ශ්‍රී ලංකා රේගු දෙපාර්තමේන්තුව සඳහන් කරන්නේ, දේශීය වෙළෙඳ පොළේ පවතින කීරි සම්බා සහල් හිඟයට විසඳුමක් ලෙස මේ වන විට පොන්නි සම්බා සහල් මෙට්‍රික් ටොන් 3,500ක පමණ ප්‍රමාණයක් දිවයිනට ආනයනය කර ඇති බවයි.
එම ආනයන තොගයේ පළමු කොටස ලැබුණේ ඔක්තෝබර් 23 වනදා වන අතර ඊට පසු සිකුරාදා සහ සෙනසුරාදා දිනවලද තවත් පොන්නි සම්බා තොග රටට පැමිණ තිබෙන බව රේගු දෙපාර්තමේන්තුව පැහැදිලි කරයි.
ආහාර ප්‍රතිපත්ති හා ආහාර සුරක්ෂිතතා කමිටුවේ නිර්දේශය අනුව, එක් ආනයනකරුවෙකුට උපරිම මෙට්‍රික් ටොන් 520ක පමණ ප්‍රමාණයකටසහල් ආනයනය කිරීමට අවසර දී තිබේ.
එමෙන්ම, රටේ වාර්ෂික සහල් පරිභෝජනය මෙට්‍රික් ටොන් ලක්ෂ 24ක් පමණ වන අතර, එයින් සියයට 10ක් පමණ එනම් මෙට්‍රික් ටොන් ලක්ෂ 2ක් කීරි සම්බා සහල් ලෙස පරිභෝජනය වන බවද වාර්තා වේ.
