පැල්පත් නිවාස සම්බන්ධ ජිවන්ගේ ඉල්ලීමට අගමැති මහින්ද අවධානය යොමු කෙරේ

හැටන් නගරයේ පිහිටා ඇති 3000කට අධික පැල්පත් නිවාස ඉන් ඉවත් කර එම පැල්පත්වාසීන්ට නිවාස ලබාදීමේ ව්‍යාපෘතියක් ක්‍රියාත්මක කළ යුතු බව අග්‍රාමාත්‍ය මහින්ද රාජපක්ෂ මහතා පවසයි.

අග්‍රාමාත්‍යවරයා මේ බව පැවසුවේ සෞභාග්‍යයේ දැක්ම යටතේ මෙරට ප්‍රධාන සහසම්බන්ධිත නගර සංචාරකයින් සඳහා ප්‍රවර්ධනය කිරීමේ වැඩසටහනට සමගාමීව නුවරඑළිය දිස්ත්‍රික්කයේ සංවර්ධන කටයුතු පිළිබඳ සාකච්ඡා කිරීමේ හමුවක් ඊයේ(21) පාර්ලිමේන්තුවේදී පැවැත්විණි.

මෙම හමුවේදී නුවරඑළිය නගරය හා ඒ අවට ප්‍රදේශය දේශීය හා විදේශීය සංචාරකයින්ට සුදුසු සංචාරක පුරවරයක් බවට පත් කිරීම පිළිබඳව අග්‍රාමාත්‍යවරයාගේ අවධානය යොමු විය.

නුවරඑළිය නගරය ආශ්‍රිතව දෙස් විදෙස් සංචාරකයින්ගේ ආකර්ශනය දිනා ගත් ග්‍රෙගරි වැව හා තුරඟ තරග පිටිය ආශ්‍රිත ප්‍රදේශය සංවර්ධනය කිරීම සඳහා අග්‍රමාත්‍යවරයා මෙහිදී උපදෙස් ලබා දුන්නේය.

ඒ යටතේ නුවරඑළිය නගරය උපරිම සංවර්ධනයක් කරා රැගෙන ඒම, තුරඟ තරග නැවත ආරම්භ කරමින් නගරය ආශ්‍රිතව පවත්නා උද්‍යානවල ගුණාත්මක භාවය ඉහළ නැංවීම, නුවර එළිය නගරය තුළ ක්‍රීඩා පහසුකම් වර්ධනය කිරීම, ප්‍රදේශයට ආවේනික සංවේදී පරිසර කලාප ආරක්ෂා කිරීම, කේබල් කාර් ව්‍යාපෘතිය සහ තේමා උද්‍යානයේ කටයුතු ආරම්භ කරමින් සංචාරක පහසුකම් උපරිම තත්ත්වයක් යටතේ සංවර්ධනය කිරීමට අග්‍රමාත්‍යවරයා මෙහිදී අදාළ අංශ දැනුවත් කළේය.

නුවරඑළිය නගරය ආශ්‍රිත මාර්ග සංවර්ධන වැඩකටයුතු අවසන් අදියරේ ඇති බව පෙන්වා දුන් අග්‍රාමාත්‍යවරයා රාජ්‍ය අමාත්‍ය ජීවන් තොණ්ඩමන් මහතාගේ ඉල්ලීමකට අනුව හැටන් නගරයේ පිහිටා ඇති 3000කට අධික පැල්පත් නිවාස ඉන් ඉවත් කර එම පැල්පත්වාසීන්ට නිවාස ලබාදීමේ ව්‍යාපෘතියක් ක්‍රියාත්මක කිරීම පිළිබඳව අවධානය යොමු වී ඇති බව පැවසීය.

හැටන් නගර සංවර්ධන කටයුතු පිළිබඳව මෙහිදී විශේෂ අවධානයත් යොමු වූ අතර හැටන් සිට තලවකැලේ, ශ්‍රීපාදය දක්වා වූ ප්‍රදේශය සංචාරක පහසුකම් වැඩි දියුණු කරමින් සංවර්ධන කිරීමට ද අග්‍රාමාත්‍යවරයා උපදෙස් දුන්නේය.

මේ යටතේ කාසල්රී ජලාශය ආශ්‍රිත ප්‍රදේශය ද සංචාරකයින් සඳහා වැඩිදියුණු කරමින්, කොටගල ආශ්‍රිත තෙත් බිම් සංරක්ෂණය කඩිනම් කිරීමට ද නියමිතය.

මෙම අවස්ථාව සඳහා අමාත්‍ය සී.බී රත්නායක, රාජ්‍ය අමාත්‍ය ජීවන් තොණ්ඩමන්, පාර්ලිමේන්තු මන්ත්‍රීවරුන් වන එස්.බී.දිසානායක, නිමල් පියතිස්ස, එම්. රමේෂ්වරන්, නාගරික සංවර්ධන හා නිවාස අමාත්‍යංශ ලේකම් සිරිනිමල් පෙරේරා හා නාගරික සංවර්ධන අධිකාරියේ අධ්‍යක්ෂ ජනරාල් ප්‍රසාද් රණවීර, නියෝජ්‍ය අධ්‍යක්ෂක (නුවරඑළිය දිස්ත්‍රික්) රංජිත් බණ්ඩාර මහත්වරු ඇතුළු පිරිසක් එක්ව සිටියහ.

 

Pin It

සබැඳි පුවත්

දේශීය කර්මාන්තකරුවන්ට ශක්තියක් වෙන්න -රාජ්‍ය අමාත්‍ය ප්‍රසන්න
දේශීය කර්මාන්තකරුවන්ට ශක්තියක් වෙන්න -රාජ්‍ය අමාත්‍ය ප්‍රසන්න ආනයන ආදේශක භාණ්ඩ නිෂ්පාදනය තුලින් විදේශයන් වෙත ඇදී යන අපේ මුදල් ටික ආරක්ෂා කිරීමට හැකි වනවා සේම දේශිය කර්මාන්තකරුවාද ශක්තිමත් කල යුතු බව වේවැල්, පිත්තල, මැටි, ල...
1929 ශ්‍රි ලංකා ළමා ආරක්ෂක යෙදවුම එළිදක්වයි
1929 ශ්‍රි ලංකා ළමා ආරක්ෂක යෙදවුම එළිදක්වයි ශ්‍රී ලාංකික ළමයින්ගේ ළමා අයිතිවාසිකම් සාක්ෂාත් කිරීමටත්, සියළුම ආකාරයේ ළමා අපයෝජනයන්ගෙන් සහ නොසලකා හැරීම් වලින් ළමයින් මුදවා ගැනීම අරමුණු කොටගෙන 1929 ශ්‍රි ලංක...
හේවායින්න සහ බෙලිගස්හංදිය මාර්ග කපට් යොදා සංවර්ධනය කිරීමේ කටයුතු ආරම්භ කෙරේ
හේවායින්න සහ බෙලිගස්හංදිය මාර්ග කපට් යොදා සංවර්ධනය කිරීමේ කටයුතු ආරම්භ කෙරේ සබරගමුව පළාතේ ඇහැළියගොඩ ආසනයේ ග්‍රාමීය මාර්ග සංවර්ධනයට ද මේ වන විටත් පියවර ගෙන ඇති අතර ඒ අනුව හේවායින්න නාගහවත්ත මාර්ගයේ සහ බෙලිගස්හංදිය - පලීගල මාර්ගයේ සංවර්ධන...
මාර්ග 160 ක් පැළ මිලියන දෙකක් සිටුවීමේ වැඩසටහන ආරම්භ කෙරේ
මාර්ග 160 ක් පැළ මිලියන දෙකක් සිටුවීමේ වැඩසටහන ආරම්භ කෙරේ ආසන 160 ක මාර්ග සංවර්ධන ව්‍යාපෘති 160 ක් සහ මග දෙපස පැළ මිලියන දෙකක් සිටුවීමේ වැඩසටහන අද (22) දින ආරම්භ කෙරිණ. එහි සමාරම්භය සනිටුහන් කරමින් දක්ෂිණ අධිවේගී මා...
හුස්ම දෙන තුරු ජාතික රුක් රෝපණ වැඩසටහන ජනපති ප්‍රධානත්වයෙන් ඇරඹේ
හුස්ම දෙන තුරු ජාතික රුක් රෝපණ වැඩසටහන ජනපති ප්‍රධානත්වයෙන් ඇරඹේ පැළ මිලියන 02ක් සිටුවන “හුස්ම දෙන තුරු” ජාතික රුක් රෝපණ වැඩසටහන ජනාධිපති ගෝඨාභය රාජපක්ෂ මහතාගේ ප්‍රධානත්වයෙන් ඇරඹේ. “සෞභාග්‍යයේ දැක්ම” රාජ්‍ය ප්‍රතිපත්ති ප්‍...
ආණමඩුව ජාතික නිවාස සංවර්ධන අධිකාරිය සතු ගොඩනැගිලි සහිත ඉඩම ලංකා ජර්මානු කාර්මික අභ්‍යාස ආයතනයට පවරයි
ආණමඩුව ජාතික නිවාස සංවර්ධන අධිකාරිය සතු ගොඩනැගිලි සහිත ඉඩම ලංකා ජර්මානු කාර්මික අභ්‍යාස ආයතනයට පවරයි පුත්තලම දිස්ත්‍රික්කයේ ආණමඩුව ප්‍රදේශයේ ජාතික නිවාස සංවර්ධන අධිකාරිය සතු ගොඩනැගිලි සහිත ඉඩම ලංකා ජර්මානු කාර්මික අභ්‍යාස ආයතනය වෙත පැවරීමේ අවබෝධතා ගිවිසුම අත්සන...

Print   Email