හොරණ වැවිලි සමාගමට අයත් මස්කෙළිය, ගවරවිල වතුයායේ සේවකයන් අට දෙනෙකුගේ සේවය අත්හිටුවීමට වතු පාලන අධිකාරිය ගත් තීරණයට එරෙහිව පවත්වනු ලබන සත්යග්රහයේ නිරත තිදෙනෙකු අද රෝගාතුර වී මස්කෙළිය ප්රාදේශීය රෝහලට ඇතුළත් කර තිබේ. පසුගිය පෙබරවාරි 05 වන දින සිට වතුයායේ කෝවිල ඉදිරිපිට මෙම සත්යග්රහය ආරම්භ වූ අතර, ඉන් පිරිසක් ඊයේ (10) උදෑසන සිට මාරන්තික උපවාසයක් ද ආරම්භ කරන ලදී.
ආහාර වර්ජනයේ නිරතව සිටියදී මෙලෙස රෝගාතුර වී ඇත්තේ වයස අවුරුදු 37, 42 සහ 51 යන වයස් කාණ්ඩවල පසුවන වතු කම්කරුවන් තිදෙනෙකි. මස්කෙළිය ප්රාදේශීය රෝහලේ නිලධාරියෙකු සඳහන් කළේ නිසි ලෙස ආහාර නොගැනීම හේතුවෙන් ඔවුන්ගේ සෞඛ්ය තත්ත්වය පිරිහී ඇති බවත්, මේ වන විට ඔවුන් නේවාසිකව ප්රතිකාර ලබන බවත්ය. සිය සේවා අයිතීන් දිනාගැනීම වෙනුවෙන් වතු කම්කරුවන් ආරම්භ කළ මෙම විරෝධතාවය අද වන විට හයවන දිනටත් ක්රියාත්මක වෙමින් පවතී.
