ජනාධිපති ශිෂ්යත්ව පිරිනැමීම ඇරඹේ
![](https://ttvnews.lk/wp-content/uploads/2024/07/ranii-900x564.jpg)
ජනාධිපති ශිෂ්යත්ව ප්රදානය අද (12) සිට දිස්ත්රික් මට්ටමින් ආරම්භ කර තිබෙනවා.
පළමු ශ්රේණියේ සිට 11 ශ්රේණිය දක්වා අධ්යාපනය ලබන අඩු ආදායම්ලාභී පවුල්වල සිසුන් සඳහා මෙම ශිෂ්යත්ව පිරිනැමීමට නියමිතව ඇති බවයි වාර්තා වන්නේ.
කොළඹ දිස්ත්රික්කයට අදාළ ශිෂ්යත්ව ලබාදීම පසුගියදා ජනාධිපති රනිල් වික්රමසිංහගේ ප්රධානත්වයෙන් අරලියගහ මන්දිරයේ දී සිදු කෙරුණු අතර අනෙකුත් දිස්ත්රික්ක 24ට අදාළ ශිෂ්යත්ව පිරිනැමීම මෙලෙස අද සිට දීප ව්යාප්තව සිදු කිරීමට නියමිත බව ජනාධිපති මාධ්ය අංශය පැවසුවා.
ඒ අනුව හම්බන්තොට දිස්ත්රික්කයේ තෝරාගත් සිසුන් සඳහා ශිෂ්යත්ව ප්රදානය අද සහ එළෙඹෙන 15 වනදා සිදු කෙරෙන අතර, බදුල්ල, මාතලේ සහ යාපනය දිස්ත්රික්කවල ජුලි 13 වන දින ද, කිලිනොච්චි දිස්ත්රික්කයේ ජූලි 14 වන දින ද, ගම්පහ දිස්ත්රික්කයේ ජූලි 16 සහ 17 යන දිනයන්හිදී ද සිදුකෙරෙනු ඇති.
ගාල්ල සහ අනුරාධපුර දිස්ත්රික්කවල දරුවන් සඳහා ජූලි 15 දින ද, වවුනියාව, මඩකලපුව, රත්නපුර, කෑගල්ල, නුවරඑළිය දිස්ත්රික්කවල ජුලි 16 දින ද, ශිෂ්යත්ව පිරිනැමීම සිදු කිරීමට නියමිතය.
දිස්ත්රික් ලේකම්වරුන්ගේ ප්රධානත්වයෙන්, සියලු කලාප අධ්යාපන කාර්යාල සහ විදුහල්පතිවරුන්ගේ සම්බන්ධීකරණයෙන් ශිෂ්යත්ව ප්රදානය සිදු කෙරෙන අතර පළමු අදියරේ දී ශිෂ්යත්ව ලාභීන්ගෙන් කොටසක් පමණක් ශිෂ්යත්ව ප්රදානෝත්සව සඳහා කැඳවීමට නියමිත බව සඳහන්.
COPPIED