ජල ගැලීම්, ගංවතුර, නායයෑම් හා මාර්ග අවහිරතා හේතුවෙන් සේවයට වාර්තා කිරීමට නොහැකි වූ රාජ්ය නිලධාරීන්ට විශේෂ නිවාඩු ලබාදීමට රජය තීරණය කර තිබෙනවා.
ඒ සම්බන්ධයෙන් අදාළ චක්රලේඛය රාජ්ය පරිපාලන, පළාත් සභා හා පළාත් පාලන අමාත්යංශයේ ලේකම්වරයා විසින් සියලු අමාත්යංශ ලේකම්වරුන්, පළාත් ප්රධාන ලේකම්වරුන් සහ දෙපාර්තමේන්තු ප්රධානීන් වෙත ඊයේ (16) නිකුත් කර ඇති බව යි වාර්තා වුනේ.
ඒ අනුව, දිට්වා සුළි කුණාටුව හේතුවෙන් සිය පදිංචි ස්ථානයෙන් සේවා ස්ථානය වෙත පැමිණීමේදී පොදු ප්රවාහන සේවා අඩාල වීම, මාර්ග අවහිර වීම හෝ විවිධ ව්යසනවලින් විපතට පත්වීම වැනි හේතු නිසා සේවයට වාර්තා කිරීමට නොහැකි වූ නිලධාරීන්ට මෙම විශේෂ නිවාඩු ලබාදීමට නියමිතයි.
මෙම විශේෂ නිවාඩු ලබාදීම නොවැම්බර් හා දෙසැම්බර් මාසවලට පමණක් සීමා කළ යුතු බවද රාජ්ය පරිපාලන, පළාත් සභා හා පළාත් පාලන අමාත්යංශය දැනුම් දී තිබෙනව.ා
