පාසල් ළමුන්ට ආහාර ලබාදීමේ ජාතික වැඩසටහනට ඩොලර් ලක්ෂ 4 ක ආධාර හිමිවෙයි !

එක්සත් ජාතීන්ගේ ලෝක ආහාර වැඩසටහන සහ ඕස්ට්‍රේලියාවේ විදේශ කටයුතු සහ වෙළදාම් පිළිබඳ දෙපාර්තමේන්තුව විසින් ඇමෙරිකානු ඩොලර් 400,000 (ශ්‍රී ලංකා රුපියල් මිලියන 74) ක් පාසල් ළමුන්ට ආහාර ලබාදීමේ ජාතික වැඩසටහන සඳහා අධ්‍යාපන අමාත්‍යාංශයට ලබාදී ඇති බව වාර්තා වෙයි.

 කොවිඩ්  වසංගතය නිසා පාසල් වසා තිඛෙන කාලසීමාවේදී ළමුන්ට සහ ඔවුන්ගේ පවුල්වලට ඇතිවන දුෂ්කරතාවන්ට මුහුණුදීමට සහාය ලබාදීමක් වශයෙන් ප්‍රාථමික පාසල් සිසුන් 80,000 කට මාසයක කාලයක් සඳහා වියළි ආහාර ද්‍රව්‍ය ලබාදීමට මේ අනුව අවස්ථාව සැලසේ.

ආධාර පාර්ශ්වයන් සඳහන් කරන්නේ ලෝක ආහාර වැඩසටහන සහ ශ්‍රී ලංකා රජය අතර පවත්නා දීර්ඝකාලීන සහයෝගය සහ 2003 වසරේ සිට ශ්‍රී ලංකාවේ ක්‍රියාත්මක වන පාසල් ආහාර වැඩසටහනට අඛණ්ඩව සහාය ලබාදීම මෙම ආධාර මගින්  ප්‍රතිමුර්තිමත් කරන බවය.

එමෙන්ම මෙම වැඩසටහන තවදුරටත් ව්‍යාප්ත කරමින් අමාත්‍යාංශය විසින් ක්‍රියාවට නංවනු ලබන ආහාර ද්‍රව්‍ය නිවෙසට ගෙනයාමට අවස්ථාව ලබාදීමේ වැඩසටහනේ පළමු අදියර ආරම්භ කිරීම සඳහා දැරෙන  උත්සාහයට මෙමගින් තවදුරටත් සහාය ලැඛෙනු ඇත. 

ඕස්ට්‍රේලියානු රජය මගින් මෙම ආධාර ඉතාමත් සුදුසු කාලවකවානුවකදී ලබාදීමට කටයුතු කර තිඛෙන බව  ලෝක ආහාර වැඩසටහනේ ශ්‍රී ලංකා අධ්‍යක්ෂිකාව වන බ්‍රෙන්ඩා බාර්ටන් පැවසුවාය. 

දැනටමත් ප්‍රාථමික පාසල් යන වයසේ ළමුන්ගෙන් 40% ක ප්‍රමාණයක් කෘශ භාවයකින් යුක්ත වේ. බොහොමයක් ළමුන්ට දිනකට ලැඛෙන එකම ආහාර වේල වන්නේ මෙසේ පාසලේදී ඔවුන්ට ලබාදෙන ආහාර වේලයි.ශ්‍රී ලංකාව කෝවිඩ් වසංගයට එරෙහිව සටන් වදින මේ දුෂ්කර අවස්ථාවේ ළමුන්ට අව්‍යශ ආහාර ද්‍රව්‍ය නිවසට ලබාදීමේ වැඩසටහන ළමුන්ගේ සෞඛ්‍ය හා පෝෂණය ආරක්ෂා කිරීම සඳහා ඉතා වැදගත් පියවරක් වනු ඇත.  

මෙම ආහාර මල්ලට බිත්තර,ධාන්‍ය වර්ග සහ අධ්‍යාපන අමාත්‍යාංශය විසින්  ළමුුන් සහ ඔවුන්ගේ පවුල් වල විවිධ වූ පෝෂණ අවශ්‍යතා සඳහා හඳුනාගත් වෙනත් වියළි ආහාර ද්‍රව්‍ය අඩංගුවේ. 

අධ්‍යාපන අමාත්‍යාංශය විසින් හඳුනාගන්නා ලද මධ්‍යම, ඌව, උතුරු සහ නැගෙනහිර පළාතේ පිහිටි පාසල්වල ළමුන්ට මේවා බෙදාහැරිමේ කටයුතු මෙම මස අවසාන භාගයේදී ආරම්භ වනු ඇත. 

මෙම ආරම්භක පියවරෙන් පසුව  අධ්‍යාපන අමාත්‍යාංශය විසින් වියළි ආහාර ද්‍රව්‍ය නිවසට ගෙනයාමට ලබාදීමේ වැඩසටහන පාසල් ළමුන්ට ආහාර ලබාදීමේ ජාතික වැඩසටහන ක්‍රියාත්මක වන අනෙකුත් පාසල් වලටද ව්‍යාප්ත කරනු ලබනු ඇත.

කෝවිඩ් ආසාදනයට ලක්වූ පළමු ශ්‍රී ලාංකිකයා වාර්තාවී පැය 48 ක් ඇතුළත පාසල් වසාදැමීමට රජය විසින් ගනු ලැබූ තීරණය මෙම වෛරසය පැතිරීම වැළැක්වීම සඳහා තීරණාත්මක සාධකයක් වූ බව අධ්‍යාපන හා ක්‍රීඩා කටයුතු භාර අමාත්‍ය ඩලස් අලහප්පෙරුම මහතා පැවසීය. 

පාසල් වසා තිඛෙන මෙම අවස්ථාවේදී  පාසල් ළමුන්ට ආහාර ලබාදීමේ ජාතික වැඩසටහන ක්‍රියාත්මකකිරීමේ වැදගත්කම අප මැනවින් වටහාගෙන තිඛෙනවා.  පාසල් ළමුන්ට ආහාර ලබාදීමේ ජාතික වැඩසටහන යටතේ ආවරණය වන ළමුන්ට වියළි ආහාර ද්‍රව්‍ය නිවෙසට ගෙනයාමට ලබාදීමේ වැඩසටහන සඳහා අරමුදල් සැපයීම වෙනුවෙන් ලෝක ආහාර වැඩසටහනට සහ ඕස්ටේ්‍රලියානු රජයට අපගේ ස්තූතිය හිමිවන බව අමාත්‍යාතුමා පැවසීය.

ළමුන්ගේ  අධ්‍යාපනයට, ඔවුන්ගේ සෞඛ්‍ය හා පෝෂණය නංවාලීමට අත්‍යාවශ්‍ය ආරක්ෂණ ජාලයක් ලෙසින් ක්‍රියාත්මක වන පාසල් ළමුන්ට ආහාර ලබාදීමේ වැඩසටහනට 1963 වසරේ සිට ගෝලීය වශයෙන් ලෝක ආහාර වැඩසටහන  මගින් සහාය ලබාදේ.  ශ්‍රී ලංකා රජයේඅරමුදල් මගින් ක්‍රියාවට නංවනු ලබන පාසල් ළමුන්ට ආහාර ලබාදීමේ ජාතික වැඩසටහන යටතේ  මිලියන 1.1 ට වැඩි ප්‍රාථමික පාසල් ළමුන්ට දිවා ආහාරය සපයනු ලැබේ.  

කොවිඩ් වසංගතයට පෙර පවා පාසල් වලට ප්‍රවේශවීම  සීමාකාරී වූ අවස්ථාවලදී  ලෝක ආහාර වැඩසටහන මගින් වියළි ආහාර ද්‍රව්‍ය නිවෙසට ලබාදීමේ වැඩසටහන් ක්‍රියාවට නංවා තිබේ.

කොවිඩ්- 19 මගින් ඇතිවූ දරුණු ආර්ථීක බලපෑම මගින් ශ්‍රී ලාංකිකයන්ගේ ආහාර සුරක්ෂිතතාවය තහවුරු කිරීම සඳහා අවධානය යොමුකිරීමේ අවශ්‍යතාවය අවධාරණය වී තිබේ. 

කුඩා පරිමාන ගොවීන් දේශීය වශයෙන් වගාකරණු ලබන ආහාර නිෂ්පාදන සහ අගයදාමයන්ට සහාය දක්වමින් ලෝක ආහාර වැඩසටහන ශ්‍රී ලංකා රජය විසින් ක්‍රියාවට නංවන පාසල් ළමුන්ට ආහාර ලබාදීමේ ජාතික වැඩසටහනට  දායකත්වය ලබාදේ. එසේම පාසල් නැවත විවෘත කිරීමේ ක්‍රියාවලියේදී  පාසල්වල අත්සෝදාගැනීමේ පහසුකම් ස්ථාපිත කිරීම වැනි පියවර සඳහා ද අධ්‍යාපන අමාත්‍යාංශයට සහාය ලබාදේ.

Pin It

සබැඳි පුවත්

මාර්ග තදබදයට පිළියමක් ලෙස Park and Drive ක්‍රමවේදයක් ගැන අවධානය
මාර්ග තදබදයට පිළියමක් ලෙස Park and Drive ක්‍රමවේදයක් ගැන අවධානය ශ්‍රී ලංකා ගමනා ගමන මණ්ඩලය, ලාභ ලබන ප්‍රමුඛ පෙළේ ආයතනයක් බවට පත් කිරීමට ජනාධිපති ගෝඨාභය රාජපක්ෂ මහතා යෝජනා මාලාවක් ඉදිරිපත් කර ඇති බව ජනාධිපති මාධ්‍ය අංශය පවසයි...
කටුනායක ගුවන් තොටුපළේ සංවර්ධන කටයුතු යළි ඇරඹේ
කටුනායක ගුවන් තොටුපළේ සංවර්ධන කටයුතු යළි ඇරඹේ කොවිඩ් 19 වසංගත තත්ත්වය  හේතුවෙන් අත් හිටුවා තිබු කටුනායක ගුවන් තොටුපළේ සංවර්ධන කටයුතු යළි ආරම්භ කර  කඩිනමින් අවසන් කරන ලෙස අදාල කොන්ත්‍රාත්කරුවන්ට ඇම...
සාම්ප්‍රදායික චීන්තයෙන් බැහැර වී ආර්ථික පුනරුදයට දායක වෙන්න - ජනපති බැංකු ක්ෂේත්‍රයෙන් ඉල්ලයි
සාම්ප්‍රදායික චීන්තයෙන් බැහැර වී ආර්ථික පුනරුදයට දායක වෙන්න - ජනපති බැංකු ක්ෂේත්‍රයෙන් ඉල්ලයි COVID- 19 වසංගතය නිසා ඇද වැටුණු ආර්ථිකය නැවත ශක්තිමත්ව ගොඩනැගීම සඳහා සාම්ප්‍රදායික චින්තනයෙන් සහ වැඩරාමුවෙන් බැහැරව දායක වන්නැයි ජනාධිපති ගෝඨාභය රාජපක්ෂ මහතා බැ...
ඉලක්කයක් ඇතිව වැඩ කළොත් රටේ ආර්ථිකය ගොඩගන්න පුළුවන් - ජනපති
ඉලක්කයක් ඇතිව වැඩ කළොත් රටේ ආර්ථිකය ගොඩගන්න පුළුවන් - ජනපති ඉලක්කයක් ඇතිව වැඩ කළහොත් රටේ ආර්ථිකය ගොඩගැනීමට දායකවීමේ පුළුල් හැකියාවක් වැවිලි ක්ෂේත්‍රය සතුව ඇති බව ජනාධිපති ගෝඨාභය රාජපක්ෂ මහතා පවසයි. ජනාධිපතිවරයා මේ බව ...
සියළු පුරවැසියන්ට ඩිජිටල් හැඳුනුම්පත හැකි ඉක්මනින් ලබා දෙන්න - ජනපති
සියළු පුරවැසියන්ට ඩිජිටල් හැඳුනුම්පත හැකි ඉක්මනින් ලබා දෙන්න - ජනපති සියලු පුරවැසියන්ට නව හැඳුනුම්පත හැකි ඉක්මණින් ලබාගතහැකි වන අයුරින් කටයුතු කරන ලෙස ජනාධිපති ගෝඨාභය රාජපක්ෂ මහතා පවසයි. සියලුම පුරවැසියන්ගේ ජිව දත්ත ජීවිතයේ වර...
අංගොඩ ජාතික බෝවන රෝග විද්‍යායතනයේ නව හෙද නේවාසිකාගාරය විවෘත කෙරේ
අංගොඩ ජාතික බෝවන රෝග විද්‍යායතනයේ නව හෙද නේවාසිකාගාරය විවෘත කෙරේ අංගොඩ ජාතික බෝවන රෝග විද්‍යායතනයේ සේවය කරනු ලබන හෙද කාර්ය මණ්ඩලයට රුපියල් මිලියන 15 ක පමණ වටිනාකමකින් යුතු පරිත්‍යාගයක් ලෙස ලැබුණු අංග සම්පූර්ණ නව හෙද නේවාසිකාග...

Print   Email