මහින්ද රාජපක්ෂ මහතාගේ නිල නිවස සති ගණනක් තිස්සේ තවමත් බාර දි නොමැති බව කියමින් කැබිනට් මාධ්‍ය ප්‍රකාශකවරයා පවසා තිබෙන බව හිටපු ජනපති මහින්දගේ මාධ්‍ය ප්‍රකාශක නීතිඥ මනෝජ් ගමගේ මහතා පවසනවා.
මහින්ද රාජපක්ෂ කෙරෙහි රටේ ජනතාව කෙරෙහි අප්‍රසාදය ඇති කිරීමේ අරමුණින් මෙය සිදු කරන බවයි මනෝජ් මහතා පැවසුවේ.
ඔහු වැඩිදුරටත් පැවසුවේ
2025 සැප්තැම්බර් 24 දා දින 10කට උඩක දී තමයි ජනාධිපති ලේකම් කාර්යාලයෙන් නිල වශයෙන් මෙම නිවස බාර ගන්නවා කිව්වේ.
මේ නිල නිවසේ රජයේ දේපළ තියෙනවා. අපි මේ අදාල නිලධාරීන්ට දන්වලා තියෙනවා රජයේ බඩු භාණ්ඩ ආදිය ඇත්නම් ඒව රැගෙන යන ලෙස. නමුත් ඒ අයගේ කටයුත්ත කරන්න ආවෙ නැහැ.
අයගේ පැමිණිම බලාපොරොත්තු වීම නිසා මෙම නිවස නැවත රජයට භාර දෙන්න ප්‍රමාද වුණා.
නැත්තම් මාධ්‍යවලට ඇවිත් කියයි මහින්ද මහත්තයා රජයේ බඩු ටික පටවගන ගිහින් කියලා. ඒ නිසා තමයි අපි ඒ අය එනකම් හිටියේ.
ආණ්ඩුවේ සැලසුමක් තියෙනවා, අපි රජයට අයිති බඩු අරන් ගිහින් කියලා ජනතාව අතර අප්‍රසාදය ඇති වෙන අන්දමේ ප්‍රවෘත්ති සපයන්න. මාධ්‍ය සංදර්ශනයක් කරලා මහින්ද මහත්තයාට මඩ ගහන්න ආණ්ඩුවේ කුමන්ත්‍රණ මේවා.
