එක්සත් අරාබි එමීර් රාජ්යයේ ජාතික මාධ්ය අධිකාරිය (NMA) විසින් ආරක්ෂක සිදුවීම් වීඩියෝ ගත කිරීම, ඡායාරූප ගැනීම හෝ තහවුරු නොකළ තොරතුරු සමාජ මාධ්ය ඔස්සේ හුවමාරු නොකරන ලෙස මහජනතාවගෙන් දැඩි ඉල්ලීමක් කර තිබේ. මෙවැනි ක්රියාවන් මහජන ආරක්ෂාවට සහ ප්රජා ස්ථාවරත්වයට දැඩි තර්ජනයක් විය හැකි බව එම අධිකාරිය පෙන්වා දෙයි.
ආරක්ෂක සිදුවීම් සිදුවන ස්ථානවල දර්ශන බෙදා හැරීම මඟින් සංවේදී ස්ථාන, පුද්ගල ගැවසීම්, මාර්ග පද්ධති මෙන්ම ඇතුළුවීමේ සහ පිටවීමේ දොරටු පිළිබඳ තොරතුරු අනාවරණය විය හැකි අතර, සතුරු පාර්ශවයන්ට එම දත්ත විශ්ලේෂණය කර ඉලක්ක හඳුනා ගැනීමට එය අවස්ථාවක් විය හැකි බව බලධාරීහු අනතුරු අඟවති. විශේෂයෙන්ම මැදපෙරදිග පවතින නොසන්සුන්කාරී වාතාවරණය හමුවේ, සිවිල් වැසියන් අවදානමට ලක් නොකර වගකීම් සහගත ලෙස කටයුතු කිරීමේ වැදගත්කම මෙහිදී අවධාරණය කෙරිණි.
කටකතා පැතිරවීමෙන් වැළකී තොරතුරු සඳහා නිල රජයේ මූලාශ්ර පමණක් විශ්වාස කරන ලෙසත්, ප්රජා ආරක්ෂාව යනු සැමගේම වගකීමක් බවත් ජාතික මාධ්ය අධිකාරිය වැඩිදුරටත් සඳහන් කරයි.
