IOC ඉන්ධන මිල වැඩිකිරීම සම්බන්ධයෙන් මැදිහත් වීමක් නෑ - විදුලිබල අමාත්‍යංශය කියයි

IOC සමාගම ඉන්ධන මිල ඉහළ නැංවීම සම්බන්ධයෙන් විදුලිබල හා බලශක්ති අමාත්‍යාංශයේ කිසිදු මැදිහත්වීමක් කල නොහැකි බව එම අමාත්‍යාංශයේ නිලධාරින් පවසයි.

IOC සමාගම විසින් ඔක්ටේන් 92 පෙට්‍රල් මිල ඉහළ දැමීම සම්බන්ධව විවිධ පාර්ශ්වයන් විසින් රජයට නගන චෝදනා සම්බන්ධව අද දින (21 )විශේෂ සාකච්ඡාවක් විදුලිබල හා බලශක්ති අමාත්‍ය මහින්ද අමරවීර මහතා විසින් අමාත්‍යාංශයේ දි පවත්වනු ලැබීය.

එහිදී අමාත්‍යවරයා විසින් IOC සමාගම විසින් ඉන්ධන මිල නැංවීම සම්බන්ධව කරුණු විමසා සිටි අතර එහිදී හෙලිදරව් වුයේ IOC සමාගම විසින් 2003 දී ගිවිසුම් ගත වීම අනුව ඔවුන් විසින් ඉන්ධන මිල ඉහළ නංවන්නේ නම් ඒ සඳහා අදාල විෂයබාර අමාත්‍යාංශයෙන් විමසීමක් කිරීම අවශ්‍ය නොවන බවයි. එහෙත් ඔවුන් ඒ සඳහා මුදල් අමාත්‍යාංශයෙන් අනුමැතියක් ලබා ගත යුතුය. දැනට ඇති තොරතුරු අනුව ඔවුන් විසින් මුදල් අමාත්‍යාංශයට ලිපියක් යොමු කර තිබෙන බව අවධාරණය විය.

2003 දී එවකට පැවැතියේ එක්සත් ජාතික පක්ෂ රජයක් වන අතර මේ සම්බන්ධව එම රජයේ ඛනිජතෙල් ඇමැතිවරයා විසින් ගනු ලැබු තීරණයක් මත මෙම ගිවිසුමට එළැඹ තිබෙන බව පෙනී යයි.

එමනිසා පසුගියදා IOC සමාගම විසින් සිදු කළ ඉන්ධන මිල ඉහළ නැංවීම සම්බන්ධව වර්තමාන විදුලිබල හා බලශක්ති අමාත්‍යාංශයේ කිසිදු මැදිහත් විමක් නොමැති බව අවධාරණය කරන ලදී.

එහෙත් විදුලිබල හා බලශක්ති අමාත්‍ය මහින්ද අමරවීර මහතා එකී ගිවිසුම සම්බන්ධව සොයා බලා ඒ පිළිබඳ වාර්තාවක් තමන්ට කඩිනමින් ලබා දෙන ලෙස අමාත්‍යාංශයේ ලේකම් වසන්තා පෙරේරා මහත්මියට උපදෙස් දෙන ලදී. ඒ් අනුව ඉදිරියේ දී මෙම ගිවිසුම සංශෝධනය කිරීම සම්බන්ධව යම් ක්‍රියාමාර්ගයක් ගන්නේ නම් ඒ සම්බන්ධව පවතින කරුණු අධ්‍යයනය කිරීම එහි අරමුණ බව අමාත්‍යවරයා සඳහන් කලේය.

IOC සමාගම ඉන්ධන මිල වැඩි කළ ද , කිසිදු ඉන්ධනයක මිල ඉහළ නැංවීමට පියවර නොගන්නා ලෙස අමාත්‍යවරයා ලංකා ඛනිජ තෙල් සංස්ථාවට උපදෙස් දුන්නේය.

රජය විසින් ලෝක වෙළෙඳපොළේ ඉන්ධන මිල පහළයාම මත පනවන ලද විශේෂ බද්ද හේතුවෙන් මෙසේ ඔක්ටේන් 92 පෙට්‍රල් මිල ඉහළ නැංවු බව IOC සමාගම ප්‍රකාශ කළ ද, ඔවුන් විසින් ඩිසල් අලෙවිය මගින් විශාල ලාභයක් ලබන බව ලංකා ඛනිජතෙල් සංස්ථාව විසින් මෙහිදී පෙන්වා දුන්නේය.

IOC සමාගම ඉන්ධන මිල ඉහළ නැංවීම ඔවුන් විසින් එළැඹි ගිවිසුමක් මත සිදු කරන ලද කාරණයක් වන බැවින් විදුලිබල හා බලශක්ති අමාත්‍යාංශයේ කිසිදු මැදිහත්වීමක් ඊට කළ නොහැකි බව අමාත්‍යාංශයේ නිලධාරින් විසින් අමාත්‍යවරයාට පෙන්වා දුන්නේය.

 

Pin It

සබැඳි පුවත්

ඉදිරීයේදී බස්වලආසන ගණනට පමණක් මගීන් ගෙන යෑමේ නීතියක් කරනවා - ඇමැති මහින්ද
ඉදිරීයේදී බස්වලආසන ගණනට පමණක් මගීන් ගෙන යෑමේ නීතියක් කරනවා - ඇමැති මහින්ද සියලුම ලංගම හා පුද්ගලික බස් රථවල ආසන ගණනට පමණක් මගීන් ප්‍රවාහණය කිරීම ඉදිරියේ දී නීතියක් බවට පත් කර ක්‍රියාත්මක කරන බව ප්‍රවාහන සේවා කළමනාකරණ අමාත්‍ය මහින්ද අමර...
රටේ ආර්ථික තත්ත්වය ජනතාවට හෙලි කරන්නැයි හිටපු අගමැති රනිල් කියයි
රටේ ආර්ථික තත්ත්වය ජනතාවට හෙලි කරන්නැයි හිටපු අගමැති රනිල් කියයි රටේ වර්තමාන මූල්‍ය සහ මුදල් තත්ත්වය පිළිබඳව සවිස්තර වාර්තාවක් ඉදිරිපත් කිරීම රජයේ වගකීමක් වන අතර රටේ ආර්ථික තත්ත්වය පිළිබඳ සැබෑ තොරතුරු ජනතාව හමුවේ හෙළිදරව් කරන...
අන්තර් පළාත් ප්‍රවාහන පහසුකම් සඳහා බස් 3200ක් සූදානම්
අන්තර් පළාත් ප්‍රවාහන පහසුකම් සඳහා බස් 3200ක් සූදානම් අද(26) සිට ආරම්භ කෙරෙන අන්තර් පළාත් බස්‍ රථ ධාවනය සඳහා පෞද්ගලික බස් රථ 3200 ක් සූදානම...
කටාර් සිට ගෙන ඒමට සැලසුම් කර තිබූ ලාංකිකයන්   තාවකාලිකව අත්හිටුවයි
කටාර් සිට ගෙන ඒමට සැලසුම් කර තිබූ ලාංකිකයන් තාවකාලිකව අත්හිටුවයි අද  (26) කටාර් රාජ්‍යයේ සිට  ශ්‍රී ලාංකිකයන් පිරිසක් මෙරටට ගෙන ඒමට සැළසුම් කර තිබූ ගුවන් ගමන තාවකාලිකව  අවලංගු කිරීමට රාජ්‍ය බලධාරීන්   ...
එළවළු මිල පාලනයට පොලිසිය මැදිහත් වෙයි
එළවළු මිල පාලනයට පොලිසිය මැදිහත් වෙයි දෛනික එළවළු තොග මිල ගණන් දිවයිනේ සියලූම පොලිස් ස්ථාන වෙත ලබා දීමට පොලිස් මූලස්ථානය පියවර ගෙන ඇත. ඒ, වැඩ බලන පොලිස්පති සී. ඞී. වික‍්‍රමරත්නගේ උපදෙස් අනුවයි. ...
26 වනදා සිට දිවයිනට ඇඳිරීනීතිය ක්‍රියාත්මක වෙන්නේ රාත්‍රි 10 සිට අලුයම 4 දක්වා පමණයි
26 වනදා සිට දිවයිනට ඇඳිරීනීතිය ක්‍රියාත්මක වෙන්නේ රාත්‍රි 10 සිට අලුයම 4 දක්වා පමණයි දිවයිනේ සියලු දිස්ත්‍රික්කවල හෙට (26) සිට ඇඳිරි නීතිය නැවත දැනුම් දෙන තුරු ක්‍රියාත්මක වන්නේ දිනපතා රාත්‍රී 10.00 සිට අළුයම 4.00 දක්වා බව පොලිසිය පවසයි. නියෝ...

Print   Email