ලෝක ටෙස්ට් ශූරතා තරගාවලියේ මූලික වටයේ අවසන් අදියරේ තරගාවලියක් වන ඕස්ට්‍රේලියානු කණ්ඩායමේ ශ්‍රී ලංකා තරග සංචාරය ජනවාරි මස 29වැනිදා ආරම්භ වීමට නියමිත බව ශ්‍රී ලංකා ක්‍රිකට් ආයතනය නිවේදනය කළේය.
මෙම තරග සංචාරයට ටෙස්ට් තරග දෙකකින් යුතු තරගාවලියක් සහ එක් එක්දින තරගයක් ඇතුළත් වේ.
මෙම තරගාවලිය ලෝක ටෙස්ට් ශූරතාවයේ අවසන් තරග බලාපොරොත්තු සඳහා ශ්‍රී ලංකාවට අතිශයින්ම වැදගත් අතර තරගාවලිය ශ්‍රී ලංකා ටෙස්ට් බලකොටුව වශයෙන් සැලකෙන ගාල්ල ජාත්‍යන්තර ක්‍රිකට් ක්‍රීඩාංගණයේදී පැවැත්වෙනු ඇත.
තරගාවලියේ පළමු තරගය ජනවාරි මස 29 වැනිදා සිට පෙබරවාරි මස දෙවැනිදා දක්වාත්, දෙවන තරගය පෙබරවාරි මස 6 වැනිදා සිට 10 වැනිදා දක්වාත් පැවැත්වෙනු ඇත.
