කොවිඩ් අවදානම් තත්වය සැලකිල්ලට ගනිමින් සංවිධාන කර තිබූ සියලුම උත්සව, රැස්වීම් සහ මහජන දින තාවකාලිකව අත්හිටුවීමට තීරණය කළ බව වාරිමාර්ග රාජ්‍ය අමාත්‍ය අනුරාධ ජයරත්න මහතා පවසයි.
ඒ අනුව කොවිඩ් මාර්ගෝපදේශ පිළිගනිමින් රටේ ජනතාව එක් රැස්වෙන ස්ථාන වලකා හැකි සෑම විටම නිවෙස් තුලට වී සිටින ලෙස රාජ්‍ය අමාත්‍යවරයා කියා සිටියේය.
බක් පුන් පොහෝ දින ආගමික කටුයුතු පැමිණීමට නියමිත බෞද්ධ බැතිමතුන් මහනුවර ශ්‍රී දළදා මාලිගාව, අනුරාධපුර ශ්‍රී මහා බෝධිය, කතරගම පුදබිම මෙන්ම ශ්‍රී පාදස්ථානය ද වන්දනාමාන කිරීමට පැමිණීමෙන් වලකින ලෙසද සියලු වන්දනාමාන කටයුතු නිවෙස්වලට වී සිදුකරන ලෙසද එතුමා සියලු දෙනාගෙන් ඉල්ලා සිටි.
රට තුල පවතින කොවිඩ් 19 තුන්වන රැල්ල මැඩපැවැත්වීමට අප සියලු දෙනා එකතු වී තම තමන්ගේ ජීවිත රැකගැනීමටත් සමාජ ව්‍යාප්තිය නතර කර ගැනීමටත් සහයෝගය ලබා දෙන ලෙස ඉල්ලීමක් කරන අනුරාධ ජයරත්න මහතා ජනාධිපති ගෝඨාභය රාජපක්ෂ මහතාගේ ප්‍රධානත්වයෙන් සෞඛ්‍ය අංශයේ මූලිකත්වයෙන් අඛණ්ඩව සිදුකරගෙන යනු ලබන කොවිඩ් මර්දන වැඩපිළිවෙලට සහයෝගය දක්වා නැවතත් රටේ ආර්ථිකය සහ සංවර්ධන කටයුතු යථා තත්වයට පත් කිරීමට සහයෝගය ලබා දෙන ලෙස ඉල්ලා සිටි.
