ගං වතුරෙන් විපතට පත් දරුවන්ට රාජ්‍ය අමාත්‍ය දුමින්ද අධ්‍යාපන උපකරණ ලබා දෙයි

ගංවතුරින් විපතට පත් අනුරාධපුර දිස්ත්‍රික්කයේ පාසල් සිසුන්ට තරුණ කටයුතු රාජ්‍ය අමාත්‍ය දුමින්ද දිසානායක මහතාගෙන් නව පාසල් වාරය සදහා අධ්‍යාපනික උපකරණ ලබා දීම අද(07) සිදු කෙරිණි.

මල්ටිලැක් වෙතින් රුහුණු කතරගම ඇසළ පෙරහැර මංගල්‍යයට සම අනුග්‍රාහකත්වය

සංහිඳියාවේ සැබෑ පණිවිඩය ලොවට විදහාපාමින් ඵෙතිහාසික රුහුණු මහා කතරගම දේවාලයේ ඇසළ පෙරහැර මංගල්‍යය ‘‘සුරිඳුනි කතරගම - සුරකිමු සමගි දම’’ තේමාව යටතේ ජූලි 3 වැනිදා සිට 17 වැනිදා දක්වා පැවැත්විය.

බොරුව හෙළිකළොත් අතුලටත් සුදුවෑන් එකේ යන්න වෙයි කියලා රාජිත කියලා...

සුදු වෑන් කිඹුලන් ලෙස මේ වනවිට රට ම දන්නා උණ්ඩියල් අතුල හා ඩග්ලස් විසින් කළ පාපෝච්චාරණ අතීශය ජුගුප්සාජනක හා බියනරු බවත්, ඒ මගින් වත්මන් දේශපාලකයින් කිහිපදෙනෙක් විසින් මෙතෙක් සුදු පිරුවටයේ දවටා රට ට පෙන් වූ විජ්ජා හෙළිකරගැනීමට හැකිව ඇති බවත් ආරක්ෂක අංශයේ අභ්‍යන්තර ආරංචිමාර්ගවලින් දැනගන්නට ලැබෙයි.

"ජනපතිවරණය ට දෙ සතියක ට පෙර රාජිත සේනාරත්න (එවකට ඇමැතිවරයා) ගේ නිවසේ ප්‍රවෘත්ති සාකච්ඡාවක් පැවැත්වුණේ වඩිගපටුන නැටුමකට මෙන් බොරු රැවුල් දමාගත් පුද්ගලයන් දෙදෙනෙක් සමගිනි.. ඇමැතිවරයා මැදි කරගෙන වාඩි වූ ඔවුන් දෙදෙනා හෙළි කළ කතා ඇසූ සමහරු ඇඟේ මයිල් කෙළින් කර ගත්හ. තවත් සමහරු සිනාසුනහ.ඒ ඔවුන්ගේ බිහිසුණු හෙළිදරව්ව විනෝදජනක චිත්‍රපටයකට හොඳ තිරපටයක් වූ බැවිනි." මේ කෙටි උපුටනය මාධ්‍යවේදී සගයෙක් විසින් තබන ලද්දකි. මේ සඳහනින් ම මෙම මාධ්‍ය හමුවේ වූ උගතෝකෝටිකයන් රැසක ට පිළීතුරු ඇතැයි සිතිය හැකි ය.

කෙසේ වෙතත් මේ වන විට එම මාධ්‍ය හමුවේ වගතුග ඔස්සේ යමින් පරීක්ෂණ සිදුකළ ආරක්ෂක අංශ විසින් "සුදු වෑන්" සම්බන්ධ කරුණූ රැසක් සමග අපරාධ කිහිපයක් ද අනාවරණය කරගෙන ඇත්තේ, උණ්ඩියල් අතුල හෙවත් අතුල සංජීව මදනායක හා ඇන්තනි ඩග්ලස් ප්‍රනාන්දු හෙවත් සරත් කුමාර යන දෙදෙනාව ඉකුත් සතියේ කඩවත මහර පාරේ අවන්හලකදී රහස් පොලිසිය විසින් අත්අඩංගුවට ගැනීමත් සමඟ ය. අනතුරුව ඔවුන් පොලිසියට පවසා ඇත්තේ, රාජිත සේනාරත්න ඇමැතිවරයා මේ බොරු කතා කියන්නට තමන්ට සල්ලි දුන් නිසා තමන් ඒ කතා කී බවය.

උණ්ඩියල් අතුල 2014 සිට පසුගිය මාර්තු මාසය දක්වා සිටියේ සිරගතව සිටි අයෙකි. හිරෙන් නිදහස්ව පැමිණි උණ්ඩියල් අතුල ඔහුගේ හොඳම මිතුරා සරත් මාර්ගයෙන් දැරණියගල ප්‍රාදේශීය සභාවේ මන්ත්‍රීවරයකු වන පොල්ගම්පොළ නමැත්තකු හමුවීමට ගොස් තිබේ. ඇමැති රාජිත සේනාරත්න හමුවීමට අතුල ගොස් ඇත්තේ නොවැම්බර් 04 දා ය. ඔවුන් එහි රැගෙන ගිය බව පවසන්නේ එම මන්ත්‍රීවරයා ය. කිඹුල් නාටකයේ පිටපත සැකසෙන්නේ එතැන් සිට ය.

අනතුරුව, සුදු වෑන් භීතිකාව පිළිබඳව මාධ්‍ය සාකච්ඡාව ඇමැති රාජිත සේනාරත්න සමඟ මොවුන් දෙදෙනා බොරු රැවුල් යොදා ගෙන පවත්වන්නේ ඉකුත් නොවැම්බර් 10වන දා ය. මොවුන් ට මේකප් රැවුල් දමන්නේ අයි.ඩී.එච්. ප්‍රදේශයේ පාළු නිවසකදී ය. මේ සියලු කරුණු සමඟ සරත් කුමාර නොහොත් ඩග්ලස් රහස් පොලිසියට පාපොච්චාරණය කර තිබුණේ තමන් උණ්ඩියල් අතුල ද සමඟින් රාජිත ඇමැතිවරයා හමුවූ බව ය.

"...අපි කලින් හමුවූ මොහොතේ රාජිත ​ඇමැතිතුමා අපිට කියන්න අවශ්‍ය තොරතුරු දෙනවා මේක කරන්න පුළුවන්ද කියා ඇහුවා. මෙතැනදි ගාන කතා කළෙත් ඇමැතිතුමයි. අපි දෙන්නා රුපියල් ලක්ෂ තිහක් ඉල්ලුවා. අපිට මුදල් ගෙවීම භාරවුණේ රාජ්‍ය ඖෂධ නීතිගත සංස්ථාවේ සභාපති රූමි මොහමඩ්ට. අපේ ගාන අඩු කරන්න බැරිද කියල රූමි අපෙන් ඇහුවා. මේක මෙතැනින් ඉවර වෙන්නේ නැහැ. අපි ඔයගොල්ලන්ට උදව් කරනවා. ඉන්න ගෙවල් දෙකක් දෙනවා. ඇමරිකාවේ තානාපති කාර්යාලයේ කම්කරු රැකියා දෙකක් ලබාදී පවුල් පිටින් රට යවනවා’’ කියා ඇමැති රාජිත අපිට පොරොන්දු වුණා. අන්තිමේදී රුපියල් ලක්ෂ විස්සට අපි මේකට කැමැති වුණා.’’

අපිට කොළයක මුද්‍රණය කරලා සුදුවෑන් නාටකය ගැන කියන්න කියලා අතට දුන්නා. ඒවා කට පාඩම් කරන අතරේ රූමි මහත්තයා කතා කරලා අපිට නොවැම්බර් 09 දා වාහනයක් එව්වා. ඊට පස්සේ තමයි බොරු රැවුල් කණ්ණාඩි දාගෙන සූදානම් වුණේ. එදාම අපි දෙන්නට රුපියල් ලක්ෂ විස්සක් ගෙනත් දුන්නා." මේ ආකාරය ට ඔවුන් පාපෝච්චාරණය කර ඇතැයි දැනගන්න ට තිබේ.

අපිට ලක්ෂ විස්ස දීලා මේක කෙරෙව්වා. ඊට පස්සේ සුදු වෑන් සිද්ධිය ගැන අපි කරපු බොරුව හෙළි කළොත් අපිවත් සුදු වෑන් එකේ යවන්න වෙන බව ඇමැති රාජිත සේනාරත්න පැවසූ වග සරත් අතුල පොලිසියට පවසා තිබේ. උණ්ඩියල් අතුල රටේම නමගිය අපරාධ රැසකට සම්බන්ධ බව මේ පොලිස් පරීක්ෂණවලදී හෙළිවී තිබේ.

කෙසේ වෙතත්, ආරක්ෂක අංශ මෙන් පෙනී සිටිමින් රටේ අපරාධ රැසක් කළ සුදු වෑන් කල්ලියේ වතගොත හෙළිකරගැනීමට හැකිවන්නේ ඇමැති රාජිත සේනාරත්න ගේ මහා හෙළිදරව්ව හෙවත් සුදු වෑන් කිඹුල් නාඩගම නිසා ය.

* සටහන : ජනිත් විපුලගුණ

බන්ධනාගාර නිලධාරින්ගේ මානසික ආතතිය පාලනයට වැඩසටහනක්

ඉතා සුවිශේෂී මෙන්ම වගකිම් සහගත වෘත්තියක නියලෙන බන්ධනාගාර නිළධාරින් වෙනුවෙන් ඔවුන්ගේ මානසික ආතතිය පාලනය කොට ධනාත්මක ආකල්ප වර්ධනය කිරිම උදෙසා ගාල්ල බන්ධනාගාර අධිකාරි ජගත් චන්දන වීරසිංහ මහතාගේ උපදෙස් හා මගපෙන්වීම යටතේ සංවිධානය කරන ලද විශේෂ වැඩසටහනක් ඊයේ (12) ගාල්ල බන්ධනාගාරයේදී පැවැත්විණි.

වැයිහේන සිරි ගුණරුවන් පෙර පාසලේ 38 වන "මුතු සිනා ප්‍රසංගය පසුගියදා කරලියට

ගාල්ල වැයිහේන සිරි ගුණරුවන් පෙර පාසලේ 38 වන "මුතු සිනා-2019" වර්ෂ අවසාන විවිධ ප්‍රසංගය පසුගියදා (15) වැයිහේන සිරි ගුණරුවන් විහාරස්ථානයේ දී අති උත්කර්ෂවත් පැවැතිවිණි.

13 වන වසරටත් ක්ලොගාඩ් මිහින්තලේ පොසොන් අසිරිය මෙත් සිතුවිලි වලින් පුරවාලයි

පොසොන් පොහොය උත්කර්ෂවත් අන්දමින් ක්ලොගර්ඩ් සන්නාමය, අඛණ්ඩව 13 වන වසරටත් මිහින්තලා පොසොන් උත්සවය හා එක්ව බැදෙමින් දහස් ගණනක් බැතිමතුන්ගේ මනස හා සිතුවිලි බැති සිතින් පුරවාලන්නට කටයුතු කළේය.

තුරුලිය අරුණ රුක් රෝපණ වැඩසටහන ලබන 16 වනදා කොත්මලේදී

ලංකා විදුලි බල මණ්ඩලීය මධ්‍යම පළාත් සුභ සාධක සංගමය විසින් සංවිධානය කරනු ලබන තුරුලිය අරුණ රුක් රෝපණ වැඩසටහන 2019 දෙසැම්බර් මස 16 වෙනි දින පෙරවරු 9.00 ට ඉහළ කොත්මලේ නියම්ගම්දොරදී පැවැත්වීමට කටයුතු යොද තිබේ.

විල්පත්තුවට යලි පණ දෙන " රිස්ට්බරි සමඟ තුරුලිය වෙනුවෙන් අපි "

ජාතික සමාජ සත්කාරක සේවාවේ තවත් එක් කැපී පෙනෙන සත්කාරයක් ලෙස විල්පත්තුව යලි නාගා සිටු වීම සඳහා රිට්ස්බරි දිගුකාලීනව තම පුර්ණ අනුග්‍රාහකත්වය සපයනු ලබයි.

යාපනය ජෙයපූර් ආබාධිතයන්ගේ පුනරුත්ථාපන මධ්‍යස්ථානයට රුපියල් මිලියන 19 ක අමුද්‍රව්‍ය ආධාර

ගැටුම් හේතුවෙන් සහ වෙනත් විවිධ හේතූන් මත ආබාධිත තත්ත්වයට පත් පුද්ගලයින්ට මානුෂීය ආධාර වශයෙන් ඉහළ ගුණාත්මක භාවයෙන් යුත් කෘතිම අවයවයන්, ශරීරාංගවල ආධාරකයන් සහ ඔවුනට අවශ්‍ය විශේෂ උපකරණ ලබා දීම වැනි පුනරුත්ථාපන ක්‍රියාවලියන් සිදු කරනු ලබන යාපනය ජෙයපූර් ආබාධිතයන්ගේ පුනරුත්ථාපන මධ්‍යස්ථානයට රුපියල් මිලියන 19 ක අමුද්‍රව්‍ය ආධාර සැපයීම ජාතික ප්‍රතිපත්ති, ආර්ථික කටයුතු, නැවත පදිංචි කිරීම හා පුනරුත්ථාපන, උතුරු පළාත් සංවර්ධන හා යෞවන කටයුතු අමාත්‍යාංශ ලේකම් වී.සිවඥාන්සෝති මහතා විසින් ඊයේ (20) දින සිදු කරනු ලැබීය.

සුව පියස’ වෛද්‍ය කඳවුර ලබන 09 වනදා මහරගම තරුණ සේවා සභා පරිශ්‍රයේ දී

මහරගම නාගරික මන්ත්‍රී ධනුෂ්ක රාමනායක මහතා ප්‍රමුඛ ගම්පියස කාර්යාලය විසින් මාර්තු 08 වන දිනට යෙදෙන ජාත්‍යන්තර කාන්තා දිනයට සමගාමීව සංවිධාන කරනු ලබන සුව පියස වෛද්‍ය කඳවුර මාර්තු මස 09 වන සෙනසුරාදා දින දවස පුරා මහරගම ජාතික තරුණ සේවා සභා පරිශ්‍රයේදී පැවැත්වීමට කටයුතු සංවිධාන කර තිබේ.

Contact Us

TTVnews.lk
TTV Media Hub (pvt) Ltd 
5/34, Sulaiman Terrace, 
Jawatte Road, 
Colombo 05, 
Sri Lanka 
 
Tel: +94 11 2 585833/ 2593 416 
 Fax: +94 11 2 589 334  

Follow Us On Facebook

X

Right Click

No right click