අධ්‍යාපන ගැටලු සොයන්න අධ්‍යාපන ඇමති සමඟ ඉසුරුපාය උතුරුමැදට යයි

මෙරට අධ්‍යාපන පද්ධතියේ ඉදිරි සංවර්ධන සැලසුම් සාකච්ඡා කිරීමටත්, දැනට පවත්නා ගැටලු අභියෝග සහ දුෂ්කරතා හඳුනා ගැනීමටත්, ඒ සම්බන්ධයෙන් ගත හැකි කෙටි කාලීන විසඳුම් සහ දිගුකාලීන ක්‍රියාමාර්ග සම්බන්ධයෙන් සාකච්ඡා කිරීමටත් දිස්ත්‍රික් මට්ටමින් අධ්‍යාපන බලධාරීන් හමුවී මේ ශේෂ වැඩසටහන් මාලාවෙහි පොලොන්නරුව දිස්ත්‍රික් වැඩසටහන අද (18) අධ්‍යාපන අමාත්‍ය මහාචාර්ය ජී එල් පීරිස් මහතාගේ ප්‍රධානත්වයෙන් පැවැත්විණි.

උතුරු මැද පළාතේ තුන් දහසකට ආසන්නව පවත්නා ගුරු හිඟය තුරන් කිරීමට ඉදිරියේදී පියවර ගන්නා බවත්, විශේෂයෙන්ම බොහෝ පාසල්වල උග්‍ර ගැටළුවක් බවට පත්ව ඇති විදුහල්පති පුරප්පාඩු සම්පූර්ණ කිරීම සඳහා පියවර ගන්නා බවත්, ඉදිරි සති දෙක ඇතුළත විදුහල්පතිවරුන් එකසිය හැට හයක්(166) අලුතින් බඳවා ගන්නා බවත්, වැඩබලන තනතුරුවල දැනට කටයුතු කරන විදුහල්පතිවරුන් වෙත ඉතා ඉක්මනින් ස්ථිර පත්වීම් ලබාදීමට පියවර ගන්නා බවත් අමාත්‍යවරයා සඳහන් කළේය.

පොළොන්නරුව දිස්ත්‍රික්කයේ පමණක් පානීය ජලය නැති පාසල් හතළිහක් (40) පවතින බව මෙහිදී අනාවරණය වූ අතර ඉදිරි වර්ෂය එළඹීමට ප්‍රථම පාසල් සඳහා පානීය ජලය සනීපාරක්ෂක පහසුකම් ද සකස් කිරීමට පෞද්ගලික සහාය ඇතිව පියවර ගන්නා බව අමාත්‍යවරයා පැවසීය.

දිවයිනේ විවිධ පෙදෙස්වලින් සෑම සතියකම මහජන දිනයට ඉසුරුපායට පැමිණෙන බොහෝ ජනතාවට පවතින ගුරු මාරු, පාසල්වලට දරුවන් ඇතුළත් කිරීම, සහ රැකියා අවස්ථා ලබාගැනීම ඇතුළු ගැටළු වෙනුවෙන් රජයක් වශයෙන් පෙනී සිටීමට සිදුව ඇති බවත්, පුරවැසි අයිතිවාසිකම් සුරැකෙන, සමානාත්මතාව ක්‍රියාවට නැංවිය හැකි සාධාරණ හා ප්‍රායෝගික වැඩපිළිවෙළක් ජනතාවගේ ප්‍රශ්න විසඳීම සඳහා සැලසුම් කරන බව ද, ඔවුන් ඉසුරුපායට ගෙන්වනු වෙනුවට, ඉසුරුපායේ නිලධාරීන් ඔවුන් වෙත ගොස් ගැටලු විසඳන ක්‍රමවේදයක් ලෙස එම වැඩපිළිවෙළ සැලසුම් කරන බව ද අධ්‍යාපන අමාත්‍යවරයා මෙහිදී අනාවරණය කළේය.

 

පොලොන්නරුව දිස්ත්‍රික් ලේකම් කාර්යාලයේ පැවති මෙම විශේෂ හමුවට උතුරු මැද පළාත් ආණ්ඩුකාර මහීපාල හේරත්, අධ්‍යාපන රාජ්‍ය අමාත්‍ය පියල් නිශාන්ත ද සිල්වා, ඉඩම් කළමනාකරණ කටයුතු රාජ්‍ය ව්‍යාපාර ඉඩම් හා දේපල සංවර්ධන රාජ්‍ය අමාත්‍ය රොෂාන් රණසිංහ, මහවැලි කලාප ආශ්‍රිත ඇළ වේලි හා ජනාවාස පොදු යටිතල පහසුකම් සංවර්ධන රාජ්‍ය අමාත්‍ය සිරිපාල ගම්ලත්, උතුරු මැද පළාත් ප්‍රධාන ලේකම් එච් එන් පී බණ්ඩාර. පොලොන්නරුව දිසාපති ඩබ්ලිව්. ඒ. ධර්මසිරි, අධ්‍යාපන අමාත්‍යතුමාගේ පෞද්ගලික ලේකම් නලින් ගම්ලත් මහතා ඇතුළු අමාත්‍යාංශයේ ජ්‍යෙෂ්ඨ නිලධාරීන් ද පිඨාදිපතිවරුන් විදුහල්පතිවරුන් කලාප සහ කොට්ඨාශ අධ්‍යාපන අධ්‍යක්ෂවරුන් කොට්ඨාස අධ්‍යාපන අධ්‍යක්ෂවරුන් විදුහල්පතිවරුන් ඇතුළු අධ්‍යාපන ක්ෂේත්‍රයේ නිලධාරින් රැසක් ද එක්ව සිටියහ,

පුලතිසිපුර ජාතික අධ්‍යාපන විද්‍යාපීඨය, කාරමික විද්‍යාලය, ශ්‍රී ලංකා වෘත්තීය පුහුණු අධිකාරිය, ශ්‍රී ලංකා විවෘත විශ්වවිද්‍යාලය, ජාතික ආධුනිකත්ව හා කාර්මික පුහුණු අධිකාරිය, ජාතික තරුණ සේවා සභාව ඇතුළු ආයතන රැසක නිලධාරින් ඉදිරි සංවර්ධන සැලසුම් සහ දැනට පවත්නා අභියෝග සම්බන්ධයෙන් සාකච්ඡා කිරීමට මේ අවස්ථාවට එක්ව සිටියහ.

 

Pin It

සබැඳි පුවත්

දේශීය කර්මාන්තකරුවන්ට ශක්තියක් වෙන්න -රාජ්‍ය අමාත්‍ය ප්‍රසන්න
දේශීය කර්මාන්තකරුවන්ට ශක්තියක් වෙන්න -රාජ්‍ය අමාත්‍ය ප්‍රසන්න ආනයන ආදේශක භාණ්ඩ නිෂ්පාදනය තුලින් විදේශයන් වෙත ඇදී යන අපේ මුදල් ටික ආරක්ෂා කිරීමට හැකි වනවා සේම දේශිය කර්මාන්තකරුවාද ශක්තිමත් කල යුතු බව වේවැල්, පිත්තල, මැටි, ල...
1929 ශ්‍රි ලංකා ළමා ආරක්ෂක යෙදවුම එළිදක්වයි
1929 ශ්‍රි ලංකා ළමා ආරක්ෂක යෙදවුම එළිදක්වයි ශ්‍රී ලාංකික ළමයින්ගේ ළමා අයිතිවාසිකම් සාක්ෂාත් කිරීමටත්, සියළුම ආකාරයේ ළමා අපයෝජනයන්ගෙන් සහ නොසලකා හැරීම් වලින් ළමයින් මුදවා ගැනීම අරමුණු කොටගෙන 1929 ශ්‍රි ලංක...
හේවායින්න සහ බෙලිගස්හංදිය මාර්ග කපට් යොදා සංවර්ධනය කිරීමේ කටයුතු ආරම්භ කෙරේ
හේවායින්න සහ බෙලිගස්හංදිය මාර්ග කපට් යොදා සංවර්ධනය කිරීමේ කටයුතු ආරම්භ කෙරේ සබරගමුව පළාතේ ඇහැළියගොඩ ආසනයේ ග්‍රාමීය මාර්ග සංවර්ධනයට ද මේ වන විටත් පියවර ගෙන ඇති අතර ඒ අනුව හේවායින්න නාගහවත්ත මාර්ගයේ සහ බෙලිගස්හංදිය - පලීගල මාර්ගයේ සංවර්ධන...
මාර්ග 160 ක් පැළ මිලියන දෙකක් සිටුවීමේ වැඩසටහන ආරම්භ කෙරේ
මාර්ග 160 ක් පැළ මිලියන දෙකක් සිටුවීමේ වැඩසටහන ආරම්භ කෙරේ ආසන 160 ක මාර්ග සංවර්ධන ව්‍යාපෘති 160 ක් සහ මග දෙපස පැළ මිලියන දෙකක් සිටුවීමේ වැඩසටහන අද (22) දින ආරම්භ කෙරිණ. එහි සමාරම්භය සනිටුහන් කරමින් දක්ෂිණ අධිවේගී මා...
හුස්ම දෙන තුරු ජාතික රුක් රෝපණ වැඩසටහන ජනපති ප්‍රධානත්වයෙන් ඇරඹේ
හුස්ම දෙන තුරු ජාතික රුක් රෝපණ වැඩසටහන ජනපති ප්‍රධානත්වයෙන් ඇරඹේ පැළ මිලියන 02ක් සිටුවන “හුස්ම දෙන තුරු” ජාතික රුක් රෝපණ වැඩසටහන ජනාධිපති ගෝඨාභය රාජපක්ෂ මහතාගේ ප්‍රධානත්වයෙන් ඇරඹේ. “සෞභාග්‍යයේ දැක්ම” රාජ්‍ය ප්‍රතිපත්ති ප්‍...
ආණමඩුව ජාතික නිවාස සංවර්ධන අධිකාරිය සතු ගොඩනැගිලි සහිත ඉඩම ලංකා ජර්මානු කාර්මික අභ්‍යාස ආයතනයට පවරයි
ආණමඩුව ජාතික නිවාස සංවර්ධන අධිකාරිය සතු ගොඩනැගිලි සහිත ඉඩම ලංකා ජර්මානු කාර්මික අභ්‍යාස ආයතනයට පවරයි පුත්තලම දිස්ත්‍රික්කයේ ආණමඩුව ප්‍රදේශයේ ජාතික නිවාස සංවර්ධන අධිකාරිය සතු ගොඩනැගිලි සහිත ඉඩම ලංකා ජර්මානු කාර්මික අභ්‍යාස ආයතනය වෙත පැවරීමේ අවබෝධතා ගිවිසුම අත්සන...

Print   Email