දිවයිනට බලපැ ඇති නැගෙනහිර තරංගාකාර සුළං ප්රවාහය හේතුවෙන් උතුරු සහ නැගෙනහිර පළාත්වල පවතින වැසි තත්ත්වය ඉදිරි දින කිහිපය පුරාද පවතිනු ඇති බව කාලගුණ විද්යා දෙපාර්තමේන්තුව සඳහන් කර සිටිනවා.
ඒ අනුව උතුරු, උතුරු-මැද, නැගෙනහිර, ඌව සහ මධ්යම පළාත්වල විටින් විට වැසි ඇති විය හැකි අතර, උතුරු හා නැගෙනහිර පළාත්වල සහ පොලොන්නරුව දිස්ත්රික්කයේ ඇතැම් ප්රදේශවලට මිලිමීටර් 50ට වැඩි තද වැසි ලැබිය හැකි බව ද එම දෙපාර්තමේන්තුව පැවසුවා.
දිවයිනේ අනෙකුත් ප්රදේශවල පස්වරු 1.00 පමණෙන් පසු තැනින් තැන වැසි හෝ ගිගුරුම් සහිත වැසි ඇති විය හැකි අතර, මධ්යම කඳුකරයේ නැගෙනහිර බෑවුම් ප්රදේශවලත්, උතුරු, උතුරු-මැද සහ වයඹ පළාත්වලත්, ත්රිකුණාමලය, හම්බන්තොට සහ මොනරාගල දිස්ත්රික්කවලත් පැයට කිලෝමීටර් 30–40 පමණ වේගයෙන් තරමක තද සුළං විටින් විට හමන හැකි බව සඳහන් වේ.
තවද සබරගමුව සහ මධ්යම පළාත්වලත්, ගාල්ල හා මාතර දිස්ත්රික්කවලත් ඇතැම් ප්රදේශවල අළුයම් කාලයේදී මීදුම් සහිත තත්ත්වයක් පැවතිය හැකි බවද දැනුම් දී ඇත.
ගිගුරුම් සහිත වැසි සමඟ ඇති විය හැකි තාවකාලික තද සුළං සහ අකුණු හේතුවෙන් සිදුවිය හැකි අනතුරු අවම කරගැනීම සඳහා අවශ්ය ආරක්ෂිත පියවර ගන්නා ලෙස කාලගුණ විද්යා දෙපාර්තමේන්තුව ජනතාවගෙන් ඉල්ලා සිටී.
