පෙබරවාරි 15 වනදා කොළඹදී පැවැත්වීමට නියමිත ඉන්දියා – පාකිස්තාන විස්සයි 20 ක්රිකට් තරගය සඳහා උපරිම ආරක්ෂාව සපයන බවත්, ඒ වෙනුවෙන් විශේෂ රථවාහන සැලැස්මක් ක්රියාත්මක කරන බවත් කැබිනට් ප්රකාශක අමාත්ය නලින්ද ජයතිස්ස මහතා අද (10) ප්රකාශ කළේය. කලාපීය දේශපාලන ගැටලු හේතුවෙන් මෙම තරගය පැවැත්වීම අවිනිශ්චිත මට්ටමක පැවති නමුත්, ශ්රී ලංකා රජය සහ ජනාධිපතිවරයා මැදිහත් වී පාකිස්තාන අග්රාමාත්යවරයා සමඟ කළ සාකච්ඡාවලින් අනතුරුව තරගය සඳහා පාකිස්තාන කණ්ඩායමේ සහභාගීත්වය තහවුරු කරගෙන තිබේ.
රටවල් අතර සහයෝගීතාවය සහ මිත්රත්වය වර්ධනය කිරීමට ක්රිකට් ක්රීඩාව උපයෝගී කරගැනීම වෙනුවෙන් ශ්රී ලංකාව මැදිහත්කරු ලෙස කටයුතු කිරීම රජයේ අගය කිරීමට ලක්විය. ICC ආයතනය සහ ශ්රී ලංකා ක්රිකට් ආයතනය සමඟ එක්ව මෙම තරගය සාර්ථකව පැවැත්වීමට අවශ්ය සියලු කටයුතු සූදානම් කර ඇති අතර, ක්රීඩා ලෝලීන් විශාල වශයෙන් පැමිණෙනු ඇතැයි අපේක්ෂාවෙන් කොළඹ නගරය තුළ විශේෂ රථවාහන මෙහෙයුම් ක්රියාත්මක කිරීමට පොලිසියට උපදෙස් දී ඇති බවද අමාත්යවරයා වැඩිදුරටත් සඳහන් කළේය.
