මාදැල් ඇදීම සඳහා ට්රැක්ටර් සහ වින්ච් යන්ත්ර (Winch) භාවිතය පරිසරයට හානිකර බවට පර්යේෂණ වාර්තා තහවුරු කිරීමත් සමඟ, එම යන්ත්ර භාවිතය තහනම් කිරීමට රජය ගෙන ඇති තීරණය බලපිටිය සහ අම්බලන්ගොඩ ධීවරයින් විසින් අනුමත කර තිබේ.
මෙම යන්ත්ර භාවිතයෙන් මුහුදු පතුල සූරාගෙන යාම නිසා කොරල්පර විනාශ වීම, මත්ස්ය අභිජනන ස්ථානවලට හානි වීම සහ වෙරළ ඛාදනය සිදුවන බව නාරා (NARA) ආයතනයේ පර්යේෂණ මගින් හෙළි වී ඇත. එසේම යන්ත්ර මගින් ඉතා කුඩා මසුන් විශාල වශයෙන් හසුවීම නිසා අනාගත මත්ස්ය අස්වැන්නට ද දැඩි බලපෑමක් එල්ල වේ. 2018 වසරේදී මෙම යන්ත්ර භාවිතයට තාවකාලික අවසරයක් ලබා දී තිබුණද, වර්තමානය වන විට එය නීති විරෝධී පන්න ක්රමයක් ලෙස ප්රකාශයට පත් කර ඇත. මෙම වසරේ ජනවාරි මාසයේ සිට ක්රියාත්මක වන පරිදි යන්ත්ර භාවිතය තහනම් කිරීමත් සමඟ, සාම්ප්රදායික මිනිස් ශ්රමයෙන් මාදැල් ඇදීම මගින් සාර්ථක මත්ස්ය අස්වැන්නක් ලබාගත හැකි බව දකුණේ ධීවර ජනතාව වැඩිදුරටත් පෙන්වා දෙති.
