fbpx

රටටම විදුලිය බෙදන්න නඩුකුඩා සූදානම් - ඇමැති ඩලස්

සංවර්ධන

නඩුකුඩා තම්බපවනි ජාලක උපපොළ, අනාගතය වෙත ඇතිරෙන බුමුතුරුණක් බව විදුලිබල අමාත්‍ය ඩලස් අලහප්පෙරුම මහතා පවසයි.

අමාත්‍යවරයා මේ බව පැවසුවේ ශ්‍රී ලංකාවේ ප්‍රථම සුලං විදුලි බලාගාරය වන මන්නාරම තම්බපවනි බලාගාරය මගින් නිපදවෙන විදුලිය ශ්‍රී ලංකාවේ ජාතික විදුලි පද්ධතිය වෙත එක් කිරීම සඳහා රුපියල් මිලියන 1400 ක වියදමින් මන්නාරම නඩුකුඩා ප්‍රදේශයේ ඉදිකරණ ලද මන්නාරමේ කිලෝමීටර 30 ප්‍රදේශයක් පුරා විහිදුනු කිලෝවොට් 220 සම්ප්‍රේශණ පද්ධතියකින් ද සමන්විතව ග්‍රිඩ් උපපොල විවෘත කිරීමේ අවස්ථාවට සහභාගී වෙමිනි.

එහිදී වැඩිදුරටත් අදහස් දැක්වූ අමාත්‍යවරයා “ අපි නඩුකුඩා තම්බපවනි ජාලක උපපොළ විවෘත කරන්නේ අනාගතයවෙත ඇතිරෙන බුමුතුරුණක් ලෙස අතුරමින්. විශේෂයෙන් ලංකා විදුලිබල මණ්ඩලය හා පුණර්ජනනීය බලශක්තිය පිළිබඳව අද ලංකාවේ විශාල කතිකාවතක් තිබෙනවා. 2030 දී සියයට හැත්තෑවක් පුණර්ජනනීය බලශක්තියෙන් සමන්විත වෙන්නට අවශ්‍ය බව ජනාධිපති තමන්ගේ මැතිවරණ ප්‍රකාශණයේ මුද්‍රවක් තබණු ලැබුවා. මම විශ්වාස කරණවා මේ ග්‍රිඩ් උපපොළ විවෘත වෙන්නේ ම පුණර්ජනනීය බලශක්තීන් අවශෝෂණය කර ගැනීම සඳහා කියන කාරණය. අද සතුටුවෙන අනුස්මරණය කරණ දවසක් වගේම මේ ලියලා තියෙන්නෙ එහි පලවෙනි පරිච්චේදයයි. රචනාව මෙතැනින් නිමාවෙන්නේ නෑ රචනාව මෙතැනින් සම්පූර්ණ වෙන්නෙත් නෑ, ඊලඟ පරිච්චේද ටික එකතුවුනේ නැත්නම්, ඒ රචනාව කිසිකෙනෙක්ට තෙරුම් ගන්නත් බෑ . ඒනිසා මමත් කියන්නේ තම්බපවනි බලාගාරය කියලා කියන්නේ ශ්‍රී ලාංකීය රාජ්‍ය පුනර්ජනනීය බලශක්තිය සොයායන ගමනේ එක් නැවතුම් පොළක් මිස අවසන් නැවතුම්පල නොවන බවයි.

ඩීසල් වලින් එක කිලෝවෝට් පැය එකක් හදන්න රුපියල් තිහක් වැයවෙනවා, ඒ කිලෝවෝට් පැය එකක් සුලගින් හදන්න වැයවෙන්නේ රුපියල් අටයි. එක කිලෝවොට් හදන එම වෙනස රුපියල් විසිදෙකයි. මෙතැන විතරක් ඒකක මිලියන කීයක් ජනනය කරනවා ද යන්න ගණනය කර බලන්න. මම මාධ්‍යවේදී මිත්‍රයන්ගෙන් ඉල්ලිමක් කරණවා. මෙය මොනතරම් විශාල මුදලක් දැයි හතලා බලන්න. අපි ජාතියක් විදියට අදිශ්ථාන කරගත යුතුයි සරලව ක්ෂණිකව නොව ඒ මාවතට අපි අවතීර්ණ වෙන්නට ඕනි. ලංකාවේ භූගෝලීය වශයෙන් ගතහොත් මේ සෑම මූලාශ්‍රයක්ම අපේ රටේ තියෙනවා. ප්‍රධාන ජලවිදුලිය ඒ ස්ථාන සීමිත

වෙමින් යනවා. ඒතු සුලං නැත්තේ කොහේ ද ? හිරු එලිය නැත්තේ කොහේ ද ? මූලාශ්‍රවල හිගයක් අපට ඇත්තේ නෑ ඒත් තාක්ශණයේ හිගයක් අපට තියෙනවා. ගබඩා හිගයක් තිබෙනවා. ඒ අඩුපාඩුකම් තිබෙනවා. අපි කණ්ඩායමක් විදියට මෙන්න මේ අඩුපාඩු හදාගන්න කටයුතු නරමින් ඉන්නවා. ඒ ගමනේ පෙරමුණේ ගමන් කිරීමේ වගකීම තියෙන්නේ වෙන කාටවත් නෙවෙයි ලංකා විදුලිබල මණ්ඩලයට කියලයි මම හිතන්නෙ. එ්ක අපට කරන්න පුළුවන් කියලා ඔබ ඔප්පු කරලා තිබෙනවා. මේ ජීවමාන එක උදාහරණයක් විතරයි. සියලු ශක්තීන් හැකියාව අපසතුව පවතිනවා ඒවගේම චින්තනය අපසතුව පවතිනවා. ඔබ නැවත නැවතත් එය ඔප්පු කරලා තියෙනවා. ඒනිසා මම ඔබට සුභ පතනවා.

කාලයේ නාස්තිය අපි නැතිකරගැනීමට අවශ්‍යයි. ඒ නිසා කඩිනමින් වසර තුනක සැලැස්මක් ඇතුලේ මාසිකව ඉලක්ක හඹාගෙන ගිහිල්ලා ඔබට බැරි අභියෝගයක් තිබෙනවා නම් ජනාධිපති තුමා පෞද්ගලිකව එයට මැදිහත් වීමට සූදානම්. වසර තුනක් ඇතුලේ මන්නාරම ඉතුරු බලාගාර විතරක්

 

නෙවෙයි පුනරීන් සුලං බලාගාර විතරක් නෙවෙයි සියඹලාන්ඩුවේ ඉඳලා අපි සැලසුම් කරපු මේ සියලුම බලාගාරවල කටයුතු අවසන් කරලා ජාතික බලශක්ති පද්වතිය මත හරිත මුද්‍රාව තිබිය යුතුයි කියලා ඔබට යෝජනා කරණවා. එක පැත්තකින් ‍කොරෝනා නැමති විශ්වීය මාරයා පරාජය කරන්නට සටන්වදින අතරේම අනෙක් පැත්තෙන් ආර්ථිකයත් සමග සටන් කරන අතරේ අපි විදුලිබල මණ්ඩලය විදියට මේ හැමදේකටම දෙන්න පුළුවන් ශක්තිය අපේ පැත්තෙන් ආර්ථිකයට සැහැල්ලුවක් දෙන්න පුළුවන් ක්‍රම උපායන් හොයාගෙන යන එකයි. අනාගත දරුවන්ට නීල වර්ණ පරිසරයක් දායාද කරන එකයි.

මගේ මැතිවරණ ව්‍යාපාරය 1994 දී ආරම්භ කරද්දී මම එය ආරම්භ කරේ ශ්‍රී ලංකාවේ පලවෙනි හරිත මැතිවරණ ව්‍යාපාරය විදියටයි. පෝස්ටර් අලවන්නේ නැතුව කටවුට් ගහන්නේ නැතුව රතිඥ්ඥා පත්තුකරන්නේ නැතුව අරක්කු ටිකක් දෙන්නේ නැතුව සංගීතයක් පවත්වන්නේ නැතුව කොහොමද මනාපය ලබාගන්නේ කියලා මගේ මිත්‍රයෝ මගෙන් ඇහුවා පුංචි ආගන්තුක තරුණයෙක් විදියට අනූහතරේ මම මේ අභියෝගය භාරගත්තා. ජනප්‍රිය මැතිවරණ රැල්ලේ කිසිදු ප්‍රකාශිත ලක්ශණ කිසිවක් මගේ මැතිවරණ ව්‍යාපාරයේ තිබුනේ නෑ. හැබැයි මම අපේ පක්ෂවල වගේම සහෝදර අනෙක් පක්ෂ වල සහෝදර මිත්‍රයන්ගෙන් ඉල්ලීමක් කළා අපි එකම මැතිවරණ වේදිකාවට ආවා. සියලුම පරස්පරයන් අමතක කරලා මම ඔවුන්ගෙන් කළේ එකම ඉල්ලීමයි. ඒ තමයි දකුණේ සාරවත් පසට නොදිරන පොලිතීන් වෙනුවට නොදිරන දේශපාලන මතවාද රැගෙන එන්න. මගේ ඉල්ලීම වුනේ මෙයයි. ඒ නිසා අපි සාරවත් ශ්‍රී ලාංකීය මහපොලොවට මීට වඩා සාරවත් ලෙස අපේ දූපුතුන් ට මුණුබුරු මිණිබිරියන්ට තිළිණ කිරීම සඳහා විදුලිබල මණ්ඩලය විදියට ආයතන සියල්ලම එකතු වෙලා අපේ පුනර්ජනනීය බලශක්ති ය මගින් එය ඉටු කිරීමට කැපවන මෙන් මම ඉල්ලා සිටිනවා.

මන්නාරම මුලතීවු සම්බන්ධීකරණ කමිටුවේ සභාපති පාර්ලිමේන්තු මන්ත්‍රී කාදර්මස්තාන්, වවුනියා සම්බන්ධීකරණ කමිටුවේ සභාපති පාර්ලිමේන්තු මන්ත්‍රී ගුණසිංහම් දිලීපන්, විදුලිබල අමාත්‍යාංශයේ ලේකම් වසන්තා පෙරේරා, ලංකා විදුලිබල මණ්ඩලයේ සභාපති විජිත හේරත්, ලංකා විදුලිබල මණ්ඩලයේ උපසභාපති නලින්ද ඉලංගකෝන් සාමාන්‍යාධිකාරි කුමුදුනී හේරත් ඇතුළු මහත්ම මහත්මීන් පිරිසක් හා ජනතා නියෝජිතයෝ පිරිසක් මේ අවස්ථාවට සහභාගී වී සිටියහ.

 

සබැඳි පුවත්

තිරප්පන “තුරු සෙවන” රාජ්‍ය ඇමැති දුමින්දගේ ප්‍රධානත්වයෙන් ඉදිකිරීම් ඇරඹෙයි
තිරප්පන “තුරු සෙවන” රාජ්‍ය ඇමැති දුමින්දගේ ප්‍රධානත්වයෙන් ඉදිකිරීම් ඇරඹෙයි දැයක් නගන - සියක් නගර” ව්‍යාපෘතිය යටතේ තිරප්පනය අනුරාධපුර තිරප්පනය නගරයේ යෝජිත භූදර්ශන හා රථවාහන නැවතුම හා තිරප්පනය “තුරු සෙවන” විවේක සහ විනෝද කටයුතු උද්‍යානය ඉ...
නයිනමඩම ඉරණවිල හරහා හලාවත දක්වා බී 640 මාර්ගය සංවර්ධනය කෙරේ
නයිනමඩම ඉරණවිල හරහා හලාවත දක්වා බී 640 මාර්ගය සංවර්ධනය කෙරේ කොළඹ පුත්තලම ප්‍රධාන මාර්ගයේ වෙන්නප්පුව, මාරවිල, මහවැව, මාදම්පෙ, හලාවත නගරයන්හි පවතින රථවාහන තදබදයට විසදුමක් ලෙස වෙරළබඩ සීමාවට සමාන්තරව දිවෙන නයිනමඩම ඉරණවිල හරහ...
භාවිතයට නොගන්නා ඛනිජ ද්‍රව්‍ය, විධිමත් පරිදි ආර්ථිකමය ප්‍රයෝජනයට ගන්න ගැනීමට ඇමති විමල්ගෙන් වැඩපිළිව...
භාවිතයට නොගන්නා ඛනිජ ද්‍රව්‍ය, විධිමත් පරිදි ආර්ථිකමය ප්‍රයෝජනයට ගන්න ගැනීමට ඇමති විමල්ගෙන් වැඩපිළිව... මෙරට දැනට හඳුනාගෙන ඇති නමුත් භාවිතයට නොගන්නා ඛනිජ ද්‍රව්‍ය විධිමත් පරිදි ආර්ථිකමය වශයෙන් ප්‍රයෝජනයට ගැනීම පිණිස වැඩපිළිවෙළක් යෙදීම සඳහා කර්මාන්ත අමාත්‍ය විමල් ව...
මහ කොළඹ ප්‍රවාහන ජාල වැඩිදියුණු කිරීමේ ව්‍යාපෘතිය තුලින් කොළඹ මාර්ග තදබදය අවම කිරීමට සැලසුම්
මහ කොළඹ ප්‍රවාහන ජාල වැඩිදියුණු කිරීමේ ව්‍යාපෘතිය තුලින් කොළඹ මාර්ග තදබදය අවම කිරීමට සැලසුම් දෛනිකව කොළඹ නගරයට ලක්ෂ 19ක පමණ ජනකායක් පැමිණෙන ඇති වන මාර්ග තදබදය අවම කිරීම සම්බන්ධයෙන් ප්‍රවාහන අමාත්‍යංශය යටතේ ක්‍රියාත්මක වන මහකොළඹ ප්‍රවාහන ජාල වැඩිදියුණු ක...
ශ්‍රී ලංකාව නැවතත් සංචාරක අලෙවි ප්‍රදර්ශන සඳහා සහභාගිවීම අරඹයි
ශ්‍රී ලංකාව නැවතත් සංචාරක අලෙවි ප්‍රදර්ශන සඳහා සහභාගිවීම අරඹයි සංචාරක ප්‍රවර්ධන වැඩසටහන් යටතේ ක්‍රියාත්මක කෙරෙන සංචාරක අලෙවි ප්‍රදර්ශන සඳහා සහභාගි වීම නැවතත් ආරම්භ කිරීමට සංචාරක සංවර්ධන අධිකාරිය පියවර ගෙන ඇති බව අමාත්‍ය ප්‍...
ආදායම් උත්පාදනය කල හැකි ප්‍රවාහන ව්‍යෘපෘතිවලට ප්‍රමුඛතාවය - ප්‍රවාහන ඇමැතිනි පවිත්‍රා
ආදායම් උත්පාදනය කල හැකි ප්‍රවාහන ව්‍යෘපෘතිවලට ප්‍රමුඛතාවය - ප්‍රවාහන ඇමැතිනි පවිත්‍රා කොවිඩ් 19 වසංගතය හේතුවෙන් කඩා වැටුණු මේ රටේ ආර්ථිකය ගොඩනැංවීම සදහා ප්‍රවාහන සේවා තුලින් නව ආදායම් උත්පාදනය කිරීමේ වැඩ පිළිවෙලක් කඩිනමින් සැකසිය යුතු බව ප්‍රවාහන...
Print