ඉරානය සමඟ පවතින රාජ්යතාන්ත්රික සහ යුදමය නොසන්සුන්තාව උත්සන්න වෙමින් පවතින පසුබිමක, එක්සත් අරාබි එමීර් රාජ්යය (UAE) ඉරානයේ විදේශ ප්රතිපත්තිය දැඩි ලෙස විවේචනයට ලක් කර තිබේ. කොළඹ පිහිටි එක්සත් අරාබි එමීර් රාජ්ය තානාපති කාර්යාලය නිවේදනයක් නිකුත් කරමින් කියා සිටියේ, ඉරානය විසින් සිය රටට එරෙහිව ප්රහාර 1,909ක් එල්ල කර ඇති බවත්, එවැනි තත්ත්වයක් යටතේ වුවද තමන් උපරිම සංයමයකින් කටයුතු කළ බවත්ය.
ඉරාන විදේශ අමාත්ය අබ්බාස් අරග්චි විසින් එක්සත් අරාබි එමීර් රාජ්යය ආක්රමණශීලී ලෙස කටයුතු කරන බවට කළ චෝදනා ප්රතික්ෂේප කරන තානාපති කාර්යාලය, ඕනෑම ත්රස්තවාදී ආක්රමණයකට එරෙහිව තමන් ආරක්ෂා වීමට තම රටට පූර්ණ අයිතියක් ඇති බව අවධාරණය කළේය. එසේම, වොෂින්ටනය සහ ටෙහෙරානය අතර යුද්ධයක් ඇතිවීම වැළැක්වීම සඳහා අවසන් මොහොත දක්වාම තමන් අවංක මැදිහත්කරුවෙකු ලෙස කටයුතු කළ බව ද එම නිවේදනයේ සඳහන් වේ. ඉරාන විදේශ අමාත්යවරයාගේ ප්රකාශයන් මගින් ඉරානයේ ආක්රමණශීලී ස්වභාවය ලෝකය හමුවේ නිරාවරණය වී ඇති බවත්, එමගින් ඉරානය තවදුරටත් ජාත්යන්තරය තුළ හුදකලා වී ඇති බවත් එක්සත් අරාබි එමීර් රාජ්යය වැඩිදුරටත් කියා සිටියි.
