ශ්රී ලංකා ක්රිකට් බලධාරීන් සම්බන්ධ කරගනිමින් තමා පිළිබඳව සමාජ මාධ්ය ඔස්සේ සංසරණය වන අපහාසාත්මක පුවත් සම්පූර්ණයෙන්ම අසත්ය බව පවසමින් ජනප්රිය රංගන ශිල්පිනී පේෂානි ඒකනායක මහත්මිය අද (09) අපරාධ පරීක්ෂණ දෙපාර්තමේන්තුවට (CID) පැමිණිල්ලක් ඉදිරිපත් කළාය. ශම්මි සිල්වා, ඈෂ්ලි ද සිල්වා හෝ ජයන්ත ධර්මදාස යන ක්රිකට් පරිපාලකයින් තමා පෞද්ගලිකව හඳුනන්නේවත් නැති බව ඇය මෙහිදී හැඬූ කඳුළින් අවධාරණය කර සිටියාය.
ප්රධාන පුවත් වෙබ් අඩවියක ලාංඡනය වංචනික ලෙස භාවිත කරමින්, නදුන් රාජපක්ෂ නමැති පුද්ගලයෙකු විසින් මෙම ව්යාජ සටහන නිර්මාණය කර ඇති බව පේෂානි පවසයි. තමාගේ පෞද්ගලික ජීවිතයට සහ කීර්ති නාමයට බරපතල හානි කළ මෙම පුවත නිර්මාණය කළ පුද්ගලයාට මෙන්ම, එය සමාජ මාධ්ය තුළ බෙදාහැරි (Share) සහ අපහාසාත්මක ප්රතිචාර (Comment) දැක්වූ සියලු දෙනාට එරෙහිව දැඩි නීතිමය පියවර ගන්නා ලෙස ඇය සිය පැමිණිල්ල මගින් ඉල්ලා ඇත.
මෙම සිද්ධිය සම්බන්ධයෙන් සිය ෆේස්බුක් ගිණුමට වීඩියෝවක් එක් කරමින් ඇය සඳහන් කළේ, අසත්ය තොරතුරු සමාජගත කරන්නන්ට එරෙහිව නීතිය ක්රියාත්මක වන තෙක් තමා නොසැලී සිටින බවයි. තමා වෙනුවෙන් පෙනී සිටි රසික ජනතාවට ඇය සිය ස්තුතිය ද මෙහිදී පළ කළාය.
