ඩිජිටල් සේවා සඳහා බදු පැනවීමේ ක්‍රියාවලියේ යම්කිසි ගැටලු තිබේ නම් එය සාකච්ඡාවෙන් සංශෝධනය කළ හැකි බව ඇමැති නලින්ද ජයතිස්ස පවසනවා.
අමාත්‍යවරයා පැවසුවේ ඩිජිටල් සේවා බද්ද ක්‍රමිකව කල හැකිව තිබිය දී එක්වරම සේවා රැසක බදු පැනවීම මත මිනිසුන් අපහසුතාවයට පත්ව ඇති බවයි.
කිසිවෙක් හෝ ව්‍යාපාරයක් සිදුකරන්නේ නම් එයින් රජයට බදු ගෙවිය යුතු බවත් එසේ නොවන පාර්ශ්ව පිළිබද සාකච්ඡා කළ හැකි බවත් ඔහු කැබිනට් මාධ්‍ය හමුවේදී පවසා තිබෙනවා.
එහිදී අමාත්‍යවරයා පවසා සිටියේ මෙලෙසය.”අපි අලුත් නීතියක් ගෙනාවේ නෑ. පැවැති නීති තිබුණා. පුද්ගලිකව ගෙන්වන එකේ නෙවෙයි ප්‍රශ්නෙ තිබුණේ. කවුරු හරි ව්‍යාපාරයක් කරනවා නම් රජයට බද්දක් ගෙවිය යුතුයිනේ. කලබල වෙන්න දෙයක් නෑ. මේක සංශෝධනය කරන්න පුළුවන්. හානියක් වෙන්නෙ කාටද අහිමි වන බදු කොපමණද කියල මුදල් අමාත්‍යංශය අධ්‍යයනය කරමින් ඉන්නේ. සියලු දේ සාකච්ඡා කළ හැකි බව මුදල් අමාත්‍යාංශ ලේකම් කිව්වා.
