ශ්‍රී ලාංකික ළමයින්ගේ ළමා අයිතිවාසිකම් සාක්ෂාත් කිරීමටත්, සියළුම ආකාරයේ ළමා අපයෝජනයන්ගෙන් සහ නොසලකා හැරීම් වලින් ළමයින් මුදවා ගැනීම අරමුණු කොටගෙන 1929 ශ්‍රි ලංක...
හේවායින්න සහ බෙලිගස්හංදිය මාර්ග කපට් යොදා සංවර්ධනය කිරීමේ කටයුතු ආරම්භ කෙරේ
හේවායින්න සහ බෙලිගස්හංදිය මාර්ග කපට් යොදා සංවර්ධනය කිරීමේ කටයුතු ආරම්භ කෙරේ සබරගමුව පළාතේ ඇහැළියගොඩ ආසනයේ ග්‍රාමීය මාර්ග සංවර්ධනයට ද මේ වන විටත් පියවර ගෙන ඇති අතර ඒ අනුව හේවායින්න නාගහවත්ත මාර්ගයේ සහ බෙලිගස්හංදිය - පලීගල මාර්ගයේ සංවර්ධන...
මාර්ග 160 ක් පැළ මිලියන දෙකක් සිටුවීමේ වැඩසටහන ආරම්භ කෙරේ
මාර්ග 160 ක් පැළ මිලියන දෙකක් සිටුවීමේ වැඩසටහන ආරම්භ කෙරේ ආසන 160 ක මාර්ග සංවර්ධන ව්‍යාපෘති 160 ක් සහ මග දෙපස පැළ මිලියන දෙකක් සිටුවීමේ වැඩසටහන අද (22) දින ආරම්භ කෙරිණ. එහි සමාරම්භය සනිටුහන් කරමින් දක්ෂිණ අධිවේගී මා...
හුස්ම දෙන තුරු ජාතික රුක් රෝපණ වැඩසටහන ජනපති ප්‍රධානත්වයෙන් ඇරඹේ
හුස්ම දෙන තුරු ජාතික රුක් රෝපණ වැඩසටහන ජනපති ප්‍රධානත්වයෙන් ඇරඹේ පැළ මිලියන 02ක් සිටුවන “හුස්ම දෙන තුරු” ජාතික රුක් රෝපණ වැඩසටහන ජනාධිපති ගෝඨාභය රාජපක්ෂ මහතාගේ ප්‍රධානත්වයෙන් ඇරඹේ. “සෞභාග්‍යයේ දැක්ම” රාජ්‍ය ප්‍රතිපත්ති ප්‍...

Print   Email