චීන භාණ්ඩ සඳහා පනවා තිබූ අමෙරිකානු ආනයන තීරුබදු 10%කින් අඩු කිරීමට කටයුතු කරන බව ජනාධිපති ඩොනල්ඩ් ට්‍රම්ප් පවසනවා.
ඒ චීන ජනාධිපති ෂී ජින්පිං සමඟ ඇති කරගත් එකඟතාවක් අනුවයි.
චීනය නීතිවිරෝධී ෆෙන්ටැනයිල් වෙළඳාම මැඩපැවැත්වීම, අමරිකානු සෝයා බෝංචි මිලදී ගැනීම නැවත ආරම්භ කිරීම සහ දුර්ලභ පාංශු අපනයනය අඛණ්ඩව පවත්වා ගැනීමේ එකඟතාවට අනුව ආනයන තීරු බදු අඩු කිරීමට පියවර ගෙන ඇති බව විදෙස් මාධ්‍ය වාර්තා කරනවා.
2019 න් පසු පැවැත්වූ ඔවුන්ගේ පළමු සාකච්ඡාව මෙයයි.
සාකච්ඡාව පැය දෙකකට ආසන්න කාලයක් පැවති බවයි වාර්තා වන්නේ.
කෙසේ වෙතත්, ගෝලීය වෙළඳපොළ මෙමහමුවීම සම්බන්ධයෙන් මෙම සාකච්ඡාවේදී දැඩි ප්‍රතිචාරයක් දක්වා නැහැ.
මෙහිදී දෙපාර්ශ්වය එකඟ වූ ප්‍රධාන ගිවිසුම් සහ සහන ලෙස තීරුබදු අඩු කිරීම දක්වන්න පුළුවන්.
චීන ආනයන මත තීරුබදු 57% සිට 47% දක්වා අඩු කරනු ලබන බව ට්‍රම්ප් පැවසුවා.
මෙය සිදු කර ඇත්තේ ෆෙන්ටැනයිල් පූර්වගාමී ඖෂධ වෙළඳාමට අදාළ තීරුබදු අනුපාතය 10% දක්වා අඩකින් අඩු කිරීමෙන්.
චීනය මෙම මස මුලදී දුර්ලභ පාංශු අපනයනය අත්හිටුවීම පියවර ගත්තා.
දුර්ලභ පාංශු යනු මෝටර් රථ, ගුවන් යානා සහ ආයුධ සඳහා අත්‍යවශ්‍ය මූලද්‍රව්‍ය වන අතර ඒවා ඇමරිකාව සමඟ ඇති වෙළඳ යුද්ධයේදී චීනයේ බලවත්ම ලීවරය බවට පත්ව තිබෙනවා.
ෆෙන්ටැනයිල් පාලනය ඇමරිකානු අධිමාත්‍රා මරණවලට ප්‍රධාන හේතුව වන මාරාන්තික කෘතිම ඔපියොයිඩ් වර්ගයක් වන ෆෙන්ටැනයිල්වල ගලා ඒම නැවැත්වීමට ඉතා වෙහෙසකර කාර්යයක කියැලීමට ෂී ජනාධිපතිවරයා ප්‍රතිඥා දුන් බවයි ට්‍රම්ප් පවසන්නේ.
අමරිකානු භාණ්ඩ මිලදී ගැනීමට ද මෙහිදී එකඟ වී තිබෙනවා.
චීනය ජනවාරි දක්වා ඇමරිකානු සෝයා බෝංචි මෙට්‍රික් ටොන් මිලියන 12ක් මිලදී ගැනීමටත්, ඉදිරි වසර තුන සඳහා වාර්ෂිකව ටොන් මිලියන 25ක් මිලදී ගැනීමටත් එකඟ වී ඇති බව වාර්තා වනවා.
චීනය අමෙරිකාවෙන් තෙල් හා ගෑස් මිලදී ගැනීමට ද එකඟ වී ඇති විදෙස් මාධ්‍යවල වැඩිදුරටත් සඳහන්.
තාක්ෂණික සීමා අත්හිටුවීම පිළිබඳව ද මෙහිදී තීන්දුවක් ගෙන තිබෙනවා.
TikTok අමරිකානු පාලනය යටතේ හිමිකාරිත්වයට ගෙන ඒමේ ගිවිසුමක් චීනය අනුමත කර තිබෙනවා.
එය ඉදිරි මාසවලදී ඉදිරියට යනු ඇතැයි අපේක්ෂා කෙරෙනවා.
වෙළඳ විශේෂඥයන පවසන්නේ මෙම ගිවිසුම ගෝලීය වර්ධනයට බලපෑ ආතතීන්ගෙන් වසරක සහනයක් ලබා දෙන බවයි.
මෙම ගිවිසුම ක්‍රියාත්මක වීම යනු ජාතීන් දෙකක් අතර තාවකාලික සටන් විරාමයක් ඇති කරලීම හා සමාන බවයි විදෙස් වාර්තාවල සඳහන් වන්නේ.
