වෙනිසියුලානු ජනාධිපති නිකලස් මදුරෝ පැහැරගැනීමේ ඇමරිකානු කුමන්ත්රණයකට සම්බන්ධ වූ බවට සැකපිට පුද්ගලයන් 60 දෙනෙකු නිකරගුවාවේදී අත්අඩංගුවට ගෙන තිබෙනවා.
ඒ ඇමරිකානු රජය විසින් මදුරෝ අත්අඩංගුවට ගැනීමට සහාය වන්නෙකුට පිරිනමන බව කියන ඩොලර් මිලියන 15ක ත්යාග මුදල ලබාගැනීමේ අරමුණින් මොවුන් කටයුතු කර ඇති බවට චෝදනා එල්ල වීම හේතුවෙන්.
අත්අඩංගුවට ගත් පිරිසෙන් 49 දෙනෙකු තවමත් රැඳවුම් මධ්යස්ථානවල පසුවන අතර, 9 දෙනෙකු නිදහස් කර තිබෙනවා.
නිකරගුවා ජනාධිපති ඩැනියෙල් ඔර්ටේගා සහ වෙනිසියුලානු ජනාධිපති නිකලස් මදුරෝ ප්රබල ඇමරිකානු විරෝධී මිතුරන් වීම මෙම මෙහෙයුමට හේතු වී තිබෙනවා.
මෙම සිදුවීම නිසා ඇමරිකාව සහ නිකරගුවාව අතර සබඳතා තවදුරටත් පළුදු වී ඇති අතර, නිසි නඩු විභාගයකින් තොරව පිරිස රඳවා තබා ගැනීම ගැන මානව හිමිකම් සංවිධානවල අවධානය යොමුව තිබෙන බවයි වාර්තා වන්නේ.
