මීලඟ වොලිබොල් සභාපති වෙන්න ආණ්වුවේම සිව් දෙනෙක් කැමැත්තෙන්

අප්‍රේල් මස 04 දිනට යෙදී ඇති මීලග වොලිබෝල් නිලවරණයේ සභාපතිධූරය වෙනුවෙන් ආණ්ඩු බලය සහිත සිවු දෙනෙක් බලාපොරොත්තුවෙන් පසුවන බව වාර්තා වේ.

ඒ් අනුව වත්මන් වොලිබෝල් සභාපති සහ නියෝජ්‍ය කථානායක අමාත්‍ය රංජිත් සියඹලාපිටිය, සබරගමුව පළාත් සභාවේ සභාපති කංචන ජයරත්න, රාජ්‍ය අමාත්‍යවරුන් වන ආචාර්ය නාලක ගොඩහේවා සහ ඩී.වී චානක යන සිව් දෙනාගේ නම් සභාපතිධූරය සදහා සුදානම් වන්නන් ලෙස කියැවේ.

මේ අතරින් රංජිත් සියඹලාපිටිය සහ කංචන ජයරත්න වොලිබෝල් ක්‍රීඩාවේ නැයැළුණු අය වන අතර, ඒ් අනුව සභාපතිධූරයට තරග වැදීම පිණිස ක්‍රීඩා පනතින් ඔවුනට අවහිරයක් නැත.

කංචන ජයරත්න පාසල් අවධියේ දී සිටම වොලිබෝල්, ක්‍රිකට්, පාපන්දු, මළල ක්‍රීඩා, හා බේස්බෝල් යන ක්‍රීඩා රැසක නිරත වෙමින් සමස්ථ ලංකා ජයග්‍රහනයන් ලබා ඇති කණ්ඩායම් නියෝජනය කල ක්‍රිඩකයෙකි. එසේම ටයිකොන්ඩෝ සහ කුන්ෆු ආත්මාරක්ෂක ක්‍රීඩාවන්හි ද පුහුණුව ලබා එම ක්‍රීඩාවන්හි ජාතික ශූරතා තරග වලට සහභාගී වී ජයග්‍රහනයන් ලබා ඇත. ලංකා වොලිබෝල් සම්මේලනයේ උප සභාපතිවරයා ලෙස 2009 වසරේ දී පත් වූ ඒ මහතා රත්නපුර දිස්ත්‍රික් වොලිබෝල් සංගමයේ සභාපති, ආබාධිතවූවන්ගේ (අපහසුතාවන්ගෙන් පෙළෙන) ශ්‍රී ලංකා වොලිබෝල් සංගමයේ සභාපති, මේ වන විට ශ්‍රී ලංකා ටයිකොන්ඩෝ සම්මේලනයේ සභාපතිධූරය, රත්නපුර දිස්ත්‍රික් ටයිකොණ්ඩෝ සම්මේලයේ සභාපති, රත්නපුර දිස්ත්‍රික් ක්‍රිකට් සංගමයේ උප සභාපති, ප්‍රවීණයින්ගේ පාපන්දු සංගමයේ සභාපති සහ රත්නපුර පාපන්දු ලීගයේ සභාපතිවරයා වශයෙන් ක්‍රීඩා ක්ෂේත්‍රයේ උන්නතිය උදෙසා කැපවී කටයුතු කරන පුද්ගලයෙකු වේ.

නමුත් ක්‍රීඩා පනත, එහි සංශෝධන හා ඊට අදාල රෙගුලාසි යටතේ ජාතික සංගමයක භාණ්ඩාගාරික තනතුරු හැරුණු විට සෙසු ප්‍රධාන තනතුරු වලට ඉදිරිපත්වීමට නම් අදාල ක්‍රීඩාවේ යෙදුන අයෙකු වීමේ අවශ්‍යතාවය අනුව ආචාර්ය නාලක ගොඩහේවා සහ ඩී.වී චානක යන දෙදෙනාට සභාපතිධූරය සදහා තරග වැදීම පිණිස නීතිමය අවහිරයක් වේ.

ඒසේ වුවද ජාතික සංගමයක සභාපතිධූරයට තරග වැදිමේ දී එම අවශ්‍යතාව අදාල නොවන පරිදි අවසරයක් ලබාදීමට ක්‍රීඩා අමාත්‍යවරයාගේ අවධානය යොමුව ඇතිය යන පදනමේ සිට එම දෙදෙනා සභාපතිධූරය සදහා තරඟ වැදීමට සැරසෙන බැව් පැවැසේ.

වොලිබෝල් නිලවරණය සදහා නාමයෝජනා බාර ගැනීම පෙබරවාරි මස 15 දා අවසන්වීමට නියමිතව ඇති බැවින් සභාපතිධූරය සදහා තරගවැදීම සදහා වන එකී අවහිරතාව ඉවත් කරමින් ක්‍රීඩා පනතේ රෙගුලාසියක් සංශෝධනය කිරීම පිණිස ප්‍රමාණවත් තරම් කාලයක් ඉතිරිව තිබේද යන පැනය ද ඒ සමග මතුවේ.

 

Pin It

සබැඳි පුවත්

එක දවසක් ඇවිදිමු - ඇමැති නාමල් Family Run Saturday
එක දවසක් ඇවිදිමු - ඇමැති නාමල් Family Run Saturday තරුණ හා ක්‍රීඩා අමාත්‍යාංශය සහ ලංකා ස්පෝට්ස් රයිසන්ස් (LSR) එක්ව සංවිධානය කරනු ලබන මෙම "Family Run Saturday" වැඩසටහන තරුණ හා ක්‍රීඩා අමාත්‍ය නාමල් රාජපක්ෂ මහතාග...
ශ්‍රී ලංකා වොලිබෝල් සම්මේලනයේ සභාපති ධුරය කංචන ජයරත්නට හිමිවෙයි
ශ්‍රී ලංකා වොලිබෝල් සම්මේලනයේ සභාපති ධුරය කංචන ජයරත්නට හිමිවෙයි ශ්‍රී ලංකා වොලිබෝල් සම්මේලනයේ 17 වැනි සභාපතිවරයා ලෙස කංචන ජයරත්න මහතා ඊයේ (04) නිතරඟයෙන් තේරී පත්විය. මෙරට ජාතික ක්‍රීඩාව වන වොලිබෝල් ක්‍රීඩාව නඟා සිටුවීමටත්...
මැරතන් / තරග ඇවිදීම සහ පාපැදි තරගාවලිය සාර්ථකව නිමා වෙයි
මැරතන් / තරග ඇවිදීම සහ පාපැදි තරගාවලිය සාර්ථකව නිමා වෙයි 46 වන ජාතික මහා ක්‍රීඩා උළෙලට - (2020) සමඟාමීව කතරගම නගරය කේන්ද්‍ර කරගනිමින් පැවති මැරතන්, තරග ඇවිදීම සහ පාපැදි තරග ඉතා සාර්ථකව නිමාවට පත් වු බව ක්‍රිඩා අමාත්‍ය...
ක්‍රිඩාවේදී ජාත්‍යන්තර මට්ටමට යන්න සිහිතබාගත යුතුයි - ක්‍රිඩා ඇමැති කියයි
ක්‍රිඩාවේදී ජාත්‍යන්තර මට්ටමට යන්න සිහිතබාගත යුතුයි - ක්‍රිඩා ඇමැති කියයි අප ක්‍රිඩා කරන අවස්ථාවේදී ජාතික මට්ටම පමණක් නොසිතිය යුතු අතර එය ජාත්‍යන්තර මට්ටම තෙක් සිතා කටයුතු කල යුතු බව ක්‍රිඩා අමාත්‍ය නාමල් රාජපක්ෂ මහතා පවසයි. අමාතයව...
සංචාරක ව්‍යාපාරය සමඟ එක්ව රටේ ක්‍රීඩා අර්ථිකය ශක්තිමක් කරනවා - ඇමැති නාමල්
සංචාරක ව්‍යාපාරය සමඟ එක්ව රටේ ක්‍රීඩා අර්ථිකය ශක්තිමක් කරනවා - ඇමැති නාමල් එල්.පී.එල්. වැනි සංචාරක ව්‍යාපාරය සමඟ බද්ධ වූ තරගාවලි කිහිපයක් පවත්වා ක්‍රීඩා ආර්ථිකය ශක්තිමත් කිරීමට කටයුතු කරන බව තරුණ හා ක්‍රීඩා අමාත්‍ය නාමල් රාජපක්ෂ මහතා ප...
ටයිකොන්ඩෝ ක්‍රීඩාවෙන් මෙරටට ගෞරවය ලබාදුන් ක්‍රීඩක ක්‍රීඩිකාවන් ඇගයීම් උත්සවය හෙටයි
ටයිකොන්ඩෝ ක්‍රීඩාවෙන් මෙරටට ගෞරවය ලබාදුන් ක්‍රීඩක ක්‍රීඩිකාවන් ඇගයීම් උත්සවය හෙටයි 13 වන දකුණු ආසියාතික තරඟාවලියේ ටයිකොන්ඩෝ ක්‍රීඩාවෙන් ශ්‍රී ලංකාවට ගෞරවය ලබාදුන් ක්‍රීඩක ක්‍රීඩිකාවන්ගේ දක්ෂතා ඇගයීම හෙට (26) පස්වරුවේ තලවතුගොඩ “ග්‍රෑන්ඩ් මොනාක්...

Print   Email