නව ආයෝජකයන් සඳහා කර්මාන්තපුරයන්හි ඉඩම් ප්‍රදානය කෙරේ

"දිනන රට පුබුදන කර්මාන්ත වැඩසටහන" යටතේ නව ආයෝජකයන් සඳහා කර්මාන්ත අමාත්‍යාංශය විසින් පවත්වාගෙන යනු ලබන කර්මාන්තපුරයන්හි ඉඩම් ප්‍රදානය කිරීම පසුගිය 31 වනදා කොළඹ බණ්ඩාරනායක අනුස්මරණ ජාත්‍යන්තර සම්මන්ත්‍රණ පරිශ්‍රයේ ඕකිඩ් ශාලාව තුළ නිරෝධායන නීතිරීතිවලට අනුකූලව කර්මාන්ත අමාත්‍ය විමල් වීරවංශ මහතාගේ ප්‍රධානත්වයෙන් සිදු කෙරිණි.

ශ්‍රී ලංකාවේ කර්මාන්ත අමාත්‍යාංශය මගින් දිගුකාලීනව සිදු කරන ලබන වැඩසටහන් අතර ප්‍රධානතම වැඩසටහනක් ලෙස ප්‍රාදේශීයව කර්මාන්තපුර පිහිටුවීම හා සංවර්ධනය කිරීම ද වේ. නාගරික ප්‍රදේශවලට පමණක් සීමා වූ කර්මාන්ත සංවර්ධනය ප්‍රාදේශීය මට්ටමට ව්‍යාප්ත කිරීමත් ප්‍රදේශයේ සම්පත්වලින් අගය එකතු කළ නිෂ්පාදනයන් සහිත කර්මාන්ත ප්‍රාදේශීය මට්ටම වෙත ව්‍යාප්ත කිරීමත් ග්‍රාමීය සේවා නියුක්තිය ඉහළ වැටුප් සහිතව සංවර්ධනය කිරීමත් දේශීය ආර්ථිකය ගෝලීය වශයෙන් ඉහළ තරගකාරී මට්ටමකට ගෙන ඒමත් සහ ප්‍රාදේශීය යටිතල පහසුකම් සංවර්ධනය කිරීමත් මෙම වැඩසටහනේ මූලික අරමුණ වේ.

ඒ යටතේ මෙම අමාත්‍යාංශය විසින් ජලය, විදුලිය, මාර්ග පහසුකම් හා සියලු යටිතල පහසුකම් සහිතව කර්මාන්තපුර 32ක් සංවර්ධනය කර ඇත. ඒ සඳහා ශ්‍රී ලංකා රජය මේ දක්වා රුපියල් මිලියන 4517ක් පමණ වැය කර ඇත. එම කර්මාන්තපුරයන්හි කර්මාන්ත සඳහා පෞද්ගලික ආයෝජකයන් විසින් කරනු ලැබ ඇති ආයෝජනවල වටිනාකම රුපියල් මිලියන 36500ක් පමණ වේ. ඒ තුළ ඇඟලුම්, පොලිතින් ආශ්‍රිත නිෂ්පාදන, ප්ලාස්ටික් ප්‍රතිචක්‍රීකරණය, සිමෙන්ති ආශ්‍රිත නිෂ්පාදන, ආහාර සැකසුම්, කිරි ආශ්‍රිත නිෂ්පාදන, කාබනික ආහාර නිෂ්පාදන, ඉවතලන රබර් ප්‍රතිචක්‍රීකරණය ආදී කර්මාන්ත රැසක් ආරම්භ කර ඇත. 2019 වසරේ දී එකී කර්මාන්තපුර තුළ නිෂ්පාදිත භාණ්ඩ මගින් ශ්‍රී ලංකාව ඉපයූ සෘජු හා වක්‍ර අපනයන ආදායම ඇමරිකන් ඩොලර් මිලියන 84ක් පමණ විය.

ගෝඨාභය රාජපක්ෂ ජනාධිපතිවරයාගේ සෞභාග්‍යයේ දැක්ම ප්‍රතිපත්ති ප්‍රකාශය අනුව යමින් කර්මාන්ත අමාත්‍ය විමල් වීරවංශ මහතාගේ මෙහෙයවීමෙන් ජාතික ආර්ථිකය ශක්තිමත් කිරීම වෙනුවෙන් නව ආයෝජන අවස්ථා සඳහා ඉඩ ප්‍රස්ථා විවර කරමින් 2020 අගෝස්තු මස සිට මේ දක්වා කාලය තුළ නව ආයෝජන සඳහා කර්මාන්තපුර තුළ ඉඩම් කොටස් 57ක ප්‍රමාණයක් වෙන් කර ඇත. එහි දී රුපියල් මිලියන 570ක් ආයෝජනය කරමින් නව රැකියා අවස්ථා පන්දාහක් පමණ නිර්මාණය කර ඇත.

නව ආයෝජකයන් සඳහා කර්මාන්තපුරයන්හි ඉඩම් ප්‍රදානය කිරීම සංකේතවත් කරමින් නව ආයෝජකයන් විසි දෙනෙකු සඳහා ඉඩම් කොටස් වෙන් කිරීමේ ලිපි ප්‍රදානය කිරීම මෙහිදී සිදු කෙරිණි. මෙම අවස්ථාවට කර්මාන්ත අමාත්‍යාංශයේ ලේකම් අනූෂ පැල්පිට මහතා ඇතුළු නිලධාරීහු පිරිසක් ද එක්ව සිටියහ.

Pin It

සබැඳි පුවත්

කොවිඩ් පාලනයට සංචරණ සිමා පැනවේ
කොවිඩ් පාලනයට සංචරණ සිමා පැනවේ මැයි 13 වනදා සිට මැයි 31 වනදා දක්වා සෑම දිනකම රාත්‍රී 11 සිට පසුදා අලුයම 4 දක්වා රට පුරා සංචරණ සීමා පැනවීමට කටයුතු කර තිබෙන බව යුධ හමුදාපති ශවේන්ද්‍ර සිල්වා මහත...
කොතලාවල ආරක්‍ෂක පීඨ පනත මගින් අධ්‍යාපනය මිලිටරිකරණයත් සිදුවනවා - සමාජවාදී ශිෂ්‍ය සංගමය
කොතලාවල ආරක්‍ෂක පීඨ පනත මගින් අධ්‍යාපනය මිලිටරිකරණයත් සිදුවනවා - සමාජවාදී ශිෂ්‍ය සංගමය රනිල්, මෛත්‍රී හවුල් ආණ්ඩුව ජෙනාරාල් ශ්‍රීමත් ජෝන් කොතලාවල ජාතික ආරක්‍ෂක විශ්වවිද්‍යාලය නමින් පාර්ලිමේන්තුවට ඉදිරිපත් කර තිබෙන පනත් කෙටුම්පත එහි අකුරක්වත් වෙනස්...
කාබනික පොහොර භාවිත කරන්නේ නිරෝගීමත් අනාගත පරපුරක් වෙනුවෙන් බව ජනපති කියයි
කාබනික පොහොර භාවිත කරන්නේ නිරෝගීමත් අනාගත පරපුරක් වෙනුවෙන් බව ජනපති කියයි කාබනික පොහොර භාවිතයට එළැඹීම නිරෝගීමත් අනාගත පරපුරක් වෙනුවෙන් බව ජනාධිපති ගෝඨාභය රාජපක්ෂ මහතා පවසයි. ජනාධිපතිවරයා මේ බව පැවසුවේ “දේශගුණික විපර්යාසයන්ට තිරසර ව...
අසාධ්‍ය රෝගීන්ට අවශ්‍ය ඔක්සිජන් සැපයුම් උපකරණ කඩිනමින් රෝහල්වලට - ඇමැති පවිත්‍රා
අසාධ්‍ය රෝගීන්ට අවශ්‍ය ඔක්සිජන් සැපයුම් උපකරණ කඩිනමින් රෝහල්වලට - ඇමැති පවිත්‍රා කොව්ඩ් රෝගය වැළදෙන රෝගීන් අසාධ්‍ය තත්ත්වයට පත්වන විට භාවිතා කරන හයිෆ්ලෝ Hiflow මැෂින් ගෙන්වීමට මේ වන විට ඇනවුම් කර ඇති බව සෞඛ්‍ය අමාත්‍ය පවිත්‍රා වන්නිආරච්...
සෞඛ්‍ය අංශයේ දිමනා වැඩි කරන්න .. රටම ලොක්ඩවුන් කර ජිවිත ආරක්ෂා කරන්න - වජිර අබේවර්ධන
සෞඛ්‍ය අංශයේ දිමනා වැඩි කරන්න .. රටම ලොක්ඩවුන් කර ජිවිත ආරක්ෂා කරන්න - වජිර අබේවර්ධන සෞඛ්‍ය ක්ෂේත්‍රෙය් සිටින අයට මේ අවදානම් දීමනාව ලබ දී රට වහාම සම්පූර්ණයෙන්ම සති කිහිපයනට ලොක්ඩවුන් කරලා මහජන ජීවිත ආරක්ෂා කරන ලෙස එක්සත් ජාතික පක්ෂ සභාපති හිටපු ...
ග්‍රාම නිලධාරි වසම් 13 ක් හුදෙකලා කෙරේ
ග්‍රාම නිලධාරි වසම් 13 ක් හුදෙකලා කෙරේ කොළඹ, ගම්පහ, ගාල්ල, රත්නපුර, හම්බන්තොට සහ කෑගල්ල යන දිස්ත්‍රික්කවල ග්‍රාම නිලධාරි වසම් 13 ක් අද (12) උදැසන 7.30 සිට හුදෙකලා කර ඇති බව යුද හමුදාපති ජෙනරාල් ශවේන්...

Print   Email