ශ්‍රි ලංකා ගුවන් හමුදාව 2025 වසරේ අලුතෙන් ගුවන් යානා නවයක් ලබා ගැනීමට නියමිතය. එක්සත් ජනපදයෙන් බෙල් 206 හෙලිකොප්ටර් යානා අටක් සහ පාකිස්ථානයෙන් FT-7 පුහුණු ගුවන් යානයක් ලබා ගනියි.
2025 පළමු කාර්තුවේදී එක්සත් ජනපදය විසින් TH-57 සී රේන්ජර් බෙල් 206 හෙලිකොප්ටර් යානා අටක් ගුවන් හමුදාව වෙත ලබා දෙන බව ගුවන් හමුදාපති එයාර් මාර්ෂල් උදේනි රාජපක්ෂ මහතා පවසයි.
ශ්‍රී ලංකාව සහ එක්සත් ජනපදය අතර දිගුකාලීන සාකච්ඡාවලින් පසුව මෙම හෙලිකොප්ටර් යානා ලබාදෙන්නේ ශ්‍රී ලංකා ගුවන් හමුදාවේ ගුවන් හැකියාවන් ඉහළ නැංවීම අරමුණිනි.
ගුවන් හමුදා බලඇණිය තවදුරටත් ශක්තිමත් කරමින් නුදුරු අනාගතයේ දී ගුවන් හමුදාවට පාකිස්තාන ජෙට් යානයද ලැබෙනු ඇති බව ගුවන් හමුදාපතිවරයා පැවසීය.
පසුගිය වර්ෂයේ සැප්තැම්බර් මාසයේදී ශ්‍රී ලංකා ගුවන් හමුදාවට එක්සත් ජනපදයෙන් Beechcraft King Air 360ER ගුවන් යානයක් ලැබුණු අතර, දෙසැම්බර් මාසයේදී ඕස්ට්‍රේලියාවෙන් Beechcraft King Air 350 ගුවන් යානයක් ලැබිණි.
