පාසල් සිසුන්ගේ මෙන්ම ගුරුවරුවන්ගේ පැමිණිම සතුටුදායක බව අධ්‍යාපන ලේකම් කියයි

තෙවන පාසල් වාරය වෙනුවෙන් අද ආරම්භ කළ 6-13 ශ්‍රේණි සිසුන්ගේ සහ ගුරුවරුන්ගේ පැමිණීම සතුටුදායක මට්ටමක පවතින බව අධ්‍යාපන ලේකම් මහාචාර්ය කපිල පෙරේරා මහතා පවසයි.

එක් පළාත්වල සිසුන්ගේ පැමිණීමේ ප්‍රතිශතය සහ ගුරුවරුන්ගේ පැමිණීමේ ප්‍රතිශතය සම්බන්ධයෙන් පළාත් අධ්‍යාපන බලධාරීන් වෙතින් ලබාගත් තොරතුරු අනුව, අනාවරණය වී ඇත්තේ, වයඹ පළාතේ සිසුන් 35%ක් සහ ගුරුවරුන් 85%ක් ද, දකුණු පළාතේ සිසුන් 15%ක් සහ ගුරුවරුන් 80%ක් ද, සබරගමුවේ සිසුන් 55%ක් සහ ගුරුවරුන් 86%ක්ද, උතුරුමැද පළාතේ සිසුන් 305ක් සහ ගුරුවරුන් 80%ක් ද, මධ්‍යම පළාතේ සිසුන් 40%ක් සහ ගුරුවරුන් 80%ක් ද, උතුරු පළාතේ සිසුන් 47%ක් සහ ගුරුවරුන් 75%ක් ද, නැගෙනහිර පළාතේ සිසුන් 28%ක් සහ ගුරුවරුන් 80%ක් ද, ඌව පළාතේ සිසුන් 30%ක් සහ ගුරුවරුන් 80%ක් ද පැමිණ ඇති බවයි.

බස්නාහිර පළාතේ සහ හුදකලා කරන ලද පොලිස් වසම් තුළ පිහිටි පාසල් මෙන් ම, නැගෙනහිර (පාසල් 16ක්), උතුරුමැද (පාසල් 14ක්) ,වයඹ (පාසල් 48ක්) , මධ්‍යම (පාසල් 14ක්), සබරගමුව (පාසල් 12ක්) සහ දකුණු පළාතේ (පාසල් 1ක්) ඇතැම් පාසල් සෞඛ්‍ය නිර්දේශ නොලැබීම හේතුවෙන් අද සිට විවෘත නොකෙරිණි.

ලැබී ඇති තොරතුරු අනුව පෙනී යන්නේ, දුරස්ථ, මාර්ගගත, රූපවාහිනී, ගුවන්විදුලි හෝ වෙනත් ඉගෙනුම් පහසුකම් දුෂ්කර මට්ටමක පවත්නා ග්‍රාමීය ප්‍රදේශවල පිහිටි පාසල්වල දරුවන්ගේ පැමිණීම 75%ත් 80%ත් අතර පැවති බව සහ ජනතා බදුමුදලින් තමන් ලබාගන්නා වේතනයට සාධාරණය ඉටුකරමින් කැපවීම්සහගත සේවා දායකත්වය පෙන්වාදෙමින් ගුරුවරුන් තම රාජකාරිය සඳහා වාර්තාකිරීම ඉතා ඉහළ මට්ටමක පවත්නා බව යැයි අධ්‍යාපන ලේකම්වරයා පැවසීය.

රට තුළ පවත්නා කොවිඩ් වසංගත තත්වය මොහොතින් මොහොත වෙනස්වන පසුබිමක සියලු පාසල් සම්බන්ධයෙන් පොදු තීරණයක් ක්‍රියාවට නැංවීමේ ප්‍රායෝගික අපහසුව හොඳින් අවබෝධ කරගනිමින් දෙමව්පියන්, විදුහල්පතිවරුන්, පාසල් සංවර්ධන සමිති, ආදිසිසුන්, ඇතුළු සමස්ත පාසල් ප්‍රජාව විසින් වඩාත් සුදුසු පරිදි පාසල් පවත්වාගෙන යාම සම්බන්ධ තීරණ ගත යුතු බවද, අද සිට පාසල් ආරම්භ කිරීමේ ක්‍රියාවලිය තුළ ඒ වෙනුවෙන් පූර්ණ දායකත්වය සහ සහයෝගය ලබාදුන් ආරක්ෂක, සෞඛ්‍ය සහ ප්‍රවාහන අංශවල සියලු නිලධාරීන්ට ද, පළාත්, කලාප, කොට්ඨාස අධ්‍යාපන බලධාරීන්ට ද සියලු විදුහල්පතිවරුන් සහ ගුරුභවතුන්ට ද කෘතවේදී ස්තුතිය පළ කරන බව අධ්‍යාපන ලේකම්වරයා වැඩිදුරටත් පැවසිය.

 

 

Pin It

සබැඳි පුවත්

අද දිනට කොරෝනා ආසාදිතයින් 873 ක්
අද දිනට කොරෝනා ආසාදිතයින් 873 ක් කොරෝනා ආසාදිතයින් 873 ක් අද දින වාර්තා වු බව රජයේ ප්‍රවෘත්ති දෙපාර්තමේන්තුව නිවේදනය කරයි. ඒ අනුව මේ දක්වා වාර්තා වු සමස්ත කොරෝනා ආසාදිතයින් සංඛ්‍යාව 55,526 ක...
දුප්පත්කම නැති කරන්න සමෘද්ධිය බැහැලාම වැඩ කල යුතුයි - බැසිල් රාජපක්ෂ
දුප්පත්කම නැති කරන්න සමෘද්ධිය බැහැලාම වැඩ කල යුතුයි - බැසිල් රාජපක්ෂ දරිද්‍රතාවයෙන් පෙළෙන ග්‍රාමීය ජනතාවගේ ජීවන තත්ත්වය උසස් කිරීම සඳහා සමෘද්ධි නිලධාරීන් සෑම අංශයකින්ම මූලිකත්වය ගෙන කටයුතු කළ යුතු බව ආර්ථික පුනර්ජීවනය හා දරිද්‍රත...
ජාතික අක්ෂි රෝහලේ අක්ෂි සායන සදහා විශේෂ දුරකථන සේවාවක්
ජාතික අක්ෂි රෝහලේ අක්ෂි සායන සදහා විශේෂ දුරකථන සේවාවක් රටේ පවතින තත්ත්වය මත ජාතික අක්ෂි රෝහලේ සායන සදහා පැමිණීමට ප්‍රථම සායනයට දුරකථන ඇමතුමක් ලබා දී දිනයක් සහ වේලාවක් වෙන්කරවා ගෙන පැමිණෙන ලෙස ජාතික අක්ෂි රෝහලේ අධ්‍ය...
සෞඛ්‍ය අමාත්‍යංශයෙත් කොවිඩ් පොකුරක්
සෞඛ්‍ය අමාත්‍යංශයෙත් කොවිඩ් පොකුරක් සෞඛ්‍ය අමාත්‍යංශයේ මේ වන විට කොරෝනා ආසාදිතයින් 08 දෙනෙකු හඳුනා ගෙන තිබේ. සෞඛ්‍ය අමාත්‍යංශය කියා සිටියේ දින 04 ක පමණ කාලයක සිට අදාළ ආසාදිතයින් හදුනාගැනීම් සිද...
අපි නෑ ඕවට එජාපයෙන් නිවේදනයක්
අපි නෑ ඕවට එජාපයෙන් නිවේදනයක් නැගෙනහිර බහාලුම් පර්යන්තය හෝ කොළඹ වරායේ කිසිදු කොටසක් ඉන්දියාවට, ජපානයට හෝ වෙනත් රටකට විකිණීම සඳහා 2019 රජය කිසිදු ගිවිසුමකට එළඹ නැති බව එක්සත් ජාතික පක්ෂය පවසය...
වංචාවක් කියලා දැනගත්තාහම හිරිකිතයි - ඇමැති චන්ද්‍රසේන කියයි
වංචාවක් කියලා දැනගත්තාහම හිරිකිතයි - ඇමැති චන්ද්‍රසේන කියයි ඉඩම් අමාත්‍යාංශය භාර ගත්තට පස්සේ දැන ගන්න ලැබුණේ දූෂණ වංචා පිළිබඳව බලනකොට අපට ඇත්තටම හිරිකිත හිතෙන බව ඉඩම් අමාත්‍ය එස්.එම්.චන්ද්‍රසේන මහතා පවසයි. ඒ මහතා ඊයේ ...

Print   Email