සිය රජයක් යටගේ ගොවි ජනතාවට ගුණාත්මක කිලෝග්‍රෑම් 50ක පොහොර මිටිය රුපියල් 5000කට අනිවාර්යෙන් ලබා දෙන බව සමගි ජන සන්ධානයේ ජනාධිපතිවරණ අපේක්ෂක විපක්ෂනායක සජිත් ප්‍රේමදාස මහතා පැවසීය.
පොළොන්නරුවේ ඊයේ (25දා) පැවති ජනහමුවකදී ගොවි ජනතාව අමතමින් හෙතෙම මේ බව සඳහන් කළේය.
එහිදී වැඩිදුරටත් විපක්ෂනායක සජිත් ප්‍රේමදාස මහතා මෙලෙස අදහස් දක්වා සිටියේය.
“අපේ හිතවත් ගොවි ජනතාවට කියන්න කැමතියි, ගුණාත්මකභාවයෙන් ඉහළ පොහොර කිලෝග්‍රෑම් 50 මිටිය අපි රුපියල් 5,000ට ගොවි ජනතාවට ලබා දෙන්නට අනිවාර්යෙන්ම කටයුතු කරනවා. ඒ වගේම කෘෂිරසායන, තෙල් පොහොර මිල නියාමනයකට ලක් කරලා කළුකඩ වෙළඳුන්ගෙන් මේ මිල වැඩි වීමේ ක්‍රමවේදය මුදාගෙන දරාගත හැකි මිලකට ඔබට කෘෂිරසායන ලබා දෙන්නත් අපි කටයුතු කරනවා.
ada/26/08/24
