වර්තමානයේ රට තුළ පවතින පොලිස් මර්දනය රට ඉතාමත් භයානක ලෙස විනාශය කරා රැගෙන යන බව හිටපු පාර්ලිමේන්තු මන්ත්‍රිනී හිරුණිකා ප්‍රේමචන්ද්‍ර මහත්මිය පැවසීය.
ඇය මෙම අදහස් පළ කළේ කොළඹදී පැවැති මාධ්‍ය සාකච්ඡාවකට එක් වෙමින්.
ශ්‍රී ලංකා පොලිසිය සිදු කරන මෙවැනි ක්‍රියාකාරකම් කෙදිනක හෝ වර්තමාන ආණ්ඩුව වැටෙන්නට ප්‍රධාන හේතුවක් වන බවත් වර්තමාන ආණ්ඩුව යටතේ පාතාලය පෙරටත් වඩා හිස ඔසවන බවත් මන්ත්‍රීවරිය සඳහන් කළාය.
එහි දී මන්ත්‍රීවරිය තවදුරටත් පැවසුවේ.
වැලිකඩ පොලිසිය ඇතුලේ අහිංසක පිරිමි ලමයාට දිපු දස වදත් එක්ක මම අහන්නේ මේ පොලිසිය මානුෂීය ද කියලා. මේ පොලිස් නිලධාරීන්ට තියෙන්නේ පරපීඩිත මානසිකත්වයක්. අහිංසක මිනිස්සුන්ගේ රහස් ප්‍රදේශයේ මිරිස් , බාම් ගාපු පුද්ගලයෙක් ගේ මානසිකත්වයම තමයි එතනින් පහළ නිලධාරීන්ටත් තියෙන්නේ.
මේ රටේ දවසකට එක් අයෙකු මේ රටේ කොහේ දි හරි මැරෙනවා. මේ ආණ්ඩුව කාලයේ වෙනදටත් වඩා පාතාලය හිස ඔසවලා තියෙනවා. මේ ආණ්ඩුව වැටෙන්න අපි කෑගහන්නෝන නැහැ. මේ ආණ්ඩුව ඇතුළෙ ඉන්න මාලිමා පාක්ෂිකයන් සහ ජේවිපි පාක්ෂිකයන් දෙකට බෙදිල තමයි මේ ආණ්ඩුව වැටෙන්නේ. ඒ අයගේ මතිමතාන්තර බොහොම පරස්පර විරෝධියි. අනුර කුමාර දිසානායක මහත්තයට මේ අයගෙන් කවුරු තෝරගන්න ද කියල අපහසුතාවයට පත් වෙයි.
ගෝඨාභය පාලන කාලයේ රටට තිබුණේ ආර්ථික වශයෙන් කඩා වැටීම් විතරයි නමුත් මේ ආණ්ඩුව තුළ සාමාජිය වශයෙන්, ආගමික වශයෙන්, ආර්ථික වශයෙන් වගේම සංස්කෘතික වශයෙන් සියලු අංශයන්ගෙන් කඩා වැටිමකට ලක් වේවි.
