ඉතාලියේ පැවැත්වෙන ශීත ඍතු ඔලිම්පික් උළෙලේ අයිස් හොකී ක්රීඩාංගණය අසලදී විරෝධතාකරුවන් සහ පොලිසිය අතර ඊයේ (07) දරුණු ගැටුම් හටගත්තේය. විරෝධතාකරුවන් මහා මාර්ග අවහිර කිරීමට සහ ආරක්ෂක වැටවල් බිඳ දැමීමට උත්සාහ කිරීමත් සමඟ ඔවුන් විසුරුවා හැරීමට පොලිසිය කඳුළු ගෑස් සහ ජල ප්රහාර එල්ල කර තිබේ.
ඔලිම්පික් උළෙල වෙනුවෙන් සිදුකරන පරිසර විනාශයට සහ අමෙරිකානු ආරක්ෂක අංශ (ICE) ඉතාලිය තුළ රැඳී සිටීමට එරෙහිව පුද්ගලයින් 10,000ක් පමණ සහභාගී වූ සාමකාමී පාගමනක් අවසානයේදී මෙම නොසන්සුන් තත්ත්වය ඇති විය. මුහුණු ආවරණය කරගත් පිරිසක් විසින් ගිනිකෙළි සහ දුම් බෝම්බ ප්රහාර එල්ල කරමින් ක්රීඩක ගම්මානය දෙසට ගමන් කිරීමට උත්සාහ කළ බව වාර්තා වේ.
මෙම විරෝධතාව අමෙරිකානු උප ජනාධිපති ජේ.ඩී. වෑන්ස් (JD Vance) මහතාගේ මිලාන් සංචාරයට සමගාමීව සංවිධානය කර තිබුණි. ඔලිම්පික් ඉදිකිරීම් සඳහා ගස් කපා දැමීම සහ මහජන මුදල් අවභාවිත කිරීම පිළිබඳව ද විරෝධතාකරුවන් මෙහිදී දැඩි ලෙස සිය විරෝධය පළ කර ඇත. කෙසේ වෙතත්, මෙම විරෝධතා හේතුවෙන් ක්රීඩකයන්ගේ ප්රවාහන කටයුතුවලට බාධාවක් නොවූ බව බලධාරීහු පවසති.
