ඉන්දියාවේ ප්රබල භූකම්පනයක් සිදුව තිබෙනවා.
ඒ ඉන්දියාවේ ඇසෑම් ප්රාන්තයට සහ ඊසානදිග ප්රදේශ කිහිපයකයි.
අද (05) ට පමණ අලුයම මෙම ප්රබල භූ කම්පනය සිදුව තිබෙනවා.
මෙම භූ කම්පනය රික්ටර් මාපකයේ 5.1ක ප්රබලත්වයක් පෙන්නුම් කළ බවයි ජාතික භූ කම්පන විද්යා මධ්යස්ථානය (NCS) වාර්තා කළේ.
එය අද අලුයම 4:17ට පමණ සිදුව ඇති අතර එහි කේන්ද්රය (Epicentre) ඇසෑම්හි මොරීගාඕන් (Morigaon) දිස්ත්රික්කය අසල වාර්තා වී ඇත.
කෙසේ වෙතත් මධ්යම ඇසෑම්හි මොරීගාඕන් සහ අවට දිස්ත්රික්කවලට මෙහි කම්පන දැඩි ලෙස දැනී තිබෙන බව ද වාර්තා වුණු අතර ඇසෑම් ඇතුළු ඊසානදිග ඉන්දියාව අයත් වන්නේ රටේ වඩාත්ම සංවේදී භූ කම්පන කලාපයට (Seismic Zone V) බවයි විදෙස් මාධ්ය වාර්තා වල සදහන්ව තිබුණේ.
කෙසේ වෙතත්, මේ වන තෙක් කිසිදු ජීවිත හානියක් හෝ දේපළ හානියක් වාර්තා වී නොමැති බව එරට බලධාරීන් සඳහන් කර සිටියි.
