ශ්‍රී ලංකාවේ අධ්‍යාපන, උසස් අධ්‍යාපන සහ තාක්ෂණික අධ්‍යාපන අංශයන්හි සංවර්ධනය වෙනුවෙන් කොරියානු ජනරජයේ සහාය ලබාදෙමින් දෙරට අතර සහයෝගිතාව සංවර්ධනය කිරීමේ ද්විපාර්ශ්වික සාකච්ඡාවක් කොළඹ පසුගිය 20 වනදා පැවැත්විණි.
කොරියානු ජනරජය නියෝජනය කරමින් කොරියානු තානාපති සන්තුෂ් වුන්ජින් ජිඔන් (Santhush Woomjin GEONG )මහතා සහ නියෝජ්‍ය විදේශ කටයුතු අමාත්‍ය ලී සැන් හ්වා (Lee Sang-Hwa) මහතා ඇතුළු නියෝජිත පිරිසක් ද අධ්‍යාපන අමාත්‍යාංශ පාර්ශවය නියෝජනය කරමින් අධ්‍යාපන ලේකම් එම් එන් රණසිංහ මහතා, අධ්‍යාපන අතිරේක ලේකම් හේමන්ත ප්‍රේමතිලක මහතා, ජාතික අධ්‍යාපන ආයතනයේ අධ්‍යක්ෂ ජනරාල් ආචාර්ය සුනිල් ජයන්ත නවරත්න මහතා ඇතුළු පිරිසක් මේ අවස්ථාවට සහභාගී වුහ.
