තාජුඩීන් ඝාතනයට අරුණ විදානගමගේ හෙවත් ‘කජ්ජා’ සම්බන්ධ යැයි සමාජ මාධ්‍ය හා කිසියම් මාධ්‍යවල පළවන පුවත් සම්පූර්ණයෙන් අසත්‍ය බව ඔහුගේ පුත්‍රයා වන විදානගමගේ ඉඳුවර අමිෂ් මාදෙව් නිවේදනයක් මගින් ප්‍රකාශ කළා.
ඇතැම් දෙනා පවසා ආවේ ඔහුගේ පියා තාජුඩීන්ගේ ඝාතනයට සම්බන්ධ බවත්, එයට සබඳු ඡායාරූපයක් ද ප්‍රචාරය වී තිබුණත්, ඉඳුවර කියා සිටියේ එය සත්‍ය නොවන බවයි.
ඔහු පැවසූයේ, තම පියා කිසිම අවස්ථාවක මත්පැන් පාවිච්චි කළේ නැති අතර, බියර් බඳුනක් අතේ දරා සිටින ඡායාරූපයේ පුද්ගලයා තම පියා නොවන බවයි.
ඉඳුවර වැඩිදුරටත් අවධාරණය කළේ, පියාගේ නාමය අසත්‍ය ආකාරයෙන් ඝාතන සිද්ධියට සම්බන්ධ කරන දේ තමන් දැඩිව ප්‍රතික්ෂේප කරන බවයි.
ආන්දෝලනාත්මක අනාවරණයක්
රගර් ක්‍රීඩක වසීම් තජුඩීන් මියගොස් සිටි රථයට පිටුපසින් ගමන්ගත් සැකකටයුතු රථයක අරුණ විදානගමගේ හෙවත් කජ්ජා සිට ඇතැයි ඔහුගේ බිරිඳ කළ අනාවරණය සම්බන්ධයෙන් කජ්ජාගේ වැඩිමහල් පුත්‍රයා ඊයේ (01) සමාජ මාධ්‍ය හා විද්‍යුත් මාධ්‍ය හමුවේ ප්‍රකාශයක් සිදුකළේය.
විමර්ශනයට අදාළ CCTV දර්ශන කජ්ජාගේ සහෝදර සහෝදරියන්ට පෙන්වා එහි සිටින්නේ ඔවුන්ගේ සහෝදරයාදැයි විමසීමට කටයුතු නොකරන්නේ ඇයිදැයි ඔහු පොලීසියෙන් විමසා සිටියි.
2012 වසරේ රගර් ක්‍රීඩක වසීම් තජුඩීන් මියගොස් සිටි රථයට පිටුපසින් ගමන්ගත් සැකකටයුතු රථයක පසුගියදා මිද්දෙණියේදී ඝාතනයට ලක්වූ අරුණ විදානගමගේ හෙවත් කජ්ජා සිට ඇතැයි ඔහුගේ බිරිඳ අනාවරණ කළ බව වැඩබලන පොලිස් මාධ්‍ය ප්‍රකාශක සහකාර පොලිස් අධිකාරී මිනුර සෙනරත් පෙරේදා (30) අනාවරණ කළේය.
