පෙබරවාරි 06 – වලාන දූෂණ මර්දන ප්රහාරක ඒකකයේ අධ්යක්ෂ රොහාන් ඕලුගල මහතා හදිසි අසනීප තත්ත්වයක් හේතුවෙන් නිවාඩු ලබා සිටීම නිසා, එම ධුරයේ වැඩබැලීම සඳහා ජ්යෙෂ්ඨ පොලිස් අධිකාරි කේ.සී. ආරියවංශ මහතාව පත් කර තිබේ. ආරියවංශ මහතා දැනට මධ්යම අපරාධ විමර්ශන කාර්යාංශයේ (CCIB) අධ්යක්ෂවරයා ලෙස ද කටයුතු කරයි.
හදිසි අසනීප තත්ත්වයක් හේතුවෙන් රොහාන් ඕලුගල මහතා මීට පෙර කොතලාවල ආරක්ෂක විශ්වවිද්යාලීය රෝහලේ සහ කොළඹ ජාතික රෝහලේ දැඩි සත්කාර ඒකකයේ ප්රතිකාර ලැබීය. කෙසේ වෙතත්, තමන් මේ වන විට සුවය ලබමින් පසුවන බව ඔහු සිය මුහුණුපොත හරහා දැනුම් දී ඇති අතර, ඔහු යළි සේවයට වාර්තා කරන තෙක් මෙම තාවකාලික පත්වීම සිදු කර ඇත.
