ජනාධිපති දිසානායක මහතා සිරි දළදා වන්දනාවට පැමිණි ජනතාව හමු වීමට (24) රාත්‍රියේ හදිසි සංචාරයක නිරත විය.
සිරි දළදා වන්දනාවට සහභාගී වීමට පෝලිම්වල රැඳී සිටින ලක්ෂ ගණනක ජනතාව හමුවීම සඳහා ජනාධිපති අනුර කුමාර දිසානායක මහතා මෙලෙස මහනුවරට පැමිණ තිබේ.
දළදා වන්දනාවට එක්වීම සඳහා දිගු පෝලිම්වල රැඳී සිටින සැදැහැවතුන්ගේ අවශ්‍යතා පරීක්ෂා කිරීම සහ සේවා සහන ලබා දීම ජනාධිපතිතුමන්ගේ මෙම සංචාරයේ ප්‍රධාන අරමුණ විය.
අද (25) සිරි දළදා වන්දනාවේ 8වන දිනය ලෙස පෙරවරු 11.00ට ආරම්භ වනු ඇත.
එහෙත්, මේ වන විට මහනුවර ප්‍රදේශයට ලක්ෂ 4කට අධික සංඛ්‍යාවක සැදැහැවතුන් පැමිණ ඇති බැවින්, බලධාරීන් අද දිනයේ මහනුවරට අතිරේක ජනප්‍රවාහයක් නොකිරීමට ජනතාවගෙන් ඉල්ලා සිටී.
මෙම වර්ෂයේ දළදා වන්දනාවට විශාල ජන සහභාගීත්වයක් ඇති වී ඇති අතර, රජය විසින් පෝලිම්වල රැඳී සිටින ජනතාවට ජලය, ආහාර සහ වෙනත් මූලික සහන සේවා ලබා දීමට කටයුතු කර ඇත.
