ගාසා තීරයේ අනාගතය වෙනුවෙන් ඩොනල්ඩ් ට්රම්ප් ඉදිරිපත් කළ සැලසුම් ක්රියාත්මක කිරීමට අවශ්ය ප්රතිපාදන නොමැතිකම හේතුවෙන් ඔහුගේ ‘සාම මණ්ඩලය’ (Board of Peace) දැඩි මූල්ය අර්බුදයකට මුහුණ දී සිටින බව වාර්තා වේ. ගාසා තීරය යළි ගොඩනැගීම සහ පාලනය සඳහා ගල්ෆ් කලාපීය රටවල් ඇතුළු ජාත්යන්තර ප්රජාව ඩොලර් බිලියන 17ක මුදලක් පොරොන්දු වුවද, ඉන් ලැබී ඇත්තේ ඉතා සුළු ප්රමාණයක් පමණක් බව රොයිටර් පුවත් සේවය සඳහන් කරයි.
එක්සත් අරාබි එමීර් රාජ්යය, මොරොක්කෝව සහ අමෙරිකාව පමණක් මෙතෙක් අරමුදල් ලබා දී ඇති අතර, ලැබී ඇති මුළු මුදල ඩොලර් බිලියනයටත් වඩා අඩු බව වාර්තා වේ. ඉරානය සහ අමෙරිකාව අතර හටගත් යුදමය වාතාවරණය මෙම අරමුදල් රැස් කිරීමේ ක්රියාවලියට දැඩි බාධාවක් වී ඇත. මූල්ය සහ ආරක්ෂක ගැටලු හේතුවෙන් ගාසා තීරයේ පාලනය භාර ගැනීමට නියමිත පලස්තීන තාක්ෂණික කමිටුවට (NCAG) තවමත් එම ප්රදේශයට ඇතුළු වීමට පවා නොහැකි වී තිබේ.
කෙසේ වෙතත්, ට්රම්ප්ගේ සාම මණ්ඩලය සමාජ මාධ්ය හරහා නිවේදනයක් නිකුත් කරමින් සඳහන් කළේ තමන්ට කිසිදු මූල්ය ගැටලුවක් නොමැති බවයි. නමුත් ගාසා තීරයේ ගොඩනැගිලිවලින් හතරෙන් පහක්ම විනාශ වී ඇති පසුබිමක, එහි ප්රතිසංස්කරණ කටයුතු සඳහා ඩොලර් බිලියන 70ක් පමණ වැය වනු ඇතැයි ගණන් බලා ඇත. දැනට පවතින සටන් විරාමය හමුවේ වුවද, දෙපාර්ශවය අතර පවතින අවිශ්වාසය සහ නිරායුධකරණය පිළිබඳ එකඟතාවක් නොමැති වීම නිසා ගාසා තීරයේ සාමය තවමත් අවිනිශ්චිත මට්ටමක පවතී.
