ආණ්ඩුව බලයට පත් වූ සැනින් පලමු අයවැය තුලින් රාජ්‍ය සේවකයන්ගේ වැටුප් ප්‍රමාණය සමස්ථයක් ලෙස වැඩි කර තිබෙන බව කම්කරු නියොජ්‍ය අමාත්‍ය මහින්ද ජයසිංහ මහතා පවසා සිටියා.
අමාත්‍යවරයා වැඩිදුරටත් පවසා සිටියේ,
අපේ ආණ්ඩුව බලයට පත් වුණාම පළමු අයවැයෙන්ම රාජ්‍ය සේවකයන්ගේ වැටුප 60% – 80% ක් ප්‍රමාණයකින් සමස්ථ රාජ්‍ය සේවකයන්ගේ වැටුප් වැඩිකරනු ලැබුවා. ඒ වැටුප් වර්ධක අපි වැඩි කරනු ලැබුවා.
ඒ වගේම අපි ඒ අය වැයේ දී යෝජනාවක් ලෙස ඉදිරිපත් කරා පෞද්ගලික අංශයේ වැටුප් වැඩි කරන්න අදාළව.
අවම වැටුප 17 500 සිට 30 000 දක්වා වැඩි කරන්න තීරණය කරා. මේ පනත් සම්මත කරගන්න පාර්ලිමේන්තුවේ යම් කිසි නීතියක් තිබෙනවා. අපි ඒ පනත සම්මත කරගත්තා.
අපි සතුටුයි ඡන්ද 180කට වැඩි සංඛ්‍යාවකින් ඒ පනත් සම්මත වීම ගැන.
මේ රට ගොඩ නැගිමේ දී සුවිශේෂී කාර්යබාරයක් ඉටු කරන අය තමයි පෞද්ගලික අංශයත් රාජ්‍ය සේවයත් සහ වතු කම්කරුවන් කියන වැඩ කරන ජනතාව.
ඔවුන්ට වඩාත් හොද ජීවිතයක් ගෙන ඒන්න මෙම ක්‍රියාමාර්ගය අපි ගත්තා.
