අම්බලන්ගොඩ නගර සභාව අසල අද (04) උදෑසන වෙඩි තැබිමක් සිදුව තිබෙනවා.
අද උදෑසන 10.30ට පමණ මෝටර් රථයකින් පැමිණි නාඳුනන පිරිසක් විසින් පුද්ගලයෙක් ඉලක්ක කරගනිමිනුයි මෙම වෙඩි තැබිම සිදු කර තිබෙන්නේ.
වෙඩි වැදීමෙන් තුවාල ලැබ ඇත්තේ ව්‍යාපාරිකයෙක් බවත් ඔහු ජීවිතක්ෂයට පත් වුණු බවත් පොලිසිය පැවසුවා.
ප්‍රතිකාර සඳහා බලපිටිය මුලික රෝහලට ඇතුළත් කර සිටියදී මෙලෙස ඔහු ජීවිතක්ෂයට පත්ව ඇත.
සංවිධානාත්මක අපරාධ කල්ලි සාමාජිකයෙකු වන කරන්දෙණිය සුද්දා නැමති පුද්ගලයාගේ වැඩිමහල් සොහොයුරියගේ ස්වාමිපුරුෂයාට මෙලෙස වෙඩි තබා ඇති බවටයි පොලිසිය සිදුකළ මුලික විමර්ශනවල දී අනාවරණය වී තිබෙන්නේ.
සිද්ධිය සම්බන්ධයෙන් අම්බලන්ගොඩ පොලිසිය වැඩිදුර විමර්ශන ආරම්භ කර තිබෙනවා.
