පෙර පැවති අයවැය ලේඛනයන්ට වඩා මෙවර අය වැය මානව හිතවාදී අයවැයක් බව නිලන්ති කොට්ටහච්චි මහත්මිය අද (20) පාර්ලිමේන්තුවේ දී අදහස් දැක්වූවාය.
මෙමගින් ජනතාවගේ ගුණාත්මක තත්වයේ වෙනසක් ඇති කිරීමට බලාපොරොත්තු වන බව කී නිලන්ති කොට්ටහච්චි මහත්මිය වැඩිදුරටත් මෙලෙස අදහස් දැක්වීය.
‘‘විපක්ෂය තර්ක කරනවා නම් මේ අය වැය ගැන අපිට කිසිම උවමනාවක් නැහැ මෙය අති සාර්ථක අය වැයක්ද නැද්ද කියලා තර්ක කරන්න. අපිට තරගය තියෙන්නේ විපක්ෂය එක්ක නෙවෙයි. අපිට තරගය තියෙන්නේ අපි එක්කමයි. මොකද්ද කියනව නම් මේ රටේ දුක්විදින ජනතාවගේ තත්වය ඒක අගලකින් හරි උසස් තැනකට ගේන්න පුලුවන් නම් ඒකට මේ අය වැය පාදක කරගන්න පුලුවන් නම් අපිට ඒ ඇති. අපිට වෙන කිසිම තරගයක් නැ
විපක්ෂයෙන් අහනවා නම් මේක ලිබරල්වාදීද, නව ලිබරල් වාදීද, සමාජවාදීද කොමියුනිට්ස් වාදීද කියලා. මම හිතනවා ඒ තර්ක පොඩ්ඩකට අමතක කරමු කියලා. මේ අය වැය මානව හිතවාද අයවැයක් නම් ජාතික ජනබලවේග ආණ්ඩුව එය හොදට ම ප්‍රමාණවත්. මේ අය වැය ජනතා හිතවාදී අය වැයක් නම් අපිට ඒක හොදටම ප්‍රමාණවත්. මේක පස් අවුරුදු සැලැස්මක්. අපි මේ අවුරුදු පහේ පොහොසත් රටක් ලස්සන ජීවිතයක් ගොඩනගන්න බලාපොරොත්තු වෙනවා නම් මම හිතනවා ඒකට අවශ්‍ය පදනම මේ අය වැයෙන් අපි හදල තියෙනවා කියලා. අපි සහකම්පන සහිත ආණ්ඩුවක් විදිහට සෑම පැතිකඩක් කෙරෙහිම අවධානයක් යොමු කරන්න මේ අය වැය හදලා තියෙන්නේ. ජනතාවගේ ගුණාත්මක තත්වයේ වෙනසක් ඇති කරන මට්ටමක මේ අය වැය තියෙනවා නම් මේ අය වැය සාර්ථකද නැද්ද කියන එක ගැන අපිට තර්ක කරන්න අවශ්‍ය නැහැ. මේ රටේ නිෂ්පාදන ආර්ථිකය බිද වට්ටලා ඉදිකට්ටක ඉදන් ආනයනය කරන අවස්ථාවක අපි හදපු අයවැයක්. සෑම දෙයක්ම කඩා වැටිලා ඔජස් ගලන කාලයක් තුළ මම හිතනවා අපිට ගොඩනැගෙන්න අවශ්‍ය පාදම අපි මේ අය වැය ලේඛනය තුළින් ඉදිරිපත් කරල තියෙනවා කියලා. ඒ හින්දා මම විපක්ෂයෙන් ඉල්ලා සිටිනවා කාලයට ඉඩදෙන්න ඉවසීමෙන් බලාගෙන ඉන්න කියලා. ”
