පාස්කු ප්‍රහාරය නොවැලැක්කු වු අය අද පරික්ෂණ ප්‍රමාදයි කියනවා - ජනමාධ්‍ය ඇමැති කෙහෙලිය කියයි

පාස්කු ප්‍රහාරය වලක්වා ගැනීමට නියත වශයෙන්ම අවස්ථාව තිබියදී වගකීම් පැහැර හැර විශාල ඛේදවාචකයක් ඇතිවන තෙක් දෑස් පියාගෙන සිටි උදවිය අද ඒ සම්බන්ධව පරීක්ෂණ ප්‍රමාද වීම ගැන ප්‍රශ්න කිරීම හාස්‍යයට කරුණක් මෙන්ම කතෝලික ජනතාවට කරන බරපතළ අපහාසයක් බවද ජනමාධ්‍ය අමාත්‍ය කැබිනට් ප්‍රකාශක ආචාර්ය කෙහෙලිය රඹුක්වැල්ල මහතා පවසයි.

අමාත්‍යවරයා මේ බව පැවසුවේ ඊයේ (07) මහනුවර සිරිමල්වත්ත බහුකාර්ය ගොඩනැගිල්ල විවෘත කිරීමෙන් අනතුරුව මාධ්‍ය හමුවේ අදහස් දක්වමිනි.

කුණ්ඩසාලේ ප්‍රාදේශීය සභාව මගින් මේ සඳහා රුපියල් ලක්ෂ 18 ක මුදලක් වැයකර තිබිණි.

ග්‍රාම නිලධාරි වසම් 80 කින් සමන්විත කුණ්ඩසාල මැතිවරණ කොට්ඨාසයේ මේ වෙන විට සේවා පියස හා බහු කාර්ය ගොඩනැගිලි 65 ක් ඉදිකර ඇති අතර ඉන් 60 ,ක් 2015 වන විට ඉදිකර අවසන්ව තිබිණ.

වත්මන් රජය බලයට පත්වීමෙන් පසු තවත් සේවා පියස හා බහුකාර්ය ගොඩනැගිලි පහක වැඩ අවසන් කර ඇත.

පාස්කු ප්‍රහාරය පිළිබඳ ජනාධිපති කොමිෂන් වාර්තාව සම්බන්ධයෙන් පාර්ලිමේන්තු විවාදයකට දින වෙන්කර තිබෙන අතර ඒ සම්බන්ධ නීතිමය කටයුතු සිදු කිරීමට අදාළ ලිපි ගොනු නීතිපතිවරයාට යොමු කර තිබෙන බවද අමාත්‍යවරයා පැවසිය.

මෙයට වසර දෙකකට පෙර පාස්කු ප්‍රහාරය වැළැක්වීමට හැකියාව තිබුණේ එවක පැවති රජයට බවත් කරුණු කාරණා දෙස බැලීමේදී එය නියත වශයෙන්ම වළක්වා ගැනීමට හැකිව තිබුණු බවත් අමාත්‍යවරයා පැවසීය.

ඇතැම් අපරාධ පොලිසිය ඇතුළු ආරක්ෂක අංශ විසින් දවසින් දෙකින් සොයාගන්නා බවද එහෙත් ඇතැම් අපරාධ වසර දෙක, තුන, හතර යන තත්ත්වයෙන්, සංකීර්ණ මට්ටමේ ඒවා බවද හෙතෙම කීය.
කොමිෂන් සභාව පත් කරනු ලැබුවේ වත්මන් රජය නොවන බවත් කොමිසන් සභා වාර්තාව පැමිණි පසු අද එහි ගුණ -අගුණ, සුබ -අසුබ සාකච්ඡාවට ගත හැකි බවත් අමාත්‍ය රඹුක්වැල්ල මහතා මෙහිදී කීය.

මෙම ප්‍රහාරය එල්ල වූ අවස්ථාවේ එහි වගකීම් භාර නොගෙන ඒ පිළිබඳ හිනාවේවි බොහොම සැහැල්ලුවෙන් සාකච්ඡා පැවැත්වූ රාජ්‍ය නායකයින් එවක හැසිරුණු ආකාරය තමන් දුටුවේ කතෝලික ජනතාවට කරන අපහාසයක් ලෙසින් බවද ඒ මහතා පැවසුවේය. ප්‍රජාතන්ත්‍රවාදයට අනුව කළු ඉරිදාවක් ප්‍රකාශයට පත් කිරීම ගැටලුවක් නොවන නමුත් මෙම ප්‍රහාරය පසුපස ඇති කරුණු විශ්ලේෂණය කර ගැනීමද ඉතා වැදගත් බවත් ප්‍රහාරය වලක්වා ගැනීමට කටයුතු නොකළ උදවිය අද මේ පසුපස සිටිමින් රජයට ඇඟිල්ල දිගු කිරීම හාස්‍යයට කරුණක් බවත් හෙතෙම ප්‍රකාශ කළේය.
පාස්කු ප්‍රහාරයට අදාළ ජනපති කොමිසන් වාර්තාව නිකුත්ව තිබුණත් ඒ සම්බන්ධ ඉදිරි පරීක්ෂණ අඛණ්ඩව සිදුකරමින් පවතින බවත් මෙම ප්‍රහාරය පසුපස සිට සැළසුම් කළ අය නීතිය හමුවට ගෙන ඒමට බුද්ධි අංශ ඇතුළු සියලු කණ්ඩායම් ක්‍රියාත්මක බවත් ඇමැතිවරයා පැවසුවේය.

පාස්කු ප්‍රහාරය සම්බන්ධයෙන් සමගි ජනබලවේගයේ පාර්ලිමේන්තු මන්ත්‍රී අශෝක් අබේසිංහ මහතා ජනපති ගෝඨාභය රාජපක්ෂ මහතාට සහ ඇවන්ගාඩ් අධිපති නිශ්ශංක සේනාධිපති මහතාට ඇඟිල්ල දිගු කරනු වෙනුවට තැන තැන මේ ගැන නොකියා කරුණු ඇත්නම් වාහාම ඔහු කළ යුත්තේ අපරාධ පරීක්ෂණ දෙපාර්තුමේන්තුවට හා නීතිය හා සාමය බාරව සිටින කණ්ඩායම් වලට එම තොරතුරු ලබාදීම බවත් කී රඹුක්වැල්ල මහතා එය අසත්‍යයක් නම් එයින් ඉස්මතු වන්නේ ඔවුන්ගේ දේශපාලන වටාපිටාවේ පවතින කුහකත්වය මිස වෙනත් කරුනක් නොවන බවද අවධාරණය කළේය.

 

Pin It

සබැඳි පුවත්

අධිවේගි මාර්ගයේ ගිය අපරික්ෂාකාරිව ගිය තරුණයින් අත්අඩංගුවට
අධිවේගි මාර්ගයේ ගිය අපරික්ෂාකාරිව ගිය තරුණයින් අත්අඩංගුවට පසුගිය සෙනසුරාදා අපරික්ෂාකාරීව අධිවේගී මාර්ගයේ රථයක ගමන් කල සිව්දෙනා අද (13) අත්අඩංගුවට ගෙන ඇති බව පොලිසිය පවසයි. පොලිස් මාධ්‍ය ප්‍රකාශක අජිත් රෝහණ මහතා ප්‍ර...
ගෝඨාට නහයේ දුරවත් පෙන්නේ නෑ - ජවිපෙ අනුර කියයි
ගෝඨාට නහයේ දුරවත් පෙන්නේ නෑ - ජවිපෙ අනුර කියයි වත්මන් පාලකයෝ රට පිළිබඳව හෝ ආර්ථිකය පිළිබඳව හෝ ජනතාවගේ අමාරුකම් පිළිබඳව කිසිදු දැක්මක් නැති අය බව ජනතා විමුක්ති පෙරමුණ පවසයි. අද (12) එම පක්ෂයේ ප්‍රධාන කාර්ය...
අපරික්ෂාකාරීව අධිවේගී මාර්ගයේ ගමන් කරන අයට විරුද්ධව නීතිය ක්‍රියාත්මක කරන්න - ඇමැති ජොන්ස්ටන්
අපරික්ෂාකාරීව අධිවේගී මාර්ගයේ ගමන් කරන අයට විරුද්ධව නීතිය ක්‍රියාත්මක කරන්න - ඇමැති ජොන්ස්ටන් සමාජ ජාලාවල මේ වන විට සංසරණය වන දක්ෂිණ අධිවේගී මාර්ගයේ කඩවත සිට මාතර දක්වා කොටසේ අපරීක්ෂාකාරීව අධික වේගයෙන් කාර් රථයේ දොර කවුලු වල හිදගෙන තරුණයන් පිරිසක් රිය පද...
මෙරට නිෂ්පාදිත ගිනිඅවියක් සමඟ මුතූර්වලදී අයෙකු අත්අඩංගුවට
මෙරට නිෂ්පාදිත ගිනිඅවියක් සමඟ මුතූර්වලදී අයෙකු අත්අඩංගුවට මෙරට නිෂ්පාදිත ගිනි අවියක් සමඟ සේරුනුවරදි පුද්ගලයෙකු ඊයේ (10) පොලිස් විශේෂ කාර්ය බලකාය විසින් අත්අඩංගුවට ගෙන ඇත. එම අත්අඩංගුවට ගත් සැකකරු වැඩිදුර විමර්ශනය සඳ...
තුත්ඉරි ගහක්වත් හිටවපු නැති මිනිස්සු අද පරිසරය ගැන කතා කරනවා- පානදුර ප්‍රාදේශීය සභාවේ සභාපති හේමන්ත
තුත්ඉරි ගහක්වත් හිටවපු නැති මිනිස්සු අද පරිසරය ගැන කතා කරනවා- පානදුර ප්‍රාදේශීය සභාවේ සභාපති හේමන්ත තුත්ඉරි ගහක්වත් හිටවපු නැති මිනිස්සු අද පරිසරය ගැන කතා කරන බව පානදුර ප්‍රාදේශීය සභාවේ සභාපති ඩබ්. හේමන්ත ප්‍රනාන්දු මහතා පවසයි. සභාපතිවරයා මේ බව පැවසුවේ පිබි...
දියවන්නාවේ ජලය අපවිත්‍රවීම ගැන වහාම පරිසර වාර්තාවක් ඕනෑ බව ඇමැති අමරවීර කියයි
දියවන්නාවේ ජලය අපවිත්‍රවීම ගැන වහාම පරිසර වාර්තාවක් ඕනෑ බව ඇමැති අමරවීර කියයි පාර්ලිමේන්තුව අවට පිහිටි දියවන්නාවේ මෙන්ම බත්තරමුල්ල පාළම් තුන අවට පිහිටි තෙත්බිමේ ද ජලය අවපැහැගැන්වීම සම්බන්ධව වහාම තමන්ට පරිසර වාර්තාවක් ලබා දෙන්නැයි පරිසර අම...

Print   Email