ජපානයේ රික්ටර් මාපක 7.6ක අගයකින් යුත් ප්රබල භූ කම්පන තත්ත්වයක් හටගෙන තිබෙනවා.
ජපානයේ උතුරු හා නැගෙනහිර ප්රදේශවල භූමිකම්පාව ඇති වූ අතර, හොක්කයිඩෝ, අමෝරි සහ ඉවාටේ ප්රාන්ත සඳහායි මෙම සුනාමි අනතුරු ඇඟවීම නිකුත් කර තිබෙන්නේ.
ජපාන කාලගුණ විද්යා ඒජන්සිය සඳහන් කර ඇත්තේ, ජපානයේ ඊසානදිග වෙරළ තීරයට මීටර් 03ක් උස සුනාමි රල ඇති විය හැකි බවයි.
එමෙන්ම හොක්කයිඩෝ ප්රාන්තයේ උරකාවා නගරයට සහ මුට්සු ඔගවාරා හි අමෝරි ප්රාන්ත වරායන් වෙත සෙන්ටිමීටර 70ක පමණ උසින් යුත් සුනාමි රළ පැමිණි බවද වාර්තා වනවා.
ජපාන අගමැතිනි මේ සම්බන්ධයෙන් අදහස් දක්වමින් පවසා ඇත්තේ, ජනතාවගේ ජීවිතවලට මුල් තැන දෙමින් ගත හැකි සෑම පියවරක්ම සිදුකරන බවයි.
ඇති වූ භූකම්පනයෙන් මේ වනවිට පුද්ගලයින් 30 දෙනෙකු තුවාල ලබා ඇති බව විදෙස් මාධ්ය වාර්තා කර තිබෙනවා.
සුනාමියෙන් කිසිවෙකුටත් ජීවිත හානි සිදුව නැහැ.
භූකම්පනය හේතුවෙන් එම ප්රදේශයේ දහස් ගණනක් ජනතාව නිවාස අතහැර ආරක්ෂිත ස්ථාන වෙත ගොස් ඇති බව විදෙස් මාධ්ය වැඩිදුරටත් පවසනවා.
