ගෝලීය ඩිජිටල් සංචාරක වේදිකාවක් වන Agoda වෙබ් අඩවිය විසින් ප්රකාශයට පත් කරන ලද “ආසියාවේ අනිවාර්යයෙන්ම නැරඹිය යුතු කඳුකර ගමනාන්ත” (Asia’s Must-Visit Hill Stations) ලැයිස්තුවට ශ්රී ලංකාවේ නුවරඑළිය නගරය ද ඇතුළත් කර තිබේ. සන්සුන් භූ දර්ශන, සිසිල් දේශගුණය සහ යටත් විජිත සමයට අයත් ගොඩනැගිලි හේතුවෙන් නුවරඑළිය “පුංචි එංගලන්තය” ලෙස හඳුන්වා දී ඇති Agoda ආයතනය, එහි ඇති හරිත පැහැති තේ වතු යායන් සංචාරකයන්ට සුවිශේෂී අත්දැකීමක් ලබා දෙන බව පෙන්වා දෙයි.
භාෂා 39කින් සේවා සපයන Agoda ආයතනය විසින් නම් කරන ලද මෙම ලැයිස්තුවට නුවරඑළියට අමතරව ඉන්දියාවේ ශිම්ලා සහ මුන්නාර්, මැලේසියාවේ කැමරූන් හයිලන්ඩ්ස්, වියට්නාමයේ සපා සහ ඩලාත්, ඉන්දුනීසියාවේ බන්ඩුන් මෙන්ම භූතානයේ තිම්පු පුරවරය ද ඇතුළත් කර ඇත. මෙම වර්ගීකරණයත් සමඟ ශ්රී ලංකාවේ කඳුකර සංචාරක කර්මාන්තය කෙරෙහි ජාත්යන්තර අවධානය තවදුරටත් යොමු වනු ඇති අතර, 2026 වසරේ සංචාරක ඉලක්ක සපුරා ගැනීමට ද මෙය මහඟු පිටිබලයක් වනු ඇතැයි අපේක්ෂා කෙරේ.
