මෑතකදී මෙරටට ආනයනය කරන ලද ගල්අඟුරු භාවිතය හේතුවෙන් නොරොච්චෝලේ ලක්විජය බලාගාරයේ යන්ත්රෝපකරණවලට කිසිදු හානියක් සිදුව නොමැති බව පාර්ලිමේන්තුවේ පොදු ව්යාපාර පිළිබඳ කාරක සභාවේ (COPE) සභාපති වෛද්ය නිශාන්ත සමරවීර මහතා පවසයි. පසුගිය හයවනදා බලාගාරයේ සිදු කළ ස්ථානීය පරීක්ෂාවකින් අනතුරුව ඔහු මේ බව අවධාරණය කළේය.
බලාගාරය නිසි පරිදි ක්රියාත්මක වන අතර ඉදිරි අවශ්යතාවලට සරිලන ගල්අඟුරු තොග පවතින බැවින්, මේ පිළිබඳව පැතිර යන අසත්ය ප්රචාරවලට නොරැවටෙන ලෙස සභාපතිවරයා ජනතාවගෙන් ඉල්ලා සිටියේය. මෙම පරීක්ෂාවේදී ගල්අඟුරු ගොඩබෑම, සාම්පල ලබා ගැනීම සහ පාලක මැදිරියේ මෙහෙයුම් කටයුතු ඇතුළු සමස්ත ක්රියාවලියම කමිටුවේ නිරීක්ෂණයට ලක් විය.
ජාතික විදුලි පද්ධතියට මෙගාවොට් 900ක ධාරිතාවක් එක් කරන ලක්විජය බලාගාරය, රටේ සමස්ත විදුලි අවශ්යතාවයෙන් 35% – 40%ක ප්රමාණයක් සපුරාලයි. ආනයනික ගල්අඟුරුවල තත්ත්වය පරීක්ෂා කිරීමේ ක්රියාවලිය තවදුරටත් විධිමත් කිරීම සඳහා ශ්රී ලංකාව තුළම පිහිටි ස්වාධීන පරීක්ෂණාගාරයක් භාවිත කිරීමේ වැදගත්කම ද මෙහිදී කෝප් කමිටුව විසින් පෙන්වා දෙන ලදී.
