රුසියාවට හොරට යැවූ ශ්‍රී ලාංකිකයින් 27 ක් එරටදී අත් අඩංගුවට - විදේශ අමාත්‍යංශය

රුසියානු බලධාරීන් විසින් වසරක් තුළ ශ්‍රී ලාංකිකයන් 27 දෙනෙකු අත්අඩංගුවට ගෙන ඇති බව විදේශ අමාත්‍යංශය පවසයි.

මොස්කව් ශ්‍රී ලංකා තානාපති කාර්යාලය පැවැසුවේ ව්‍යාජ තොරතුරු මත රුසියාවේ අධ්‍යාපන හා රැකියා සඳහා යවන ශ්‍රී ලාංකිකයින් එරටදී නීතියේ රැහැනට අසුවන බැවින් හොර රැකියා ඒජන්සි ආයතනවලට නොරැවටෙන ලෙස රුසියාවේ ශ්‍රී ලංකා තානාපති කාර්යාලය ශ්‍රී ලාංකිකයින්ගෙන් ඉල්ලා සිටි බවයි.

ව්‍යාජ විදේශ රැකියා සහ අධ්‍යාපනික නියෝජිතායතනවලට එරෙහිව ශ්‍රී ලාංකිකයන්ගෙන් රුසියාවේ තානාපති කාර්යාලයට ලැබෙන පැමිණිලි සංඛ්‍යාව ඉහළ ගොස් ඇති බවද තානාපති කාර්යාලය පෙන්වා දෙයි.

රැකියා අවස්ථා ලබා ගැනීමේ සහ තවදුරටත් යුරෝපා රටවල් කරා සංක්‍රමණය වීමේ අපේක්ෂාවෙන් යුතුව, ශිෂ්‍ය/සංචාරක වීසා මඟින් රුසියානු සමූහාණ්ඩුව වෙත පැමිණෙන ශ්‍රී ලාංකිකයන්ගේ සංඛ්‍යාව වසරින් වසර විශාල වශයෙන් ඉහළ ගොස් ඇති බව නිරීක්ෂණය වී ඇති බව තානාපති කාර්යාලය පැවසිය.

මෙම වසරේ දී, රුසියානු බලධාරීන් විසින් ශ්‍රී ලාංකිකයන් 27 දෙනෙකු අත්අඩංගුවට ගන්නා ලද අතර, ඉන් 17 දෙනෙකු දැනටමත් තම සිර දඬුවම් අවසන් කිරීමෙන් අනතුරුව ආපසු ශ්‍රී ලංකාවට ගොස් තිබේ. පුද්ගලයන් දස දෙනෙකු, ඔවුන් පිළිබඳ නීතිමය කටයුතු සිදු කෙරෙමින් පවතින බැවින්, රුසියානු සමූහාණ්ඩුවේ විවිධ නගරවල රැඳවුම් මධ්‍යස්ථානවල තවදුරටත් රඳවා සිටිති.

බොහෝ ශ්‍රී ලාංකික සිසු සිසුවියන්, සැකයකින් තොරව පැමිණෙන සිසුන් සූරාකෑම සහ නිසි නීතිමය මාර්ග නොසලකා මුදල් ලබා ගැනීම අරමුණු කොට ගත් වංචනික නියෝජිතයන්ගේ උපායවලට ගොදුරු වෙමින් පවතී. රුසියාවට හෝ වෙනත් අසල්වැසි රටකට ළඟා වීම සඳහා එවැනි නීතිවිරෝධී මාර්ග භාවිතා කිරීමෙන් වළකින ලෙස රුසියානු සමූහාණ්ඩුවේ ශ්‍රී ලංකා තානාපති කාර්යාලය ශ්‍රී ලාංකිකයන්ට තරයේ අවවාද කරයි.

සංක්‍රමණ නීති රීතිවලට අනුව, සංචාරක වීසා මඟින් රුසියානු සමූහාණ්ඩුව වෙත පැමිණෙන විදේශකයන් හට ඔවුන්ගේ වලංගු වීසා කාලසීමාව තුළ දී රැකියාවල නිරත වීමට අවසර දෙනු නොලබන අතර, දඬුවමකට ද යටත් වීමට සිදු වේ.

සංක්‍රමණික සේවකයින් ලෙස නීතිවිරෝධී අන්දමින් රැඳී සිටීම, වීසා බලපත්‍ර කල් ඉකුත්වීම සහ සංක්‍රමණ නීති උල්ලංඝනය කිරීම, ව්‍යාජ ශිෂ්‍ය/රැකියා වීසා බලපත්‍ර ලබා ගැනීම, නීතිවිරෝධී ලෙස රාජ්‍ය දේශසීමා තරණය කිරීම ඇතුළු නීතිවිරෝධී ක්‍රියාවන් සම්බන්ධයෙන් ශ්‍රී ලාංකිකයින් ගණනාවකට සිර දඬුවම් හා දඩ නියම කර ඇති බව රුසියානු නීතිය බලාත්මක කිරීමේ බලධාරීන් විසින් මෙම තානාපති කාර්යාලය වෙත දැනුම් දී ඇත.

සුදුසු ක්‍රියාමාර්ග ගැනීම පිණිස, මිනිස් ජාවාරම් පිළිබඳ වාර්තා වූ පැමිණිලි පිලිබඳ විස්තර සම්බන්ධයෙන් රුසියානු සමූහාණ්ඩුවේ මෙන්ම ශ්‍රී ලංකාවේ ද රජයන්හි අදාළ බලධාරීන් දැනුවත් කිරීම සඳහා රුසියානු සමූහාණ්ඩුවේ ශ්‍රී ලංකා තානාපති කාර්යාලය මූලික පියවර ගෙන තිබේ.

එබැවින් එවැනි ව්‍යාජ ආයතන පිළිබඳව සුපරීක්ෂාකාරී වන ලෙසත්, කිසිදු නීති විරෝධී ආයතනයකට ගෙවීම් කිරීමෙන් වැළකී සිටින ලෙසත්, මිනිස් ජාවාරමට ගොදුරු නොවී සිටින ලෙසත් තරයේ අවවාද කරනු ලැබේ. තවද, රැකියා අවස්ථා සෙවීමේ හෝ දේශසීමා හරහා යුරෝපයට ඇතුළු වීමේ අපේක්ෂාවෙන් ශිෂ්‍ය/සංචාරක වීසා මත රුසියානු සමූහාණ්ඩුව වෙත යාමෙන් වළකින ලෙසට උපදෙස් දෙනු ලැබේ.

Pin It

සබැඳි පුවත්

පාර්ලිමේන්තුවේ සේවකයෙකුට උණ ..... කොරෝනා අවධානමක් ද?
පාර්ලිමේන්තුවේ සේවකයෙකුට උණ ..... කොරෝනා අවධානමක් ද? පාර්ලිමේන්තු ආපන ශාලාවේ සේවය කරනු ලබන සේවකයෙකුට උණ තත්වයක් හේතුවෙන් ඔහුව රෝහල් ගත කිරීමට පියවර ගෙන තිබේ. අද උදැසන එම සේවකයා පාර්ලිමේන්තුවට පැමිණි අවස්ථාවේදී ...
නව පොලිස්පති රාජකාරි අරඹයි   
නව පොලිස්පති රාජකාරි අරඹයි   මෙරට 35වන පොලිස්පතිවරයා ලෙස සී.ඩී වික්‍රමරත්න මහතා අද (27) පොලිස් මූලස්ථානයේදී සිය රාජකාරී ආරම්භ කර තිබේ. සී.ඩී වික්‍රමරත්න මහතා 1986 වසරේදී ආධුනික සහකාර පොල...
පෑලියගොඩ මාළු වෙළද සංකීර්ණය සෞඛ්‍ය නීති රීතිවලට අනුව වීවෘත කරන බව ධීවර ඇමැති කියයි
පෑලියගොඩ මාළු වෙළද සංකීර්ණය සෞඛ්‍ය නීති රීතිවලට අනුව වීවෘත කරන බව ධීවර ඇමැති කියයි සෞඛ්‍ය අමාත්‍යාංශය විසින් කොවිඩ් වැලැක්වීමේ නීතිරීති වලට අනුව පෑලියගොඩ මාළු වෙළෙඳ සංකිර්ණය යළි ක්‍රියාත්මක කරන ලෙස ධිවර අමාත්‍ය ඩග්ලස් දේවානන්දා මහතා පවසයි. ...
ආරක්ෂක හා තාක්ෂණ අමාත්‍යාංශය ජනපති යටතට
ආරක්ෂක හා තාක්ෂණ අමාත්‍යාංශය ජනපති යටතට නොවැම්බර් මස 20 වැනිදා සිදු කළ අමාත්‍යාංශ විෂයය සංශෝධනය ප්‍රකාර ආරක්ෂක සහ තාක්ෂණ අමාත්‍යාංශ ජනාධිපති ගෝඨාභය රාජපක්ෂ මහතා යටතට ගෙන ඇති බව ජනාධිපති මාධ්‍ය අංශය පව...
ඇහැලියගොඩ හයිඩ්‍රාමිනි ඇඟලුම් ශාලාවේ 43 කට කොරෝනා ආසාදනය වෙයි
ඇහැලියගොඩ හයිඩ්‍රාමිනි ඇඟලුම් ශාලාවේ 43 කට කොරෝනා ආසාදනය වෙයි ඇහැලියගොඩ හයිඩ්‍රාමිනි ඇඟලුම් ශාලාවේ 53 දෙනෙකුට කොරෝනා ආසාදනය වී ඇති බව වාර්තා වේ. කෙසේ වෙතත් සෞඛ්‍ය අංශ පැවසුවේ ආසාදිතයින් සංඛ්‍යාව වැඩීවීමට ඇති බවත්ය....
 රියර් අද්මිරාල් සරත් වීරසේකරට කැබිනට් ඇමැතිකමක්
රියර් අද්මිරාල් සරත් වීරසේකරට කැබිනට් ඇමැතිකමක් නව කැබිනට් අමාත්‍යවරයෙක් සහ රාජ්‍ය අමාත්‍යවරයෙක් අද (26) පෙරවරුවේ ජනාධිපති කාර්යාලයේ දී ජනාධිපති ගෝඨාභය රාජපක්ෂ මහතා ඉදිරියේ දිවුරුම් දුන්හ. ඒ, රියර් අද්මිරා...

Print   Email